1 КАРЫНФЯНАЎ 16:13 - Кнігі Святога Пісання - Біблія - Біблія — пераклад Чарняўскага (выданне 2017 года)

Чувайце, будзьце стойкімі ў веры, трымайцеся мужна, будзьце дужымі.

Біблія (пераклад А.Бокуна)

Чувайце, стойце ў веры, будзьце мужнымі, умацоўвайцеся.

Біблія (пераклад В. Сёмухі)

Чувайце, стойце ў веры, будзьце мужныя, цьвёрдыя;

1 КАРЫНФЯНАЎ 16:13 Крыжаваныя спасылкі

2 ЦАРСТВАЎ 10:12

Будзь ваяром адважным, і будзем моцна змагацца за народ наш і за гарады Бога нашага; а Госпад хай зробіць, што добрае ў вачах Яго».

3 ЦАРСТВАЎ 2:2

«Я ўзыходжу на дарогу ўсяе зямлі; ты ж будзь моцны і пакажы сябе мужчынам.

1 ЛЕТАПІСАЎ 19:13

Будзеце мужнымі ды будзем змагацца мужна за народ свой і за гарады Бога нашага; а Госпад, што Яму будзе добрым, зробіць».

1 ЛЕТАПІСАЎ 28:10

Дык цяпер ведай, што Госпад выбраў цябе, каб пабудаваў ты дом і свяцілішча; будзь дужы і зрабі».

ПСАЛТЫР 27:14

Чакай Госпада, паводзь сябе мужна, і няхай гартуецца сэрца тваё, і чакай Госпада.

ПСАЛТЫР 31:24

Любіце Госпада, усе святыя Яго! Верных захоўвае Госпад, а тым, што ў пыхлівасці ходзяць, аддае з лішкам.

ІСАІ 35:4

Кажыце маладушным: «Трымайцеся, не бойцеся! Вось, Бог ваш, помста надыдзе, адплата Божая; Ён сам прыйдзе і збавіць вас».

ДАНІІЛА 10:19

і сказаў: «Не бойся, чалавек пажаданняў; супакой табе! Узмацуйся і будзь дужы». І калі ён гаварыў са мною, я падужэў і казаў: «Гавары, гаспадару, са мною, бо ўздужыў ты мяне».

ДАНІІЛА 11:32

І бязбожнікаў ён хітрасцю ўвядзе ў зман адносна запавету; а людзі, якія ведаюць свайго Бога, вытрываюць і будуць дзейнічаць.

АГЕЯ 2:4

Але вось цяпер набярыся сілы, Зарабабэлю, — кажа Госпад, — набярыся сілы, першасвятару Ешуа, сыне Ёсэдэка, набярыцеся сілы, увесь народзе зямлі, — кажа Госпад Магуццяў, — ды вазьміцеся за працу, бо Я з вамі, — кажа Госпад Магуццяў, —

ЗАХАРЫІ 8:13

Ды будзе: як вы, доме Юды і доме Ізраэля, былі праклёнам у народаў, так Я збаўлю вас і вы будзеце дабраславеннем. Не бойцеся, хай набяруць сілы рукі вашы!”

ЗАХАРЫІ 8:9

Гэта кажа Госпад Магуццяў: “Хай умацуюцца рукі вашы, тых, якія ў гэтыя дні слухаюць словы гэтыя з вуснаў прарокаў у дзень, у які былі закладзены падмуркі пад дом Госпада Магуццяў для пабудавання святыні.

МАЦЬВЕЯ 25:13

Дык чувайце, бо не ведаеце ані дня, ані гадзіны, калі Сын Чалавечы прыйдзе.

МАЦЬВЕЯ 26:41

Чувайце і маліцеся, каб не ўвайшлі вы ў спакусу: бо дух бадзёры, а цела кволае».

ЛУКАША 21:36

Дык чувайце, молячыся ўвесь час, каб змаглі пазбегнуць ўсяго гэтага, што мае прыйсці, ды стаць перад Сынам Чалавечым».

1 КАРЫНФЯНАЎ 14:20

Браты! Не будзьце дзецьмі розумам, але будзьце немаўлятамі адносна зла, а розумам будзьце дарослымі.

1 КАРЫНФЯНАЎ 15:58

Дзеля таго, браты мае ўлюбёныя, будзьце стойкімі, непахіснымі, заўсёды рупліва занятымі справай Госпада, ведаючы, што праца ваша недарэмная перад Госпадам.

2 КАРЫНФЯНАЎ 1:24

не з-за таго, што мы валадарым над верай вашай, але мы памочнікі вашае радасці, бо ў веры вы трывалыя.

ГАЛЯТАЎ 5:1

Дык стойце ў свабодзе, якой вызваліў нас Хрыстос, і не патрапляйце зноў пад ярмо няволі.

ЭФЭСЯНАЎ 3:16

каб даў вам паводле багацця славы Сваёй умацавацца сілай праз Духа Яго ва ўнутраным чалавеку,

ЭФЭСЯНАЎ 6:10

Урэшце, браты, умацуйцеся ў Госпадзе і ў сіле магутнасці Яго.

ПІЛІПЯНАЎ 1:27

Толькі жывіце дастойна Евангелля Хрыстова, каб, ці калі прыбуду і ўбачу вас, ці адсутны, пачуў пра вас, што вы стаіце ў адным Духу, аднадумна змагаючыся за веру Евангельскую

ПІЛІПЯНАЎ 4:1

Гэтак, браты мае найдаражэйшыя і вельмі пажаданыя, радасць і вянок мой, стойце так у Госпадзе, улюбёныя.

ПІЛІПЯНАЎ 4:13

Усё магу ў Хрысце, Які ўзмацняе мяне.

КАЛАСЯНАЎ 1:23

калі толькі застанецеся моцнымі верай, стойкімі і непарушнымі ў надзеі Евангелля, якое вы чулі, якое абвяшчаецца ўсяму стварэнню, якое пад небам, якога я, Паўла, стаўся паслугачом.

КАЛАСЯНАЎ 4:12

Вітае вас Эпафрас, які з вашых, паслугач Хрыста Ісуса, заўсёды руплівы ў малітвах за вас, каб устаялі вы дасканалымі і напоўніліся ўсякай воляй Божай.

КАЛАСЯНАЎ 4:2

Трывайце ў малітве, чувайце ў ёй з падзякаю,

1 ФЕСАЛОНІКІЙЦАЎ 3:8

бо мы цяпер жывём, калі вы стаіце ў Госпадзе.

1 ФЕСАЛОНІКІЙЦАЎ 5:6

Дык не будзем спаць, як і іншыя, але будзем чуваць і будзем цвярозымі.

2 ФЕСАЛОНІКІЙЦАЎ 2:15

Дык вось, браты, стойце і трымайцеся перададзенага ад нас вучэння, якому навучыліся ці то праз словы, ці то праз лісты нашы.

1 ЦІМАФЕЯ 6:12

Змагайся добрым змаганнем веры, трымайся вечнага жыцця, да якога ты і пакліканы і дзеля якога ты вызнаў добрае сведчанне перад шматлікімі сведкамі.

2 ЦІМАФЕЯ 2:1

Дык ты, сын мой, умацоўвайся ласкай, якая ёсць у Хрысце Ісусе,

2 ЦІМАФЕЯ 4:5

Ты ж пільнуйся ва ўсім, цярпі ў смутку, выконвай справу евангеліста, службу тваю спаўняй.

2 ЦІМАФЕЯ 4:7

Змагаўся я ў добрым змаганні, бег закончыў, веру захаваў.

ІСУСА 1:18

Хто будзе пярэчыць вуснам тваім і не слухацца ўсіх слоў тваіх, што яму загадаеш, хай будзе пакараны смерцю; ты толькі будзь цвёрды і мужны».

ІСУСА 1:9

Ці не Я загадваю табе: “Будзь цвёрды і мужны, не палохайся і не бойся, бо з табою Госпад, Бог твой, ва ўсім, да чаго імкнешся”»?

1 ПЯТРА 4:7

Канец усяго ўжо наблізіўся. Дык будзьце цвярозага мыслення і чувайце ў малітвах.

1 ПЯТРА 5:8

Будзьце цвярозымі, чувайце! Бо супраціўнік ваш, д’ябал, як леў рыклівы, кружыць, шукаючы, каго зжэрці.

АДКРЫЦЦЁ 16:15

Вось, іду як злодзей. Шчасны той, хто чувае і сцеражэ адзежу сваю, каб не хадзіць голым і каб не паказаць сораму свайго.

1 ЦАРСТВАЎ 4:9

Умацуйцеся і будзьце мужнымі, філістынцы, каб не служылі вы гебраям, як яны служылі вам. Будзьце мужчынамі і ваюйце!»