АДКРЫЦЦЁ 16:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Вось, іду як злодзей. Шчасны той, хто чувае і сцеражэ адзежу сваю, каб не хадзіць голым і каб не паказаць сораму свайго.

Біблія (пераклад А.Бокуна)

¹⁵ «Вось, прыходжу, як злодзей. Шчасьлівы той, які чувае і захоўвае адзеньне сваё, каб не хадзіць яму голым, і каб ня бачылі непрыстойнасьці ягонай».

Біблія (пераклад В. Сёмухі)

¹⁵ Вось, іду як злодзей: дабрашчасьнік - хто чувае і захоўвае адзеньне сваё, каб не хадзіць яму голым і каб ня ўбачылі сараматы ягонай.

АДКРЫЦЦЁ 16:15 Крыжаваныя спасылкі

АДКРЫЦЦЁ 3:18

Раю табе купіць сабе ў Мяне золата, агнём ачышчанага, каб быў забяспечаны, і белую вопратку, каб апрануўся і каб не паказалася нікчэмнасць галізны тваёй, і масць, каб памазаў вочы свае і бачыў.

2 ПЯТРА 3:10

Як злодзей уначы прыйдзе дзень Госпадаў, у які нябёсы з шумам вялікім прамінуцца, стыхіі, распаленыя, знікнуць, а зямля і ўсе справы на ёй згараць.

МАЦЬВЕЯ 25:13

Дык чувайце, бо не ведаеце ані дня, ані гадзіны, калі Сын Чалавечы прыйдзе.

2 КАРЫНФЯНАЎ 5:3

каб толькі, і адзетыя, мы не апынуліся голымі.

МАРКА 14:38

Чувайце і маліцеся, каб не трапіць у спакусу: бо дух бадзёры, а цела нямоглае».

ДЗЕІ 20:31

Таму чувайце, памятаючы, што я на працягу трох гадоў днём і ўночы не пераставаў са слязамі настаўляць кожнага з вас.

1 ФЕСАЛОНІКІЙЦАЎ 5:6

Дык не будзем спаць, як і іншыя, але будзем чуваць і будзем цвярозымі.

ЛУКАША 21:36

Дык чувайце, молячыся ўвесь час, каб змаглі пазбегнуць ўсяго гэтага, што мае прыйсці, ды стаць перад Сынам Чалавечым».

МАЦЬВЕЯ 26:41

Чувайце і маліцеся, каб не ўвайшлі вы ў спакусу: бо дух бадзёры, а цела кволае».

ІСАІ 47:3

Адкрыецца галізна твая, і ўбачаць няславу тваю. Учыню Я помсту, нікога не пашкадую, —

1 ПЯТРА 4:7

Канец усяго ўжо наблізіўся. Дык будзьце цвярозага мыслення і чувайце ў малітвах.

ЕЗЭКІІЛЯ 16:37

таму, вось, Я збяру ўсіх тваіх палюбоўнікаў, якім ты спагадвала, ды ўсіх тых, каго ты любіла, з усімі, каго ненавідзела; і збяру іх з усіх бакоў супраць цябе, і адкрыю сорам твой перад імі, і ўбачаць яны ўсю тваю агіднасць.

АБАКУМА 2:15

Гора таму, хто змушае сябра свайго да піцця, даючы атруту сваю і ап’яняючы яго, каб бачыць сорам яго!

АСІІ 2:3

Каб часам не агаліў яе цалкам, ды не паставіў яе, як у дзень нараджэння яе, ды не зрабіў яе падобнаю да пустыні, ды не ўчыніў яе сухою зямлёй, ды не забіў яе смагаю.

ВЫХАД 32:25

Такім чынам, убачыў Майсей народ, што быў неакілзаны; бо Аарон адпусціў яму кілзы на смех ворагам яго.

1 ФЕСАЛОНІКІЙЦАЎ 5:4

Вы ж, браты, не ў цемры, каб дзень той захапіў вас, як злодзей,

АДКРЫЦЦЁ 3:11

Прыйду хутка. Трымай тое, што маеш, каб ніхто не скраў вянца твайго.

АДКРЫЦЦЁ 22:7

І вось, прыходжу хутка. Шчасны, хто захоўвае словы прарочыя гэтай кнігі».