ПСАЛТЫР 31:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ Любіце Госпада, усе святыя Яго! Верных захоўвае Госпад, а тым, што ў пыхлівасці ходзяць, аддае з лішкам.

Біблія (пераклад А.Бокуна)

²⁴ Любіце ГОСПАДА, усе багабойныя Ягоныя! Верных захоўвае ГОСПАД, але тым, якія дзейнічаюць пыхліва, Ён адплочвае з лішкам.

ПСАЛТЫР 31:24 Крыжаваныя спасылкі

2 ЛЕТАПІСАЎ 34:31

І, стоячы на сваім месцы, заключыў ён запавет перад абліччам Госпада, каб ісці за Ім і пільнаваць прыказанні Яго, і сведчанні і законы Яго ўсім сэрцам сваім, і ўсёю душою сваёй ды спаўняць словы запавету, запісаныя ў гэтай кнізе.

ЭСТЭР 6:10

Дык сказаў яму цар: «Паспяшайся, узяўшы шаты і каня, як ты сказаў — зрабі Мардахэю, юдэю, які сядзіць у браме палаца; глядзі, каб не прапусціць нічога з таго, што ты сказаў».

ПСАЛТЫР 138:3

Калі прызываў я Цябе, выслухаў Ты мяне; памножыў Ты магуцце душы маёй.

ПСАЛТЫР 146:5

Шчасны той, каму Бог Якубаў успаможца, чыя надзея ў Госпадзе Богу сваім,

ПСАЛТЫР 27:14

Чакай Госпада, паводзь сябе мужна, і няхай гартуецца сэрца тваё, і чакай Госпада.

ПСАЛТЫР 29:11

Госпад дасць сілу Свайму народу, Госпад дасць дабраславенне народу Свайму ў супакоі.

ДРУГІ ЗАКОН 6:5

Любі Госпада, Бога твайго, усім сэрцам тваім, усёй душой тваёй і ўсёй моцай тваёй».

КАЛАСЯНАЎ 1:11

дужэючы ўсякай сілаю паводле магутнасці славы Яго ва ўсякай цярплівасці і велікадушнасці, з радасцю,

1 ПЯТРА 1:21

якія праз Яго ўверылі ў Бога, Які ўваскрасіў Яго з мёртвых і даў Яму славу, каб вера ваша і надзея былі скіраваны да Бога.