Kasta
98 Diosan idolonakar taripäwipat parlir Biblian jiskʼa tʼaqanakapa
“Janiw jumajja nayat sipana yakha diosanacjja uscusïtati. “Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa. Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.
Uca marcanacan iyawsäwinacapajj janiw cunataquis asquïquiti. Monten mä tronco jakonucupjje, mayni lek'eriraquiw cincelapampi lek'su, ucatsti uca lek'sutarojj korimpi kollkempiw c'achachapjjaraqui, ucatsti clavonacampiw lek'thapipjjaraqui jan lewektañapataqui. Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”
Jumasti jupanacarojj saraquim: ‘Tatitusti arsuwa: Acasti jutiwa jumanacan nayra awquinacamajj nayaru apanucuwayasinjja yakha diosanacan khepapwa sarjjapjjäna, ucanacar quillt'asisina yupaychañataqui; nayarusti apanucuwayapjjetänwa, janiraquiw cuntejj nayajj jupanacaru siscäyäta ucanacjja phokhapcänti.
Utamansti puncu khepäjjanacaruw uca ajjtascañ c'ari diosanacamjja uchastajja. Nayatsti armt'astawa, k'alalsusisinsti uca jach'a iquiñamaruw iquinttajja; cawquïri jakenacampitejj iquintañ muncäyätasa ucanacampiraquiw arust'astajja, c'ari diosanacamarusti wali uñch'uquiraquïyätajja.
Jupanacasti Alajjpachanquir Diosarojj, arsutanacapar jan yäkasaw yant'apjjäna, kallasipjjaraquïna, awquinacapjamaw Diosarojj apanucupjjäna, mays uñtapjjaraquïna; p'aquisir arcor uñtataw c'umthapipjjäna; jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.
“Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.
Uqhamapï purininejja Babilonianquiri c'ari diosanacar mutuyañajj urojja. Take aca marcpachaw jisc'achjata uñjasiraquini, jake jiwaratanacampi phokhantataraquïniwa.
Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui. Nayaraquiw jupanacatac t'akhesiña ajllï, cuntejj jupanacajj wal ajjsarapqui ucanac apayaniraquëjja. Cunapachatejj jawscäyäta ucapachajj janiw ist'apquitänti uca laycu, parlascäyätwa ucampis janiraquiw ist'apquitänti; cuntejj nayajj jan munctjja uca lurapjjaraquejja, cuntejj nayarojj colerayquitu uca lurañwa ajllisipjjaraquïnjja.”
Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.
Uca kori, kollke yänacanïsasti, jach'a jach'aw tucupjje, uca korinacampiw uca ajjtascañ diosanacapsa lurasipjjaraquïnjja. Ucatpï nayajj uca korit lurat yänacapjja k'añu t'unaru tucuyaraquëjja.
Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.
Cuntï jumanacajj lurapjjäta ucanacajj acanacawa: Altaranacapa tincuyapjjäta, ucatsti t'unjapjjaraquïtawa uca kalanacata, lawanacata lurat diosanacapa, cawquïrirutï yupaychapqui, uqhamaraquiw yakha diosanacapsa takpach phichhantapjjäta.
Qhititejj yupaychañataqui yakha diosanac lurqui cheka diosäcaspas uqhama, uca jakejj inamayaw urunacsa apt'asi.
“Tantacht'asipjjam jutapjjaraquim, marcanacat jilt'iri take jaquirinaca, takeni jac'achasinipjjam. Yakha diosanacar jach'ar aptirinacajja jan yatiñan jakenacawa, uca diosanacasti maderat luratawa, uca jan khespiyiri diosaruw quillt'asipjjaraqui.
“Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”
Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.
roble kokanaca jac'ana, take ch'ojjña kokanac c'uchunwa k'añu lurañanacaru catuyasipjjtajja, jawira thiyanacana, karka p'iya mankhanacan jisc'a wawanacsa sacrificiot loktapjjtajja.
Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.
Jupanacajj cunayman diosanac uñstayapjje, ucanacarusti alt'at chuymampiw loktapjje. Ucampis nayajj janipuniw wilañcha loktäwinacapamp chicachascäti, janiraquiw sutinacaps aytascäti.
Ucampisa nayajj wali jach'a colerasiñampiw jichhajj lurjjäjja. Janipuniw jupanacatjja qhuyapayascäti. Kawkhas arnakasisinipcpan, janipuniw jupanacarojj ist'cäti” sasa.
Jumanacajj uca kokanacatjja pankar yapunacamatsa, cawquïrinacatejj wali cusisiyapctam ucanacatjja p'enkasipjjätawa, uca chekanacanwa yakha diosanacamarojj yupaychapjjayätajja.
Baal-peor diosan loktiriparuw tucupjjäna, jiwat diosanacar loktat wilañchanac mank'apjjäna;
Naya Tatituw sisma: Jumajj jan p'enkanpachaw waynanacamampi juch lurañataquejj janchimsa uñacht'ayastajja, uca ajjtascañ c'ari diosanacamar wawanacam sacrificiot luctasaw wila wartaractajja.
“Israel, jumajj jawira llust'a kalanacaruw yupaychtajja, ucanracwa jumataquejj mä chekajj waquichat utji. Uca kalanacaruw vino loktäwinac churastajja, granonacsa churaractajja. ¿Take uca luratanacamatsti cusisïti?
Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.
Tatitusti siwa: “Qhitinacatejj pankar yapunacan yakha diosanacar yupaychañataqui catuyasipjjta, chica taypi saririr arcasa, qhitinacatejj qhuchi aycha mank'apjjta, achacun aychapsa jan ucajj yakha k'añu animalanacan aychapsa, ucanacajj mäpita tucjatäpjjätawa, nayasti luratanacamsa, uñt'aractwa yatiractwa uca laycu. “Ucapachasti naya quipcaw jutaraquï take jach'a marcanacaru, jisc'a marcanacaru tantacht'añataqui, jupanacasti jutasinjja c'ajquir cancañajja uñjapjjaraquini.
Ucampisa, khepärmanthi alwajj wasitatwa Asdod chekan utjir jakenacajj purinipjjaraquiquïna, ucatsti Dagón diosarojj Tatitun arcapa nayräjjan liwnoktata jicjjatapjjaraquiquïna. P'ekepampi, amparanacapampisti p'aquirataraquïnwa, umbral patan apjjatataraqui. Cuerpopaquiw janejj cunas camacht'atäcänti.
“Aca jakenacajj yakha diosanacar yupaychañaruw catuyasjjapjje, cunatejj jucharu puriyqui uca uñcatataquïsipcaraquiwa. ¿Ucatti nayajj iyawsäjja jupanacan nayar jisct'asitanacapjja?
“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa
Take c'ari diosanacapasti t'unthapitcamäniwa, ajjsarañ tronconacapas naqhantataraquïniwa. Jan wali sarnaker warminacan kollkepampi jicjjatatächïnjjaya, uca pachpa jan wali sarnaker warminacan kollkeparuraquiw tucuyäjja” sasa.
Jichhasti cuna jan walt'añantejj jicjjatasipcta ucasti uqham jumanacan yakha diosanacaru incienso loktasipjjatamatwa jutapjjtamjja, uqhamatracwa jumanacajj Tatitutaqui jucha lurapjjtajja, janiraquiw yatichäwinacapsa, leyinacapsa, camachinacapsa ist'apctati ni phokhapcaractasa.”
“Cunanactejj sapcsma ucanacjja phokhätawa, ucampis jumanacajja lacanacamampejj janipuniw arsupjjätati yakha diosanacan sutipjja.
Jupanacasti yakha diosanacaruw yupaychapjjäna, uqham lurañatjja Tatitojj jupanacarojj sänwa: “Jumanacasti janiw yakha diosanacar yupaychapjjätati” sasa.
ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.
Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.
Tatitusti saraquiwa: “Maldecitäpan qhitin chuymapatejj nayat jayancqui ucajja, uqhamaraqui jakenacaru alcatasipqui ucanacasa, uca jakenacan yanapapa thakerinacasa.
Jumajj acapach diosanacar yupaychirinacarojj uñistawa, nayasti Tatituruw take chuymamp iyawsta;
Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”
¡Ucampis jumanacajj janiw cunäpctasa, janiraquiw cun lurañsa yatipctati! Jumanacar yupaychirisa mä jisc'achcañawa.
Jupanacarusti yakha diosanacapampi k'añuchasipjjañanacapataquiw apanucuracta, jilïri yokall wawanacapsa uca yakha diosanacar sacrificiot loktapjjañanacapataquiw apanucuracta. Jupanacan ajjsartapjjañanacapataquiw luraracta, ucat nayan Tatitütajja yatipjjañapataqui.’
“Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa. Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.
Uqhamawa jupanacajj vaca kallu churapcäna uca catusina wact'ayapjjäna, ucatsti jupanacajj alwata chica urucamawa Baal diosaparu jach'at mayipjjäna, aqham sasa: “¡Ist'apjjetay Baal!” sasa. Jupanacasti altar lurapcäna uca thiyana thoktas thoktasaw muyupjjäna, ucampis janiw cuna arusa ist'ascänti. Chica uröjjäna ucqhasti, Eliasajj jupanacatjja sawcasïnwa, aqham sasa: “Jach'at art'apjjam, jupajj diosawa uca laycu. Inas cunanacs lup'iscchi, jan ucajj cuna lurañanacapwa lurascpacha, jan ucajj sarascaracchi. ¡Inas iquiscaracchi, ucatjja sartayaña waquischi!” sasa.
Take qhitinacatejj c'ari diosanac lurasipqui ucanacajj p'enkachjata, jisc'achjataraquiw uñjasipjjani.
cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti. Egipto marcan reyipa Hofra sat faraonarojj uñisirinacapan amparaparuw catuyä, cunjämatejj Sedequías Judá marcan reyiparojj Nabucodonosoran amparaparu catuytjja uqhama. Ucasti Babilonia marcan reyipänwa Sedequiasan uñisiriparaqui.’ Nayasti mayampi mayampwa nayar sirviri profetanacjja qhitanipjjäyäsma jumanacaru jan uca ajjtaña luräwinaca lurapjjañanacamata jarct'añapataqui, nayasti uca luräwinacampejj ajjtastwa. Ucampisa jumanacajj janiw nayarojj ist'apquistati, ni arunacajjarus jaysapcaraquïyätati. Uca ñankha luräwinacapa apanucuñat sipansa juc'ampwa uca diosanacaru inciensonaca loktasipjjayätajja.
jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.
Ucapachaw Judá orakenquir jakenacajja, Jerusalén marcan utjir jakenacasa uca yakha diosanacaru yanapa mayisiri sarapjjani, cawquïrinacarutï incienso loktasipjje ucanacaru, ucampisa uca diosanacajj janiw khespiyañataquejj ch'amanïpcaniti uca jach'a t'akhesiñajj purincani ucapachajja.
Jumanacasti allthapipjjätawa altaranacapa kalata dios lurasitanacapsa t'unthapipjjaraquïtawa, uqhamarac kolluna lawanacapsa p'acthapipjjaraquïtawa. “Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.
Efrainajj yakha diosanacar yupaychañaruw catuyasjje takeniw umat tama jakenacäpcaspas uqham liwirtawayapjje. Mayampi mayampwa wachoka jucha lurapjje, suma jach'añchäwit sipansti p'enkachatäñacwa munapjje.
Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.
“¿Cunataquis asquejj mä c'ari diosa luratajj niyaqui tucuyatäjje ucqhajja? ¿Cunataquis asquejja mä yakha diosa luratajj take yatichäwinacapajja c'aricamaquïchi ucqhajja? C'ari diosanacajj janiw parlapcaspati; ¿cunjämaraqui ucanac lurir jakesti jupanacaru confiasispasti? “¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.
Uqhamarac jupanacajj jisc'achapjjaraquïnwa leyinacaparu, uqhamarac nayra awquinacapampi suma parlt'äwiru mantapcäna ucanacsa, camachi arunaca jupanacar churatäcäna ucanacsa. Ucjjarusti inamaya yakha diosanacan khepapwa arcapjjäna. Ucatsti jupanacpachawa inamayaru puripjjäna, jupanacar muytqui uca maya marcanacar uñtata, Tatitojj ucanacatracwa ewjjawayäna: “Janiw jupanacjamajj lurätati” sasa.
Ninampiraquiwa phichhantapjjäta diosanacapsa. Ucatsti janiraqui munapayapjjamti uca diosanacapar lip'suyat koripsa ni kollkepsa; jan jumanacan uqhamat jucharu puripjjañamataqui, uc lurasasti Tatitu Dios nayräjjan jan wali lurapjjasmajja.
“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.
Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati. (Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).
Diosar jan uñt'irin diosanacapajj korimpita, kollkempit lurataquiwa, jaken amparapamp lurataquiraquiwa: lacanïcasas janiw arsupquiti, nayranïcasas janiw uñjapquiti, jinchunïcasas janiw ist'apquiti, nasanïcasas janiw muct'apquiti, amparanïcasas janiw llamct'apquiti; cayunïcasas janiw sarnakapquiti, mallk'anïcasas janiw arsupquiti. Uca diosanacar luririnacajj ucanac quipcaquïpjjewa, iyawsirinacas pachpaquïpjjaraquiwa.
Ucampis uca marcanacajj cuna jan walinactejj lurqui ucanacjja janiraquiw luraraquïtati. Jumasti diosanacaparojj janiw quillt'asisa yupaychätati, jan ucasti uca diosanacapjja p'aquinokasaw tak tucjäta; uqhamarac jach'a kalanacapsa.
Take jakenacasa pisi amuyuni jan cuna yatirïpjjaraquiwa, diosanacasti qhititejj jupanacaru lurqui ucanacarojj sallkjapjjaraquiwa. Inamaya uñtasit luratanacaquiwa, janiw jacañanïpcaraquiti. Jan cunatac inamaya yänacaquïpjjaraquiwa, mä p'enkaraqui, Tatitusti jupanacarojj taripäwi urunwa t'unjaraquini.
Take qhitinacatejj c'ari diosanac lurapqui ucanacajj janiw cunäpquisa, uqhamaraqui uca c'ari diosanacaru munasipqui ucanacajj janiw cunataquis asquïquiti. Qhitinacatejj uca c'ari diosanacar yupaychapqui ucanacasti lokhe juyqhunacawa, ucatpï jichhajj mä p'enka uñjasipjjanejja.
¿Lurasispati mä jakejj pachpa diosanacapa? ¡Uqhamasti uca diosanacajj janiw chekäpquiti!”
Josías reyejj tucjaraquïnwa take laykanacaru, yatirinacaru, utan wali munat c'ari diosanacaru, yakha diosanacarusa, uqhamarac cunanacatejj utjcäna yupaychañataqui ajjtcaya yänaca, Judá orakena uqhamaraqui Jerusalenansa. Ucsti jupajj luränwa Hilcías sacerdotejj Tatitun templopana jicjjatcäna uca ley libron kellkatanacar phokhasina.
Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;
Jichhasti, ¡sarapjjam, ucat mayipjjaraquim yanapa cawquïr diosanacarutejj ajllisipcta ucanacaru! ¡Jupanacasti jumanacarojj khespiypan cunapachatejj wali llaquita, jan walt'añana jicjjatasipcta ucqhajja!” sasa.
Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.
Diosasajj alajjpachanquiwa, cuntejj jupajj munqui uc luri. Diosar jan uñt'irin diosanacapajj korimpita, kollkempit lurataquiwa, jaken amparapamp lurataquiraquiwa: lacanïcasas janiw arsupquiti, nayranïcasas janiw uñjapquiti, jinchunïcasas janiw ist'apquiti, nasanïcasas janiw muct'apquiti, amparanïcasas janiw llamct'apquiti; cayunïcasas janiw sarnakapquiti, mallk'anïcasas janiw arsupquiti. Uca diosanacar luririnacajj ucanac quipcaquïpjjewa, iyawsirinacas pachpaquïpjjaraquiwa.
Ucat jichhajj israelitanacaru saraquim: ‘Aqham siw Tatitojja: Nayan ucaru cuttanjjapjjpan; yakha diosanacapsti apanucjjapjjaracpan, uca ajjtascañ luräwinacapsa apanucupjjaracpan.’
Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.
Cuna urutejj take jumanacajj korit kollket lurat c'ari diosanacama wasitat lurapjjäta, cuntejj jumanacajj pachpa juchan amparanacamampi lurasipcäta,
Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.
Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.
Jaketaquejj uca kokanacajj nina phichhañataquiw wali, jisc'a lawanac apasipjje ucampiraquiw junt'uchasipjje, mayanacampisti t'ant'a lurasipjjaraqui; mayninacasti uca lawanacjja mä diosa lurasiñataquiw apasipjjaraqui, ucat uca diosar yupaychañataqui diosäcaspas uqhama. Jan ucajj chicat madera ninaruw akayapjjaraqui, aycha cancasi uca aycha canca mank'asisajj c'uchiquiw kheparjjaraqui. Uca pachpa lawampiraquiw junt'uchasi, ucatsti saraquiwa: “cunja sumas ninajja, niyaw junt'uptascta” sasa. Uca maderanacat jilt'qui ucanacatsti mä dios lursusiraqui, uca nayrakatan yupaycharaqui, wali achict'asisaw saraqui: “¡Khespiyita, jumaw nayan diosajjätajja!” sasa.
Nayätwa Tatitojj, ucaraquiw sutejjajja, janiraquiw muncäti cunatejj nayar churañäqui ucjja yakhar churayañjja, janiraquiw yakha diosanacarus yupaychaycäti naya lantjja.
Ucatsti intitaqui, phajjsitaqui, take warawaranacataquiw waranucupjjani cawquïrinacarutejj munapcatayna, sirvipcaraquitayna, arcapcatayna, jisct'asipcaraquitayna, yupaychapjjaraquitayna ucanacataqui waranucutäniwa. Janiraquiw qhitis uca ch'aqhanacjja apthapcaniti imt'jjañataquejja. Pachpa orakeruw kheparapjjani, guanor uñtata.
Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.
acapach diosanacar yupaychirinacajj ajjsarthapipjjewa, yakha diosanacat jach'achasirinacas aynacht'apjjewa. Takpach diosanacaw nayrakatapan konkort'asipjje.
“Manasés reyin jan wali k'añu luräwinacapata, ñankha luräwinacapajj juc'amp jilätapata, jupat sipana nayra jacapcäna uca amorreonacata sipana juc'ampi, uqhamarac Judá marcarusa yakha diosanacapampi jucha lurayatapatjja:
Cunapachatejj yanapa mayisa arnakascät uqhajja, c'ari diosanacamajj janiw yanapcätamti, janiraquiw khespiycätamsa. Take ucanacarusti thayaw apasjjani, may phust'asaquiw chhaktayjjani. Ucampisa nayar iyawsirejja marcanwa jacasini, nayan kollan kollojjanwa jacasiraquini.”
“Marcajjajj pä jach'a juchanac luri: Naya suma jacañ umarusti, apanucuwayapjjetuwa, ucatsti jupanacajj pachpa phuch'unacapwa allisipjjaraqui, uca phuch'unacaparusti janiw umajj sayt'caraquiti.
Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.
¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.
nayratpachwa yatiysma, janïra lurasiñapäqui ucqhatpachwa jumarojj yatiysma cunatejj lurasiñapäqui uca. Uqhamat janiw sañamajj utjquiti: ‘Yakha diosajjaw uc luri, cuna diostï lurasctjja ucaw uqham lurayi’ sasa.
Diosar jan uñt'ir jakenacan c'ari diosanacapajj korit kollket lurataquiwa, jaken amparapamp lurataquiraquiwa: lacanïcasinsa janiw parlapquiti, nayranïcasinsa janiw uñjapquiti, jinchunïcasinsa janiw ist'apquiti, janiw jacañ samananïpquisa. Uca diosanac luririnacajj ucanacjamaquïpjjewa, ucanacar alcatirinacas pachpaquïpjjaraquiwa.
c'ari diosanacamsa, ajjsaraña kalanacamsa t'unjäwa, uqhamat jan mayampsa yupaychcjjañamataqui, cawquïr diosanactejj juma quipca lurascta ucanacaru.
Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.
Jupanacajj wali yatiñanjamaquiw tucupjje, ucampis janiw cuns yatipquiti. Ucatwa Diosan jach'a c'ajquir cancañapa jakoquipapjje, jiwirïqui uca Diosar yupaychañat sipanjja jiwir jakenacan diosanacaparuw yupaychapjje jamach'inacaru, asirunacaru, pusi cayun animalanacar cuna.
Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.
Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.
Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa. Nayaw take cunan tucusiñapsa, kalltatpach yatiyta, nayratpachracwa cunatejj khepat lurascani ucanacsa yatiytjja. Nayasti sistwa: ‘Amtatanacajjajj phokhasipuniniwa; take cuntejj amtcta ucanacjja lurapunïwa. Inti jalsu toket mä jakeru jawsta, jayatpach jupajj aycha mank'an jamach'ir uñtataw jutani, juparaquiw amtatanacajj-jja phokhani. Arstwa, uqham luraraquëjja; amtastwa, uca amtatanacajjsti phokharaquïwa.’ Ist'apjjeta, jan ist'asir jakenaca, khespiyasiñajj wali jayanccaspas uqhamwa jumanacajj amuyapjjtajja: ‘Khespiyasiñarojj nayaw mäqui puriyanëjja, khespiyasiñajjajj janiw khept'caniti, janiraquiw jayancquisa. Nayaw Sionarojj khespiyasiñ churä, nayaraquiw Israelarojj jach'añchäwjj churä.’ ” Uca diosanacajj aynacht'apjjewa, orakeruraquiw liwnoktapjje, janiraquiw khespiyasipquiti, jupanacpacharaquiw wasararu sarapjje.
Diosarusti colerayaraquïnwa yakha ajjtascañ diosanacar yupaychasa. Supayanacaruw sacrificio loktapjjaraquïna, jan uñt'at c'ari diosanacaru, machak diosanacaru, ucqha purinitanacaru, cawquïri diosanacarutï awquinacamajj jan yupaychapjjerïqui ucaru.
Janiw yakha marcanquir diosanacanïyätati, janiw yakha marcanquir diosanacarojj yupaychätati.
“Qhititejj jan nayampïqui ucajj naya contrawa. Jan nayampi apthapiristi willirpayaraquiwa.