1 Reyes 14:9 - Qullan Arunaca

⁹ ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

Aymar Bibliia 1986

⁹ ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

Qullan Arunaka DC

⁹ ukampis jumax, jumat nayräpki uka reyinakat sipan juk'amp jan walpun sarnaqtaxa; jumax, nayar q'apisiyañatakix, hierro umatatayasin yaqha diosanaka, yaqha uñtasitanak lurastaxa, nayarusti jisk'achistawa.

1 Reyes 14:9 Jak'a apnaqawi uñst'ayäwi

1 Reyes 12:28

Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

1 Reyes 14:22

Ucampis Roboaman luratanacapajj janiw walïcänti Tatitun nayrakatapana, ucatsti juc'ampwa colerayäna nayra awquinacapana jucha luratanacapata sipansa.

1 Reyes 15:29

Cunapachati reyïña kalltäna ucspachawa, Jeroboaman take familiaparu jiwarayäna. Ucasti phokhasiscänwa cunjämtï Tatitojj Silo chekanquir Ahías sat profetaru yatiycäna uqhamaruw Baasa reyejj take jiwarayäna Jeroboaman familiaparu. Janiwa qhitirusa jacasquirjja jaytcänti.

1 Reyes 15:30

Acasti lurasïnwa Jeroboam reyin jucha luratanacapampi israelitanacar jucha luraycäna ucata, uqhamata Israelan Tatit Diosapar colerayasina.

1 Reyes 15:34

Ucampis Baasa reyin luratanacapasti janiw walïcänti Tatitun nayrakatapana, jupasti cuna juchanacampitejj Jeroboamajj israelitanacar jucha luraycäna uca pachpa juchanacwa luräna.

1 Reyes 16:25

Omri reyin luratanacapasti janiw asquïcänti Tatitun nayrakatapana, uqhamarus jupat nayra reyinacat sipansa juc'amp jan walïnwa,

1 Reyes 16:30

Ucampis sarnakäwipajja sinti jan walïnwa Tatitun nayrakatapanjja, uqhamarus luräwinacapajj nayra reyinacat sipansa juc'ampi jan walïnwa,

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

1 Reyes 16:33

Ucjjarusti lurayaraquïna Asera uca yakha diosan lantipa, ucampisti Israelan Tatit Diosaparuw colerayäna, Israelana jupata nayra reyinacapat sipansa juc'ampi.

2 Reyes 21:3

Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

2 Reyes 23:26

Ucampis Tatitojj Judá orakenquirinacataquejj colerataquïscänwa, Manasés reyejj cuna ñankhanactejj Dios nayrakatapana lurcäna ucanacata.

2 Reyes 3:3

Ucampisa luränwa Nabat chachan Jeroboam yokapajj juchanaca lurcäna uca pachpanaca, ucanacampiraquiw Israelarojj juch lurayäna.

2 Crónicas 11:15

Jeroboamajj utt'ayasïnwa jupa pachpan sacerdotenacapa yakha diosanacar sirviña santuarionacataqui, ñankha ajayunacar sirviñataqui, uqhamarac jupajj vaca kallunaca luraycäna ucanacataqui.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

Nehemías 9:25

Uqhamaraquiw catuntasipjjäna nuwasiñataqui perkampi muyuntata marcanacsa suma yapuchaña orakenacsa, suma yänacan phokt'ata utanacsa, phujunacsa, uva yapunacsa, olivo yapunacsa, uqhamarac yakha achuri alinacsa. Ucatjja mank'apjjänwa sist'asiñcama, liq'intapjjaraquïnwa, uqhamarac wal cusisipjjaraquïna juman jach'a munasiñamata.

Nehemías 9:26

“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.

Salmos 106:29

ñankha luratanacapampejj Diosaruw k'apisiyapjjäna, jupanac taypinsti jach'a usuw sartäna;

Salmos 50:17

nayamp jan chekachayasiñ muncasa, arunacajjar jan yäkcasajja?

Salmos 78:40

¡Walja cutiw Diosarojj jan jaysapcänti, wasarancasaw chuym usuyapjjäna!

Salmos 78:56

Jupanacasti Alajjpachanquir Diosarojj, arsutanacapar jan yäkasaw yant'apjjäna, kallasipjjaraquïna,

Salmos 78:58

jucha lurañ altaranacapampiw Diosarojj k'apisiyapjjäna, acapach diosanacar yupaychatapampiw Diosan chuymap mayjt'ayapjjäna.

Éxodo 34:17

“Jumanacasti janipuniw cunapachasa metal umatatayasa diosanacjja lurasipjjätati.

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Ezequiel 23:35

Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”

Ezequiel 8:17

Uqhamasti Tatitojj nayarojj saraquituwa: “¿Uñjtati uca? Judá marcajj uca take k'añu luräwinacampis janiw sisthapipquiti, uqhamarus aca orakerojj ch'ajjwañanacampiw phokhantaraqui. Mayampi mayampwa nayarojj sintipuni colerayjjapjjetu, usunacapan k'aphinacapsa nasajjas muct'araquiwa.

Ezequiel 8:3

Uca jakesti cunatejj amparapjamäcäna uc loktanisaw ñic'utat catuntitu. Ucatwa Diosan ch'amapajj alayaru waytitu, ucatsti cuna unañchäwinactejj Diosajj uñacht'ayquitu, uca tokwa Jerusalén marcaru irpitu, ucatsti marca mankhana puncu chekaruw sayt'ayaraquitu, cawquïri puncutejj amsta tokencqui ucqharu, uca chekancaraquïnwa cawquïri c'ari diosatejj Tatituru colerayqui ucajja.

Levítico 19:4

“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.

Deuteronomio 9:24

Cunapachatï nayajj jumanacaru uñt'apjjsma ucqhatjja jumanacajj Tatitu Dios contrapuniw sartapjjtajja.

Jueces 5:8

“Takenisa yakha machak diosanac ajllisipjjäna, cunapachatejj marca puncuna nuwasiñajj utjqui ucqhajja, janiw uñjascänti mä escudosa, ni mä lanzasa pusi tunca waranka israelitanac taypinjja.