Éxodo 34:17 - Qullan Arunaca

¹⁷ “Jumanacasti janipuniw cunapachasa metal umatatayasa diosanacjja lurasipjjätati.

Aymar Bibliia 1986

¹⁷ “Jumanacasti janipuniw cunapachasa metal umatatayasa diosanacjja lurasipjjätati.

Qullan Arunaka DC

¹⁷ “Janipuniw jumanakax metal umatatayasin diosanak lurasipxätati.

Éxodo 34:17 Jak'a apnaqawi uñst'ayäwi

1 Reyes 14:9

ucampis jumajja jan waliwa sarnaktajja, jumat nayräpqui ucanacat sipansa juc'amp jan wali; jumasti nayar colerayañataquiwa yakha diosanaca lurastajja, uqhamarac yakhan lantinacapa hierro umatatayasina, ucatsti nayarojj jisc'achistawa.

2 Crónicas 28:2

Jan ucasti Israelanquir reyinacan sarnakäwinacaparuwa arcäna, uqhamaraquiw lurayaraquïna c'ari diosanaca metalata umatatayasa, ucanacasti Baal diosan lantinacapänwa.

Éxodo 20:23

Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.

Éxodo 20:4

“Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa.

Éxodo 23:14

“Nayaru jach'ar aptañataquisti maranjja quimsa cutiw fiesta luräta.

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Jeremías 10:14

Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;

Levítico 19:4

“Janipun yakha diosanacarojj sarapjjamti, janiraqui diosanacjja cuna casta hierronacat umatatayasas lurasipjjamti. Nayätwa Tatitu Diosamajja.

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Deuteronomio 27:15

‘Maldicitäpan cawquïritejj yakha diosanaca, cunar uñtat diosanac metälat lurasini, ucatsti jan uñjcañ chekaruraqui imantani ucajja; ucasti Diosarojj ajjtasiyiwa.’ Ucatsti takpach marcaraquiw sani: ‘Uqhamäpan’ sasa.

Deuteronomio 5:8

‘Janiw yakha diosanac lurasïtati ni cunar uñtatsa, alajjpachanquirir uñtatsa, ni aca orakenquirir uñtatsa, ni kota mankhanquirir uñtatsa.

Jueces 17:3

Jupajj waranka patacani kollke cutt'ayjjepansti, taycapajj saraquïnwa: —Maldicionajj jumaru jan jutañapataquisti nayajj aca kollkjja Diosaruw loktjjäjja. Ucampejj lurayaraquïwa mä yakha diosa suma lurata, patatsti kollkempi jawiquipataraqui. Jichhasti uca kollkjja catuquimaya —sasa.