2 Reyes 17:12 - Qullan Arunaca

¹² Jupanacasti yakha diosanacaruw yupaychapjjäna, uqham lurañatjja Tatitojj jupanacarojj sänwa: “Jumanacasti janiw yakha diosanacar yupaychapjjätati” sasa.

Aymar Bibliia 1986

¹² Jupanacasti yakha diosanacaruw yupaychapjjäna, uqham lurañatjja Tatitojj jupanacarojj sänwa: “Jumanacasti janiw yakha diosanacar yupaychapjjätati” sasa.

Qullan Arunaka DC

¹² Jupanakasti idolonakaruw yupaychapxäna, Tatitux ukanak jan lurapxañapataki siskchïna ukasa.

2 Reyes 17:12 Jak'a apnaqawi uñst'ayäwi

1 Reyes 21:26

Mä ajjtaña luräwi luräna yakha diosanacar yupaychasina, cunjämatejj take amorreonacajj lurapcäna uqhama, Tatitusti uca jakenacaruraquiw jakonucüna israelitanacana nayrakatapata).

2 Reyes 17:11

Ucsti jupanacajj lurapjjänwa cunjämatï yakha marcanacajj lurapjjerïqui uqhamaru; Tatitusti ucanacaruraquiw jupanacan nayrakatanacapatjja jakonucutayna. Israel jakenacasti inciensonacwa naqhayapjjäna, ñankha luräwinacwa lurapjjaraquïna, uqhamata Tatitur colerayasina.

2 Reyes 17:40

Ucampis jupanacajj janiw ist'añ munapcänti, jan ucasti lurasipcaquïnwa nayra luräwinacapjama.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 34:14

“Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Ezequiel 20:28

Cunapachatejj nayajj jupanacarojj cuna oraktejj churapjjämaw sasa arscäyäta uca orakeru puriyanjjta ucapachasti, jupanacajj mä jisc'a kollu patansa jan ucajj mä walja laphinacani kokanac c'uchunacansa, sacrificionaca, ofrendanaca churapjjaraquïna, uca luratanacapasti nayarojj walwa colerayaraquitu, suma k'apquiri kollanacapwa uscupjjaraquïna, vino ofrendanacapwa wartapjjaraquïna.

Levítico 26:1

“Janipuni cuna casta yakha diosanacsa ni lluch'itanacsa lurasipjjamti; janiraqui jumanacan marcamanjja sirviña kalanacsa sayt'ayasipjjamti, ni cuna casta kellkani kalanacsa; janiraqui ucanac nayrakatarojj quillt'asipjjamti. Nayätwa jumanacan Tatitu Diosamajja.

Deuteronomio 12:4

“Tatitu Diosamarusti janiw uqham yupaychapcasmati.

Josué 23:7

Uqhamaraqui jumanac taypin jaquir yakha marcanquir jakenacampejj janipuni chicachasipjjamti, janiraqui diosanacaparus yupaychapjjamti ni ist'apjjamsa, ucatsti janiraqui cunataquis uca diosanacapan sutinacapjja aytasipjjamti ni jurapjjamsa, ni uca diosanacarus alt'asipjjamti.