Jeremías 11:17 - Qullan Arunaca

¹⁷ “Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Aymar Bibliia 1986

¹⁷ “Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Qullan Arunaka DC

¹⁷ “Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 11:17 Jak'a apnaqawi uñst'ayäwi

2 Samuel 7:10

Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

2 Crónicas 28:25

Ucatjja Judá orakena take marcanacana yakha diosanacataqui santuarionacwa lurayäna, yakha diosanacar incienso naqhayañataqui, uqhamata nayra awquinacapan Tatit Diosapar colerayasina.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Salmos 80:15

amparamamp ayruntat uva alïchejjaya, juman ch'amaniptayat aliraquïchejjaya.

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Isaías 5:2

Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Jeremías 1:14

Ucat Tatitojj saraquituwa: “Amsta toketpachwa jan walt'añanacajj aca marcan utjir jakenacjjarojj wartasini.

Jeremías 11:11

Uca laycuw jichhajj mä jach'a jan walt'aña jupanacarojj apayanï ucatsti janiw khespiyañjamäpcaniti. Yanapa mayisa nayaru arnakasinipquitpan, ucampisa janiw nayajj jupanacarojj ist'cäti. Naya Tatituw ucjja arsta.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 12:2

Jumaw jupanacarojj ayrunttajja, jupanacasti saphintapjjaraquiwa, jiltapjjaraqui, achupjjaraqui. Lacampiquiw jupanacajj juma jac'ancasipqui, chuymanacapanjja jumatjja wali jayancapjjewa.

Jeremías 18:15

Ucampis marcajjajj nayarojj armituwa, ucatsti c'ari diosanacaruw inciensonac loktasipjjaraqui. Nayra thaquipatsti yakha thaquiruw saranucuwayjjapjjaraqui, ucatsti jan uñt'ata thaquinjam sarapjjaraqui.

Jeremías 18:8

Ucampisa, uca marcatejj ñankha lurañanacata jithektjje ucapachasti cuna mutuyäwtejj waquichatäcäna ucjja janiw apayancjjti.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 2:21

Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Jeremías 24:6

Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 26:13

Sarnakäwinacamsa, luräwinacamsa asquichasipjjam, jumanacan Tatitu Diosamaruraqui ist'apjjam, ucatsti jupajj janiw cuna jach'a t'akhesiñanactejj arsqui ucanacjja apayanipcätamti.

Jeremías 26:19

“¿Uqhamasti Ezequías reyisa, uqhamaraqui Judá marcanquir jakenacasa Miqueasarojj jiwayapjjaraquïnti? Ucatsipana take cuntejj lurapcäna ucanacajj mayjänwa: Reyejj Tatituruw ajjsartäna, ucatsti qhuyapt'ayasita sasaw mayisiraquïna. Ucatsti Tatitojj janiw apayancjjänti cuna jach'a t'akhesiñtejj apayaniñataqui arscatayna ucjja. ¿Uqhamasti jiwasajj aca jakerojja jiwayascaquiñäniti, ucatsti t'akhesiscaquiraquiñäniti uqham luratasatjja?” sasa.

Jeremías 32:29

Caldeo jakenacasti, cawquïrinacatejj jichhajj marcaru nuwantañataqui waquichasisipqui ucanacasti mantasinjja ninampiw aca marcjja phichcatapjjani. Cawquïri uta patanacantejj Baal diosaru incienso loktasipjjerïcäna, uqhamaraqui vinonacsa yakha jan uñt'ata diosanacaru ch'allasipjjerïcäna ucanacamppachwa naqhantayapjjani, uqham yakha diosanacaru loktasisasti nayaruw ñankhachapjjetänjja.

Jeremías 32:30

Kalltatpachwa Israelampi Judá marcampejj cunatejj nayataquejj jan walïqui ucanac lurapjjerïnjja; israelitanacasti jupanacan lurat c'ari diosanacampiw ñankhachapjjetänjja. Naya, Tatituw, ucjja arsta.

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 36:7

inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.

Jeremías 40:2

Guardianacan comandantepasti Jeremiasarojj yakha chekaru irpakasinwa jisct'äna: “Tatitu Diosamaw aca jan walt'añanacjja aca orakjjaru apayaniñataqui arsuraquïnjja, jichhasti uca arsutapajj phokhasiwa.

Jeremías 40:3

Jumanacarojj acajj pasapjjtamwa Tatitu toke jucha lurapjjatamata janiraqui juparu jaysapjjatamata.

Jeremías 42:10

‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Jeremías 44:5

Ucampisa jumanacajj janiw nayarojj ist'apquistati, ni arunacajjarus jaysapcaraquïyätati. Uca ñankha luräwinacapa apanucuñat sipansa juc'ampwa uca diosanacaru inciensonaca loktasipjjayätajja.

Jeremías 44:8

¿Cunatsa jumanacajj nayaru ñankhachapjjesta aca Egiptor jaquiri jutasinjja incienso yakha diosanacaru loktasisajja? Uca luratanacamampejj jumanacpachaquiw ñankha lurasisipctajja, take marcanacan uñjcañaraquiw jumanacajj t'unjatäpjjäta, mä p'enkaw tucupjjaraquïta take marcanac nayrakatana.

Jeremías 45:4

Jichhasti Tatitojj jumjjatjja aqham siwa, jumar yatiyiriraquiw qhitanitu: ‘Nayajj cuntejj sayt'aycta ucjja t'unjtwa, cuntejj ayruntcta ucsa jiq'inucuractwa. Jichhajj take acapachampejj uqhamracwa luräjja.

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Jeremías 7:9

Lunthatapjjta, jake jiwayapjjta, wachok juchan sarnakapjjta, c'ari juramentonac lurapjjta, Baal diosarusti inciensonaca loktasipjjta, ucatsti yakha diosanacarusa yupaychapjjaracta, ucanacampejj janiw cuna lurañanacamas utjquiti,

Ezequiel 17:5

Ucatsti oraket mä jatha aptasinjja, mä waquichat orakeruw satantaraqui, walja umani mä jawira thiyaru.

Oseas 10:1

Israelajj walja achuni uva alir uñtatawa; ucampisa achupajj juc'ampïtap laycojja, juc'ampi altaranacracwa lurarasipjjäna; orakepan juc'ampi sumätap laycojja, kollana kalanacapas juc'ampi sumaraquïnwa.