Oseas 8:4 - Qullan Arunaca

⁴ “Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.

Aymar Bibliia 1986

⁴ “Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.

Qullan Arunaka DC

⁴ “Nayar jan yäqasaw reyinak utt'ayasipxi, jilïrinakapsti nayar jan yatiyasaw chhijllasipxi. Jupanakpachaw qullqipata, quripata yaqha diosanak lurasisax jan walt'añanakaru, tukjatäñanakar purisipki.

Oseas 8:4 Jak'a apnaqawi uñst'ayäwi

1 Reyes 12:28

Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.

1 Reyes 13:34

Uqham luratapatwa Jeroboam reyin sarakerinacapajj jucha lurapjjäna, uqhamarac uca laycuraquiwa take tucjata uñjasiraquïna.

1 Reyes 16:31

jupajj mäquiw Nabat chachan Jeroboam yokapan pachpa juchanacapjja luräna. Jupasti casarasïnwa Sidón chekanquir Et-baal reyin Jezabel sat phuchapampi, ucatsti Baal sat diosaruw alt'asïna yupaycharaquïna.

Jeremías 16:20

¿Lurasispati mä jakejj pachpa diosanacapa? ¡Uqhamasti uca diosanacajj janiw chekäpquiti!”

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Daniel (hebreo) 3:1

Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Oseas 13:11

Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 2:8

“Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Oseas 8:3

Ucampis Israelajj cuntejj asquïqui ucjja apanucuwayiwa, ucat jichhajj uñisirinacapajj jupanacarojj arcnakani.

Mateo 25:12

Uta mankhatsti aqham sanipjjaraquiwa: ‘Khanacwa sapjjsma, janiw jumanacarojj uñt'apcsmati’ sasa.

Lucas 13:25

Utanisti sartasin punc jist'antipanjja, jumanaca ankanquirinacajj punc lekt'apjjäta: ‘Tata, jist'art'apjjeta’ sasa. Ucampis jupajj sapjjätamwa: ‘Janiw uñt'apcsmati cawquinquirïsipcstajja’ sasa.

Lucas 13:27

Ucampis jupajj sapjjätamwa: ‘Niya sapjjsmawa, janiw uñt'apcsmati cawquinquirïsipcstajja. Jithektapjjet nayata take jan wal luririnaca’ sasa.

Juan 10:14

“Nayätwa suma awatirejja; ovejanacajjsti uñt'asiractwa, ovejanacajjasti nayarojj uñt'asiraquituwa.

Gálatas 4:9

Ucampis jichhajj Diosarojj uñt'jjapjjtawa, Diosajj jumanacarojj uñt'jjapjjaractamwa. ¿Cunjämsa wasitampi cutt'apjjasma uca pisi ch'amani amuyunacarusti, wasitampiti uca sarnakäwinacan esclavonacapa tucuñ munapjjta?