Jeremías 51:47 - Qullan Arunaca

⁴⁷ Uqhamapï purininejja Babilonianquiri c'ari diosanacar mutuyañajj urojja. Take aca marcpachaw jisc'achjata uñjasiraquini, jake jiwaratanacampi phokhantataraquïniwa.

Aymar Bibliia 1986

⁴⁷ Uqhamapï purininejja Babilonianquiri c'ari diosanacar mutuyañajj urojja. Take aca marcpachaw jisc'achjata uñjasiraquini, jake jiwaratanacampi phokhantataraquïniwa.

Qullan Arunaka DC

⁴⁷ Ukhamapï Babiloniankir idolonakar mutuyañ urux jutanixa. Taqi aka markpachaw jisk'achjat uñjasini, jaqi jiwaratanakampi phuqhantatarakïniwa.

Jeremías 51:47 Jak'a apnaqawi uñst'ayäwi

Isaías 21:9

Uñjaractwa mä carro pä caballompi katatita jutasquiri” sasa. Ucatsti mayniw saraqui: “¡Aynacht'jjew, aynacht'jjew Babiloniajja! C'ari diosanacapasti orakercamaw liwirtjjaraqui, jisc'a jisc'a t'unjataraquiw uñjasi” sasa.

Jeremías 11:22

Ucanacatsti take ch'amani Tatitojj siwa: “Jumanacampejja parlascañäniwa. Yokall wawanacamajj guerran jiwarapjjani, imill wawanacamasti mank'atjamaw jiwarapjjaraquini.

Jeremías 13:21

“¿Camsätas jichhajj Jerusalén, cunapachatejj yakhanacampi apnakatäcäta ucapachajja cawquïri jakenactejj jumajj yatichcäyäta uca pachpa jakenacampi? Wawachasiri warmin usunacapjamaw jutaraquïtam.

Jeremías 23:34

Mä profetatejja, mä sacerdotesa, jan ucajj mä jakesa aca arunaca parlanejja: ‘Tatitun ewjjanacapaw’ sasa, juparusa uqhamaraqui familiaparusa nayaw mutuyaraquëjja.

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 51:18

Jan cunatac inamaya yänacaquïpjjaraquiwa, mä p'enkaraqui, Tatitusti jupanacarojj taripäwi urunwa t'unjaraquini.

Jeremías 51:24

“Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Jeremías 51:43

Marcanacapasti ajjsarcaña wasararu tucuyataraquiwa, waña, llaquiscaña orakeru tucuyataraquiwa, janiw ucanjja mayni jakes jaccaraquispati, uca cheksti janiw qhitis pascaraquiti.

Jeremías 51:52

Ucampisa Tatitojj saraquiwa: “Babilonianquiri c'ari diosanacaru mutuyañ urojja jac'achasisinquiwa, take orakepasa usuyasitat wararipjjaraquini.