Apocalipsis 21:8 - Qullan Arunaca

⁸ Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Aymar Bibliia 1986

⁸ Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Qullan Arunaka DC

⁸ Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 21:8 Jak'a apnaqawi uñst'ayäwi

Proverbios 19:5

C'ari testigojj, c'ari arunac parlir jakesa mutuyatapunïniwa; janiw cunjämatsa jaltcaniti.

Proverbios 19:9

C'ari testigojj mutuyatapunïniwa; c'ari jakerusti jiwañawa suyt'asqui.

Isaías 51:12

“Naya, naya quipcaw jumarojj ch'amachsma. ¿Qhitirus ajjsarta? ¿Jakenacaruti? ¿Jiwir jakenacaruti ajjsarta, qhitinacatejj korar uñtata tucusipjjani ucanacaru?

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Isaías 9:15

(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Mateo 25:25

Ucatwa nayajj ajjsaräyäsman, kollkemsti orakeruraquiw allintasin imjjaracta, jichhasti acajjay kollkemajja.’

Mateo 8:26

Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.

Marcos 9:44

[Qhayanjja lak'onacajj janiw jiwarquiti, ninas janiraquiw jiwarcaraquiti.]

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

Deuteronomio 20:8

“Ucatsti oficialanacajj wastatwa ejercitorojj parlapjjani aqham sasa: ‘Cawquïritejj jumanacat ajjsarasqui, mayjt'atäscaraqui ucanacasti utapar sarjjapjjpan jan mayni jilanacapar llajllasiyañapataqui’ sasa.

2 Tesalonicenses 2:9

Uca ñankha jaken puriñapajja Supayan luräwipawa, ch'amani muspharcañ luräwinacampi, uqhamarac c'ari milagronacampiw purinini.

1 Timoteo 4:2

C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

1 Juan 2:22

¿Qhitis c'arejja? Qhititejj Jesusar sejja: “Janiw Cristöquiti” sasa. Ucawa Criston uñisiripajja, Awquirus uqhamarac Yokarus jan uñt'iri tucutap laycu.

1 Juan 3:15

Take qhititejj jake masipar uñisqui ucajj jake jiwayiriwa. Jumanacajj yatipjjaractawa janiw qhiti jake jiwayirinsa wiñay jacañapajj utjcaspati.

1 Juan 5:10

Qhititejj Diosan Yokaparojj iyawsqui uquïrejj jacäwipampiw khanañchi. Qhititejj Diosar jan iyawsquejja c'arit uñt'ayi, Diosajj Yokapjjat khanañchatapjja jan iyawsatap laycu.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.’

Apocalipsis 2:2

Nayajj take luratanacamjja yattwa. Ch'ama tucutamsa, llamp'u chuymanïtamsa yatiractwa. Ñankha jakenacaru jan catokatamsa yatiractwa. Qhitinacatejj —Nanacajj Tatitun apostolonacapäpjjtwa —siri jakenacarus jumajj yant'tawa, ucampis uca jakenacajj janiw Tatituncapquiti; jumasti uqham yant'asajj catjaractawa c'arisipjjatanacapjja.

Apocalipsis 21:27

Janipuniw uca marcarojj cuna k'añus mantcaniti, ni qhiti jan walinacasa, uqhamarac sallkjañanaca luririsa. Qhitinacatejj Corderon jacañ libropan kellkatäquis ucanacaquiw uca marcarojj mantapjjani.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.

Apocalipsis 9:17

Uqhamwa uca caballonacjja unañchäwinjja uñjta. Uca caballjjat saririnacasti pechonacaparojj mä guerra isi apapjjäna, ucasti wilampita, asulampita k'ellumpitänwa. Uca caballonacan p'ekenacapasti león p'ekenacaru uñtatänwa, lacanacapatsti ninampi jek'empi asufrempiraquiw mistüna.

Apocalipsis 9:21

Janiraquiw arrepientisipcänsa jake jiwayapjjatanacapatjja, laykasitanacapatsa, wachoka juchan sarnakatanacapatsa, ni lunthatasipjjatapatsa.

Jueces 7:3

Jichhasti yatiyamay jakenacaru qhititejj ajjsarqui ucajja cuttjjpan utaparu” sasa. Ucatsti Gedeonajj yatiñataquejj yant'änwa ucatjja pä tunca payani waranka jakenacaw sarjjapjjäna, tunca waranka jakenacaquiw kheparjjapjjäna.