Oseas 2:13 - Qullan Arunaca

¹³ Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

Aymar Bibliia 1986

¹³ Juparusti mutuyaraquïwa, yákha diosanacar incienso loktatapatjja, cunapachatï anillonacampi, collaranacampi munirinacapar arcañataqui c'achachascänjja nayar armanucusina. Take ucanacatjja mutuyäwa. Naya, Tatituw ucjja arsta.

Qullan Arunaka DC

¹³ 13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Oseas 2:13 Jak'a apnaqawi uñst'ayäwi

2 Reyes 1:2

Ocozías reyisti palaciopana altos patatjja mä ventanatwa jalaktäna Samaria marcana, ucatsti wali chhojjriñchjatänwa. Ucatjja jupajj Ecronanquiri Baal-zebub sat diosar jisct'iriw qhitanaca qhitasïna: “Waliptjjeristti, janicha” sasa.

2 Reyes 10:28

Jehú reyisti uqhamwa Israelana Baal diosaru tucjäna.

2 Reyes 21:3

Ezequías awquipajj tucjcäna uca alto chekan yakha diosanacar sirviñ santuarionacwa wastat lurayäna; Baal diosataquiw altaranaca lurayäna, ucatsti lurayänwa Asera diosan lantipa, cunjämtï Israelan Acab reyipajj luraycäna uqhama; ucjjarusti alajjpachanquir take warawaranacaruwa yupaychäna, alt'asiraquïna.

Job 8:13

Uca pachparaquiw lurasi ñankha jakenacampejja, qhitinacatejj Diosat armasipqui ucanacampejja. Take suyt'äwinacapajj ina ch'usaruquiw tucuwayjjaraqui.

Salmos 106:13

Ucampis mäquiw Diosan luräwinacap armasipjjäna, janiw amtäwinacap uñt'añatac suyapcänti.

Salmos 106:21

Khespiyir Diosapat armasipjjäna; muspharcañanac Egipton lurquipansa,

Salmos 78:11

Diosan luräwinacapat armasjjapjjäna, muspharcañ luräwinac uñjayatapat armt'jjapjjäna.

Éxodo 32:34

Jichhasti saram, uqhamarac jakenac irpam cawqha chekarutejj siscsma ucqharu, nayan angelajjawa irpascätam. Nayasti jupanacarojj mutuyañ urojj purincani uca uruwa juchanacapat mutuyascäjja.

Isaías 17:10

qhititejj khespiyctam uca Diosar armatam laycu, janiraquiw amtasctati jupajj juman arjjatirimätamjja. Jumajj uqham suma pankar yapunacwa uscustajja, mä jan uñt'ata diosataquiraquiw pankaranacsa ayrustajja,

Isaías 65:7

cunjämtejj ñankha lurañan sarnakapqui uqhamarjama, awquinacapan juchanacapatsa. Jupanacasti kollu patanacan incienso naqhayasipjjänjja, uca kollu patanacanwa chuyma ust'ayapjjetu. Nayrakatajj sum suma amthapt'asï, ucatsti cunatejj waquisqui ucarjamaraquiw churäjja.” Tatituw uqham arsu.

Jeremías 11:13

Judá marcajj walja diosanacaniwa kawkhäquitejj marcanacapajj ucqha, uqhamaraqui Jerusalenanquiri jakenacasti walja altaranacaracwa Baal diosataquejj sayt'ayapjje kawkhäquitejj Jerusalén marcan callenacapajj ucqharaqui.

Jeremías 18:15

Ucampis marcajjajj nayarojj armituwa, ucatsti c'ari diosanacaruw inciensonac loktasipjjaraqui. Nayra thaquipatsti yakha thaquiruw saranucuwayjjapjjaraqui, ucatsti jan uñt'ata thaquinjam sarapjjaraqui.

Jeremías 2:32

¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Jeremías 23:2

Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 7:9

Lunthatapjjta, jake jiwayapjjta, wachok juchan sarnakapjjta, c'ari juramentonac lurapjjta, Baal diosarusti inciensonaca loktasipjjta, ucatsti yakha diosanacarusa yupaychapjjaracta, ucanacampejj janiw cuna lurañanacamas utjquiti,

Lamentaciones 1:4

¡Sionan thaquinacapajj llaquiscayawa! ¡Janiw qhitis cusisiñaru jutirejj utjcaraquiti! Marcan puncunacapasti ch'usa wasarar tucutawa; sacerdotenacasti jachapjjaraquiwa, tawakonacas wali jachapjjaraqui, Jerusalén marcasti wali t'akhesiraqui.

Lamentaciones 5:14

Marca puncunacansti janiw chuymani jakenacajj utjcjjeti, janiraquiw waynanacan k'ochutanacapasa ist'ascjjeti.

Ezequiel 16:12

nasamarusti mä anillo ucharacsma, jinchunacamarusti wali suma aretenac ucharacsma, p'ekemarusti mä suma corona asjjataracsma.

Ezequiel 16:17

Cuntejj nayajj korita, kollketa lurat yänac churcsma ucanacampisti chachanacar uñtata lurasiractajja ucat ucanacampi k'añu luräwinacaru mantañataqui;

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Ezequiel 23:35

Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”

Oseas 11:2

Ucampis cunapachatejj nayajj juc'ampi jupar jawsayät ucqhajja, juc'ampiraquiw jupajj nayatjja jayarst'awayi. Marcajjasti c'ari diosanacaruquiw sacrificionac loktasïnjja, yakha diosanacaruquiraquiw incienso nact'ayasïnjja.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Oseas 13:6

“Ucampisa cunapachatejj jumanacan mank'añanacamajj jilarjjän ucqhajja, chuymanacamanjja wal jach'achasipjjäyätajja, nayatsti armasjjapjjaraquïyätawa.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 2:7

Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Oseas 4:13

Alto kollunacana loma patanacanwa incienso loktasipjje sacrificionac churasa; uqhamaraqui roble, álamo, encina sat kokanacan ch'iwinacapanwa loktasipjjaraqui, uqhamarus phuchanacamajj wachoka jucha lurapjje, yojjch'anacamas yakha chachanacampi sarnakapjjaraqui.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Deuteronomio 32:18

“Israel marca, arjjatiri awquimatjja armastawa; armasiractaw jacañ churiri Diosamatsa.

Deuteronomio 6:12

Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.

Jueces 3:7

Israelitanacasti Dios Awquipat armasisajja cunanacatejj Diosatac jan walïqui ucanacwa lurapjjäna. Jupanacasti cunayman uñtasit Baal, Astarté sat yakha diosanacaruw yupaychapjjäna.

1 Samuel 12:9

Ucampisa jupanacajj Tatitu Diosatjja armasjjapjjänwa, ucat jupajj Sisaran amparaparu catuyjjaraquïna, jupasti Jabín ejerciton generalapänwa, Hazoran reyipa, filisteonacana, moabitanacan reyinacapampiruw catuyaraquïna, jupanacasti awquinacam contraw nuwasiri sartapjjaraquïna.