1 Corintios 8:4 - Qullan Arunaca

⁴ Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Aymar Bibliia 1986

⁴ Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Qullan Arunaka DC

⁴ Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

1 Corintios 8:4 Jak'a apnaqawi uñst'ayäwi

Salmos 86:10

Jumajj wali jach'a ch'amanïtawa, muspharcañanac lurtajja, juma sapaquiw Diosätajja.

Isaías 37:16

“Take ch'amani, Israelan Diosapa, juman tronomajj querubines sat angelanac patanquiwa, acapachanjja take reyinacjjarus juma sapaquïtawa, jumaw alajjpachsa acapachsa usctajja.

Isaías 37:20

Jichhajja, nanacan Dios Tatitojja, munañapatjja khespiyapjjetaya, uqhamat take marcanacajj yatipjjañapataqui chekpachansa Tata, juma sapa Diosaqui utjatama” sasa.

Isaías 41:24

¡Ucampis jumanacajj janiw cunäpctasa, janiraquiw cun lurañsa yatipctati! Jumanacar yupaychirisa mä jisc'achcañawa.

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Isaías 45:14

Tatitusti Israelarojj siwa: “Egiptonquir yapu lurir jakenacasa, Etiopianquir alaquipa jakenacasa, Sabá chekanquir jach'a jakenacasa, jumaruw alt'asipjjätam, juman esclavonacamaraquïniwa, juman khepäjjamwa cadenampi ñach'antata sarapjjani, juma nayrakatar quillt'asisinsti achict'asipjjaraquiniwa: ‘Chekpachapuniw Diosajj jumanac taypincasqui, janiw yakhajj utjquiti, janiw yakha diosajj utjquiti’ ” sasa.

Isaías 45:5

Nayätwa Tatitojja, janiw yakhajj utjquiti, nayat yakha Diosajj janiw utjquiti. Nayaw jumarojj nuwasiñataqui waquichsma, jumajj nayar jan uñt'cchiyästa ucasa,

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jeremías 10:14

Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;

Marcos 12:29

Jesusasti juparojj sänwa: —Take camachinacat jach'äqui ucajj aqhamawa: ‘Ist'am Israel, jiwasan Dios Tatitusajj jupa sapaquiw Diosajja.

Hechos 14:15

—¡Tatanaca! ¿Cunats ucanac lurapjjta? Nanacajj jumanacjam jakequïpjjaractwa. Nanacajj uca inamay lurañanac apanucupjjañamataquiw jumanacar parlir jutapjjta ucanac apanucusina, jacquir Diosar arcapjjañamataqui. Jupaw alajjpacha, acapacha, jach'a kotsa lurir Diosajja, uqhamarac take ucanacan utjirinacsa.

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

1 Corintios 8:1

Jichhajj yakha diosanacar sacrificion churatäquis uca aychanac mank'añanacjjat parlapjjaraquïma. Chekpachansa takeniw aca toketjja yattanjja. Ucampis uca yatitasajja jach'a jach'wa tucuyistu, munasiñasti ajayu tokenwa jiltayaraquistu.

1 Corintios 8:10

Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

1 Corintios 8:11

Uqhamatwa jumajj yatitamampejj uca pisi iyawsañan jilatarojj apt'asma, Tatitojj uca jilat laycuwa jiwaraquïnjja.

Gálatas 4:8

Nayrajj jumanacajj janïra Diosaru uñt'apcäyäta ucqhajja, jan chekpacha diosäpquis uca diosanacan esclavonacapäpjjäyätawa.

Efesios 4:6

Takeninsa mä sapa Dios Awquiquiraquiwa. Jupajj take jakenacjjanquiwa, take jakenac tokeraquiw jupajj lurasqui uqhamarac jupajj takenincaraqui.

Deuteronomio 3:24

‘Dios Tata, jumaw aca sirvirimar ch'amam uñacht'aytajja. Janiraquiw yakha Diosajj jumjamajj utjquiti alajjpachansa ni acapachansa, cunjämatï jumajj jach'a uñacht'äwinac lurcta uqhama.

Deuteronomio 32:39

Naya sapaquïtwa Diosajja. Janiw yakha diosanacajj nayat sipan utjquiti. Nayaw jacañ churta, uqhamaraqui apakaractsa, nayaw usuchjaracta, uqhamaraqui kollaractsa. ¡Janiraquiw qhitis ch'amajjat khespiyirejj utjquiti!

Deuteronomio 4:35

Ucanacsti jumanacarojj uñacht'ayapjjsmawa jumanacan chekpach Diosätapa yatipjjañamataqui, uqhamaraqui jupat sipansa jan yakhajj utjatapa.

Deuteronomio 4:39

“Uqhamasti suma amuyt'asipjjam, Tatitaquiw Diosajja alajjpachansa, acapachansa, janiw yakhajj jupat sipan utjquiti.

Deuteronomio 6:4

“Ist'am Israel marca: Jiwasan Tatitu Diosasti mä sapaquiwa.

1 Timoteo 1:17

Uca luratanacapatwa jach'añchäwi churañäni wiñay jach'a Reyirojja. Jupajj janiw cunapachas jiwquiti, janiraquiw uñjcsnati uca take yatiñan mä sap Diosarojja. Uqhamäpan.

1 Timoteo 2:5

Mä sapa Diosaquiw utji, Diosampi jakenacampi sumancthapiyirejja mayniquiraquiw utji, ucasti Jesucristowa.

Judas 1:25

Juparuya yupaychañasa, jach'a cancañasa, ch'amasa, uqhamarac munañanïñasa churatäpan Tatit Jesucristo toke wiñayan wiñayapataqui. Uqhamäpan.