1 Corintios 8:4 - Qullan Arunaka DC

⁴ Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

Aymar Bibliia 1986

⁴ Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Qullan Arunaca

⁴ Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

1 Corintios 8:4 Jak'a apnaqawi uñst'ayäwi

Salmos 86:10

Juma sapakiw jach'a Diosätaxa; muspharkañanak lurtaxa.

Isaías 37:16

“Taqi ch'amani, Israelan Diosapa, juman qunuñamax querubines sat chhiqhaninak patxankiwa, akapachan taqi reyinakxarus juma sapakïtawa, jumaw alaxpachsa akapachsa irnuqtaxa.

Isaías 37:20

Nanakan Dios Tatituxay, munañan asirionakat qhispiyapxita, ukhamat taqi markanakax juman sapa Diosakïtam yatipxani” sasa.

Isaías 41:24

¡Ukampis jumanakax janiw kunäpktasa, janirakiw kun lurañsa yatipktati! Jumanakar yaqhachirix mä jisk'achkañawa.

Isaías 44:24

Jumar qhispiyir Tatitumaxa, khititix janïra yurktas ukkhatpach irnuqtam ukax siwa: “Taqi kun luriri Tatitux nayätwa, nayaw alaxpachsa janatatta, aka uraqsa sayt'ayarakta jan khitin yanapapampi.

Isaías 44:6

Tatitu, jach'a reyi, Israelan qhispiyiripa, taqi ch'amani Tatitux siwa: “Nayätwa qalltasa, tukuyasa; nayat juk'ampix janiw yaqha diosax utjkiti.

Isaías 45:14

Tatitusti Israelarux siwa: “Egiptonkir yapu lurir jaqinakasa, Etiopiankir alakipa lurir jaqinakasa, Jabá chiqankir jach'a jaqinakasa, jumatakiw alt'asipxani, juman t'aqhisiyat jaqinakamäniwa, juman qhipamarak cadenampi ñach'antat sarapxani, juma nayraqatar killt'asisinsti sapxaniwa: ‘Chiqpachapuniw Tatitux jumanak taypinkaski, janiw yaqha diosax utjkiti” sasa.

Isaías 45:5

Nayätwa Tatituxa, nayat yaqha Diosax janiw utjkiti. Nayaw jumarux nuwasiñatak wakichsma, janis jumax nayar uñt'kchiyästa ukasa,

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Jeremías 10:14

Taqi jaqinakas pisi chuymäpxiwa, jan amuyt'asirïpxiwa. Uka diosanakasti luririnakapatakix mä p'inqawa: sallqjañatak diosanakakiwa, janirakiw jakañanïpkisa;

Marcos 12:29

Jesusasti juparux sänwa: —Taqi kamachinakat wakiskirïki ukax akhamawa: “Ist'am Israel, jiwasan Tatit Diosasaxa jupa sapakiw Tatituxa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Hechos 19:26

Jichhasti jiwasax uñjtanwa, ist'apxaraktanwa, uka Pablo jaqix Éfeso markankirinakaru, taqpach Asia suyunkirinakampiruw parlatapamp mayjt'ayi. Jupax siwa: ‘Jaqinakan lurat diosanakax janiw chiqa diosäkiti’ sasa; uksti walja jaqinakaw iyawsapxi.

1 Corintios 8:1

Jichhasti yaqha diosanakar luqtat manq'anakat parlapxäma. Chiqpachansa sistanwa: taqiniw chiqpach yatiñ kankañanïtan; ukampis uka yatiñ kankañax jach'a jach'a tukuyi, munasiñasti Diosan markaparux jiltayiwa.

1 Corintios 8:10

Ukhamasti jumatix ukanak yatkasina, yaqha diosanakar luqtañ chiqan qunt'asis manq'äta, ukatsti pisi iyawsañan jilatatix uñjätam ukaxa, uka jilatax uka yaqha diosar luqtat manq'a manq'arakispawa.

1 Corintios 8:11

Ukhamat jumax yatitamampix pisi iyawsañan jilamarux apt'asma, Cristox uka jilat laykuw jiwarakïnxa.

Gálatas 4:8

Nayrax, jumanakax Diosar janïr uñt'apkäyät ukkhaxa, k'ari diosanakaruw luqtapxäyätaxa.

Efesios 4:6

mä sapa Diosakiw utji, jupasti taqinin Awkipawa, taqiniruw apnaqi, taqi jaqinak tuqiw luri, taqinin chuymapankarakiwa.

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Deuteronomio 32:39

Jichhax amuyasipxam, naya sapakïtwa Diosaxa. Janiw nayat sipan yaqha diosanakax utjkiti. Nayaw jakañ churta, nayarakiw jakañ apaqta; nayaw usuchnuqta, nayarakiw k'umarachta. ¡Janiw khitis utjkiti ch'amaxat qhispirixa!

Deuteronomio 4:35

Ukanakasti Tatitun chiqpach Diosätapa yatipxañamataki uñacht'ayatawa, jupat sipansa yaqhax jan utjatap yatiñamataki.

Deuteronomio 4:39

“Ukhamasti, chuymanakamar sum imapxam Tatitukiw Diosaxa, alaxpachansa, akapachansa, janiw yaqhax jupat juk'amp utjkiti.

Deuteronomio 6:4

“Ist'am Israel marka: Jiwasan Tatit Diosasax mä sapakiwa.

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

1 Timoteo 2:5

Mä sapa Diosakiw utji, mä sapa jaqikiw utji, Diosampi jaqinakampi sumankthapiyirixa, ukasti Jesucristowa.