Oseas 14:3 - Qullan Arunaca

³ Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Aymar Bibliia 1986

³ Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Qullan Arunaka DC

³ 3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Oseas 14:3 Jak'a apnaqawi uñst'ayäwi

2 Crónicas 16:7

Uca urunacansti Hanani profetajja Judá marcanquiri Asa reyin ucar uñt'iriw saräna, aqham siri: “Siria marcanquiri reyin ejercitopajja jumarojj apanucjjtamwa, Tatitu Diosamaru jan iyawsatam laycu, jan ucasti Siria marcanquir reyiru alcatasitam laycu.

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 146:3

Jilïr jakenacarojj jan alcatapjjamti, jiwir jakëpjjatap laycojj, janiw khespiyapcaspati:

Salmos 146:9

Tatituw yakha marcanquir jakenacarojj uñji, wajchanacampir ijma warminacampiruw uywi, ñankha lurir jakenacataquisti thaquip chhaktayi.

Salmos 33:17

janiw caballonacapajj atipañatac cunäquisa, janiraquiw walja tamanïtap laycus khespiyasquiti.

Salmos 68:5

Diosajj wajchanacan awquipawa, ijma warminacan arjjatiripawa, jupajj kollan utjäwipan jaqui.

Isaías 1:29

Jumanacajj uca kokanacatjja pankar yapunacamatsa, cawquïrinacatejj wali cusisiyapctam ucanacatjja p'enkasipjjätawa, uca chekanacanwa yakha diosanacamarojj yupaychapjjayätajja.

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Isaías 27:9

Ucampis Jacobon juchanacapjja pampachiwa, aca amtäwimpiraquiw juchanacapsa pichararaquini. Take c'ari diosanacapan altaranacapjja pampa saraypan, ñut'jaracpan k'atawi kaläcaspas uqhama, janirac ni mä kollana troncos kheparpati, janiraqui incienso loktasiñ altaranacas utjpati diosanacapataquejja.

Isaías 30:16

jan ucasti sapjjtawa: “Janicuch sarcañäniti jan ucasti caballjjat jaltjjañäni” sasa. Waliquiwa, uqham jaltjjapjjañamay waquischi. Sapjjaractawa: “Wali jaltir carronacat sarjjapjjañäni” sasa. Waliquiwa, jumanacar arcnakerejj juc'ampi jaltirïniwa.

Isaías 30:2

Mäquiw Egiptor jalawayapjje jan nayar jisct'asisa, faraonampi arjjatatäñ munapjjaraqui, Egipton ch'iwiparuw samart'añjja thakapjjaraqui.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Isaías 31:3

Egipcionacajj jakenacawa, janiw jupanacajj diosäpquiti; caballonacapajj janchiwa, janiw ajayüquiti. Tatitojj amparap aytani jupanacar mutuyañataqui, arjjatirisa, arjjatayasirisa aynacht'apjjaniwa, takeniraquiw tucusipjjani.

Isaías 36:8

Jichhajj mä arust'äwir mantam nayan jilïrejjampi, Asirianquir reyimpi; nayajj pä waranka caballonac churäma, inach ucanacataqui jakenac jicjjatäta.

Jeremías 49:11

‘Uca wajchanacamjja nayar jaytita, nayaw jupanacar uñjascä; ijma warminacamasa nayaru alcatasipjjaraquitpan’ ” sasa.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Ezequiel 37:23

Janiraquiw wasitat k'añuchascjjapjjaniti, uca ajjtascaña c'ari diosanacar yupaychasajja, ni cunayman casta juchanaca lurasasa. Jan chekaparu sarnakatanacapatsti nayaw jupanacarojj khespiyaraquëjja, juchanacapatsa k'omacharaquïwa. Jupanacajj nayan marcajjäniwa, nayasti jupanacan Diosaparaquïyäwa.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 14:8

Efrainasti saraquiniwa: “Cunäpas jichhajj c'ari diosanacajja” sasa. ¡Nayaw uñjasta, imasiracta marcajjarojja! Nayajj mä pino kokjama ch'ojjñaquipunïsctwa, nayanwa marcajjajj achupjja jicjjataraquini.”

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Oseas 4:12

Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Oseas 5:13

“Cunapachatejj Efrainajj usutätap amuyasjjani ucqhajja, uqhamarac Judästi chhojjrinacapa uñjjatasjjaraquini ucqhajja, Efrainajj Asiriaruw sarani ucanquir jach'a reyit yanapa mayiñataqui, ucampis jupajj janiw c'umaraptayancaniti, janiraquiw chhojjrinacapsa kolljjatancaniti.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Oseas 8:6

Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Oseas 8:9

Asiriaru yanapa mayir saratap laycu, mä jan amuyani monte asnöcaspas uqhama. Efrainasti wajjt'äwinacwa churi munirinacap alasiñapataquejja.

Jonás 2:10

Ucatsti Tatitojj waquicharaquïnwa chawllajj waña orakeru Jonasar wak'sjjañapataqui.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Juan 14:18

“Janiw wajcha jaytapcämäti, nayajj cutt'anïwa jumanacampïscañataqui.

Deuteronomio 17:16

Ucatsti uca reyejj janiw walja caballonacanïñapäquiti ni jakenacsa Egipto marcarojj qhitañapäquiti caballeriap yapjjatañataquejja; Tatitu Diosasti jumanacarojj sapjjtamwa: ‘Jan mayampis uca thaquinjam cuttapjjamti’ sasa.