Oseas 14:4 - Qullan Arunaca

⁴ Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Aymar Bibliia 1986

⁴ Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Qullan Arunaka DC

⁴ 4 (5) Tatitux israelitanakarux siwa: “Phiñasiñaxax t'akurxiwa. Jichhasti kunja jach'äkitix munasiñaxax uk uñacht'ayarakï, janiw saykatasir markäkxapxaniti.

Oseas 14:4 Jak'a apnaqawi uñst'ayäwi

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 20:8

Jupanacajj tincurayataw uñjasipjje, jiwasanacasti ch'amaniw sayt'asisipctan.

Salmos 78:38

Diosasti jupanacat qhuyapayasïnwa, ñankha luratanacap pampachäna, janiw jupanacarojj tucjcänti: walja cutiw k'apisiñap t'acurayasïna, janiw tipusiñapamp atipjayascänti;

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Isaías 55:1

“Take qhitinacatejj umat pharjata sarnakapjjta ucanacajj umt'ir jutapjjam, jan kollkeninacajj jutapjjam, inaqui trigo mayisipjjam, ucatsti mank'apjjaraquim, vinompi, lechempi inaqui mayisipjjam.

Isaías 57:18

Sarnakäwipjja uñjtwa, ucampis nayajj kolljjatäwa, samarañ churaraquï, chekpachansa samarataraquiw uñjasjjanejja. Llaquitanacarusti nayaw chuymachäjja,

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 17:14

Tata, jumaquiy kolljjatt'ita, ucatsti kollatäyäwa; jumay khespiyita, ucatsti khespitaw uñjasï, juma saparuquiw yupaycharacsma.

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 31:20

“Efraín marcajj nayataquejj munat wawajjawa; takenit sipansa sinti munat wawajjawa. Juparu tokenokcä ucasa, janipuniw nayajj jupatjja armascti; chuymajjajj ch'alljjtituwa, jupatsti walpun qhuyapayasiractjja. Naya Tatituw ucjja arsta.

Jeremías 33:6

Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 8:22

¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Ezequiel 33:14

Nayatejj mä khoru jakeru jiwañapataqui juchañchäjja, ucat uca jakejj juchapa apanucuni, asquiru, chekaparu take cunsa luraraquini,

Ezequiel 36:36

Ucapachaw uca jac'anquir marcanacajj, cunatejj t'unjatäcäna uqhamaraqui ninampi naqhayatäcän ucanac naya Tatitojj wasitat sayt'ayjjatajja yatipjjani. Naya Tatituw ucjja arsta, arsutajjarusti phokhapunïwa.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Oseas 2:19

Israel marca, nayaw jumarojj esposajja wiñayatac tucuyäma, chekpacha esposajja, leyirjama take chuymajjampi jumar munatajj laycu.

Oseas 6:1

Takeni jutapjjam, Tatitun ucar cuttjjañäni. Jupaw usuchjistu, juparaquiw c'umarachjjestani; chhojjriñchjistuwa, juparaquiw kolljjatjjestani.

Sofonías 3:17

Tatitu Diosaw jumanac taypincasqui, ¡jupajj take ch'amaniwa, juparaquiw khespiyätam! Diosasti jumar uñjasinjja cusisiniwa, munasiñapampejj machaka jacañrac churätam; cusisiñapansti k'ochuraquiniwa,

Números 25:11

—Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Números 25:4

Tatitu Diosajj Moisesarojj sänwa: —Tantachthapim marcan take jilïrinacaparu, ucatsti urpach jiwarayam nayan nayrakatajjana; uqhamatwa colerajjajj t'acuraquini Israel marcataquejja —sasa.

Romanos 3:24

Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Tito 3:4

Ucampis cunapachatejj Khespiyir Diosajj qhuyapayasiñapa, munasiñapsa take jakenacaru uñacht'ayistojja,