Ranaiq tsam jai miishe, Joseph raq tsangshiq ma chongto, “Ngi ka Shiikeawe ma haiti. Kra ningkhan ngi raq namshiq ka bom poshi khu thaq na seng lata mitiidongha.
NEHEMIA 7:2 - ASII LAKDAP Bible (BSI) Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü. Hawa Naga Bible 2001 Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq. |
Ranaiq tsam jai miishe, Joseph raq tsangshiq ma chongto, “Ngi ka Shiikeawe ma haiti. Kra ningkhan ngi raq namshiq ka bom poshi khu thaq na seng lata mitiidongha.
Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,
Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.
Kra ningkhan Ahab raq hokham jam khetiwe Obadia ka tiihea kito. (Obadia ka Tatiwe ma pinthum kamtsantsü atsaü maq thü raüta shomnoqtiwe.
Iphu inotiim phong wa naijamti Hanani ka akongti maiq ahinti shea raüta, Judia wang maq awa ngi phana saü wato. Krai mren, ngi raq tsangshiq ma, Jerusalem na siti mungmaiqse ka jamkho singa tlaq, kiimaq naishiqnok Jehudinok Bebilon mung na munglu asiwa wa, Jerusalem na jangwantiiti kra, jamkho singa tlaq nguta, tsütsa ka waiso kang.
Krai mren, ngi raq honglu thü chang khok thun kra liiwanti cherewetiim shong wan nong kang. Tsangtsam ka arwetiim ara: ramwe Shelemia; Thungtri taksuwe Jadok; kiimaq, Lewiwe Pedaia. Kiimaq, tsangshiq khrum miitu ka, Jakkur se Hanan, Mathania ma asaü kra shongkang. Ngi raq, arwetiim ka, tsangshiq kongti ma, phaq nai sea kra aheawiq maq miphea kuq wan lot, nguta kam tiikang. Kra ningkhan, jaqsham ka tsangshiq ma kiinong kuq kang.
Kiimaq hali, ngi raq hokhamwe jaq wa, rum wa pe kra liiwantiwe Asaph ma, rum na pe sitlaq kiiwa pehü pan ma lam raüta, Shomjam tro na long peruk kiijaq kilam chong thun kra hai wan miitu, kiimaq chela khetuk thun kra tiihea wan miitu kiimaq ngi miitu jamhai wan tiikang kiijaq lang miitu, pe raa tlaq kra, Asaph raq michom kuq laq nguta, aming kewan lak ashi kri waiqkuq haü jaq ahea nguta, bom ka tiitai kang. Shiikeawe ka ngi rai asi. Kiimaq, ngi raq ümchuwa jaü kang kra, hokhamwe raq ngi ma kunkun tiihong kuqto.
Ngi ma sinkhu na wanghuptibi siwantaqti thun dunghea wan ka, mungmaiqse ma hekii laihea ashi riito. Tsangshiq raq phaq nai sea miitu kiimaq che miitu, mungmaiqse jaq wa kampho ka ranaiqtek kamsii roqblailai jaü wanto. Kiimaq tsangshiq lukhapbi riimin, mungmaiqse ka shiiteplep raüta jaüphaqsiq wanto. Shatmaq ngi riikaq jaüphaq siq wan mang. Jamkhano ngukla, ngi raq Shiikeawe shreng tiikang.
Ngi raq tsangshiq ma, Jerusalem chela kilü thun ka, ranap rashe dong jai maq ashaqpuq siraütiq dirong laq nguta aming kuqkang. Kiimaq raji nü niimin, sontribi thun kra miwa wan shaq niili, rashe minyap shaq niili shaq raüta, la rong laq nguta, aming kuq kang. Kra thaq niimin, ngi raq tsangshiq ma Jerusalem chela mong na siti nokwe phong kiiwa, maiq wiijamti tsea lanta, tsangshiq ma jaqsham atiitsang khaqkhaq pheakuq lanta, tiisham rong laq nguta, tsii chongkuq kang. Kiimaq maiq wiijamti miika, tsangshiq jam tro thun kra khe miitu, sontri tsong lanta thü ronglaq nguta chongkuqkang.
Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.
Ngi raq Shiikeawe wokhong na tsapkapkap siti mitaoha kiimaq tsangshiq ka ihokham jam na mitiisiha. Juwa pinthum athuk atsom rilung shongngatlaq kriiti ka ijaqshisetiim ma miithüha.
Shatmaq kriithaq niimin, ümniiraq maiq asap atsintibi kra tsea laüta mungmaiqse khuthaq na welabi ma shonglaq: welabi ka maiq ahing thun pengtibi, ashi thun pengtibi, roqbiingi thun pengtibi, kiimaq aroq thun kra pengtibi kra shonglaq. Tsangshiq thun ka Shiikeawe ma haisong tsantsii rümtibi kiimaq maiq kamsea chang kiimaq tsiiqlap simakti riichang.
Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.
Shatmaq ümtiikiiwa Ngi ka i jaqshise Mosheq rai she riibom dam tiikang, kriika pong she. Ngi raq apaiq ka isenginok Israilnok khuthaq na tsangshiq hupkhang wan miitu arang apaiq ma kuqkang.
“Riita ikhiijiika juwa atsii asi kiimaq maiqshaq jaqshi se ka? Apaiq ma atijong we raq, apaiq ka wanhiq na kaiho ma, ajamkun kra mitiikhe thü. Kiimaq ajaqshisetiim ahinti sitlaq kriima akhing khaq khaq na tü adung tiiphaq siq lili riiliijo nguta apaiq ma arang mikuq thü.
Kiijiishe, ‘Riikhaqli, ong laü. Ümniika maiqshaq ashi. Kiimaq tsapsaü kapse jaqshi se!’ nguta atijong we raq ajaqshi se bom ka treto. ‘Ümniiraq tsiiq ka atsapse li jiimin, asho awo tliip pha laü. Arkha maq, ümchaü sanha ngi raq ümjaq na tsiiq ka apa she sham miitu arang mikuq kang. Wara, ümchaü min, ümniika ngi rai chojong chise maq poi arshe lom dam laq!’
Akhnok jaqsham kewanti jaqshise ashi ka, atijong we jaqsham kra pinthum tsapkapkap maq shamke chang.
Ngi raq ümniima nokwe pahea man na, kamasham rilung bomtsi ka shrinkuq wan kang she. Kra bomtho raü thun ka, ümchaü ümniiraq nanok maiqshaq shaqti, maiqlare ma mija wan lotti kiimahali shrinkuq wan lili riilaq. Raüta, tsangshiq riihali, nanok Phungmaiqse ahinti, maiqlare ma mija wan lotti ma hali, mishrin kuq nong laq.