NEHEMIA 7:2 - Hawa Naga Bible 2001

² Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq.

ASII LAKDAP Bible (BSI)

² Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü.

NEHEMIA 7:2 Referencias Cruzadas

RAPHA HIQWA LAK 42:18

Raungnuiyq thuimx vngoz nuex Yosep rueq tsuinghez muex ngoc, “Ngaz kuex Tishox muex hiyaz tvtsanc nganc jix waz rvtauk, nuimhez rullungx tvraungx lvp tvkoc vkhoc rvshuinz.

2 SAMUEL 23:3

Israel Tishox rueq kvjaz jungx tueq; Israel muex tvkhup wungx kuy jix waz rueq vkhoc jungx tueq; “Tvrac vlvmz maq guimz lawc ruiux, Tishox kvjaz kuex phvnx vtueq guimz lawc jix hokhvmx kuex,

1 HOKHVMX 18:12

Ngaz kaz wvnc tauk nuex Yehowa siyac rueq mnoz kuex tuiuz miq baung nuex shvlx laq ruiux yuq yvmx khoc lac yaungx khvmz tvnx? Kvruex yimaq mnoz vyuq httax yaq ngoz tueq Ahab muex ngaz rueq jungx ruiux, piq rueq mnoz kuex humc muq ngoz ruiux yuq piq rueq ngaz kuex vthvy gay phuex. Ngaz kuex nosaz maq phuex Yehowa muex tvtsanc nganc nawk palx jix miq rvtauk lvmz kuex rvwvl shuiuz.

1 HOKHVMX 18:3

Ahab rueq hokhvmx hoc nuex shunshvlc lawc jix waz Obadia kuex gvl tueq. (Obadia kuex Yehowa muex nawk palx tvtsanc nganc jix waz rvtueq,

NEHEMIA 1:2

Ngvy phunox waz Hanani kuex miq wvyvmc rulc vdvmz Yuda mungx maq httuiuc kaz ruex, kvkaq ngaz rueq tsuinghez muex Babelon nuex vthuq vruez laq wawc vyek waung Yuda miqsaz nuiyc Yerusalem ghaq thuic thaungc kuex wisoz tauk.

NEHEMIA 13:13

Ngaz rueq shomc waz Shelemia; Tvrac tuiuz thenc jix Zadok nuiyc Lewi miqsaz Pedaia hez kuex taungx vwawx lawc mawc jix muex tvyaungc ruiux, Mattania suiuz, Zakur saz Hanan kuex tsuinghez yauk htuiz jix muex tvyaungc tauk. Vruex hez kuex vganc yauk shuimc jix hez muex tvmtuing maq lvmx svy kuex kuq noalx shuex ngoz tueq tvluimc vshaungx.

NEHEMIA 2:8

Shomc Yuimx bvmc juing wangx kaluix htenc, ghaqyungx palx ruk htenc nuiyc ngvy httaz juing yuimx laung nuex pulx kuy tvkoc hokhvmx pulx roz lawc jix waz Asap kox nuex luik wuiyq tvkoc muinz menjenc kuy tvkoc thoz tauk. Tishox kuex ngaz rulc vdvmz httaz ningkhvnc nuex ngaz rueq thoz tauk lotlaz kuex honoc waz rueq kuq phuex.

NEHEMIA 5:15

Ngaz rueq max shuimx shauk kungkhux nuex mungx walaungx yaungc jix bix rueq kuex mungx miqsaz muex gurc liq tvgurc wvnc tueq, mungx miqsaz kox wawc lvmx svy nuiyc svpiq tix laung nuex nuiyq shiz nuex kuimphox sawx rok bvlic thoz tueq. Tsuingshiq nvrc waz hez rueq doc muinz mungx miqsaz kuex tuinghtuing wuez tueq. Yuq muinz ngaz kuex Tishox muex tvtsanc nganc jix ningkhvnc nuex kvkhoc kuex ruez rvmauk.

NEHEMIA 7:3

Ngaz rueq tsuinghez muex ngoc raungnvp kox nuex shalx shvmhvlx max dung shauk nuex Yerusalem ghaq palx kaluix htenc kuex nauk dauz kaz shauk, shalx nyuip jauz kaluix bvmc jix hez rueq yauk shuimc max lot wawwawx kaluix htenc kuex shauk vtueq vtaung juing pumz htenc maq taung shec shuinz, ngoz tueq jungx tauk. Yerusalem nuex httaz jix hez wawc vbvmc jix miq htenc taq ruiux, kvruex hez wawc miq wvyvmc muex jvp juing khauk khauk nuex tvbvmc ruiux, wvyvmc kuex miqmac yuimx tvroz maq bvmc tvkoc jungx kuq tauk.

YOBA 1:1

Uza mungx nuex vmuingc Yoba ngoz yaq waz httax yaq, piq kuex Tishox muex nawk palx jix nuiyc vpiq muex tvmtuing httax yaq waz rvtueq. Piq kuex miq hvlx washiz ningkhvnc nuex honc lvmz hvt maq layx bac yauk shuimc yvmx muinz shuimx muq waz rvtueq.

Tvtsvmc 101:6

Tishox muex tvmtuing httaz jix kuex ngaz rueq raungc raq shaungx, tsuingshiq kuex ngvy hoc yuimx nuex tvhttax shaungx. Tvsawc ric kenrix yaq jix htenc rueq ngaz muex shuimc kuy vkhangx lvp wuez shuex.

DUNGWVNC 18:21

Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

DANIEL 6:4

Kvkaq vganc mungx walaungx bix nuiyc mungx shuimc jix hez rueq wvmungx tuimx guimz lawc yaq Daniel nuex vyaq mvrax phvnx shishiz humc laz juing hunglaungx wuez yaq, yuq muinz Daniel kuex vkvmx juing nuiyc thuinz vkoarx maq yvmx muinz vshuimc tvyaq muq ningkhvnc nuex mvrax humc muq.

WEAWEA 12:7

Ngvy nvrc waz Moshe kuex kvkhoc rvmuq; ngvy miqsaz Israel htenc lotlaz kuex piq yauk nuex ngaz rueq lekuq tauk shex.

Matthew 24:45

“Kvkhoc ngoz ruiux tvmtuing vhttax nvrc waz kuex mruex jix waz lac rvtvnx? Kvruex waz kuex vganc nvrc waz htenc guimz lawc muex nuiyc vkhing httuiuc ruiux phuiuz vsvy phvlc kuy tvkoc vjiyungx waz rueq vthvl taq waz rvtueq.

Matthew 25:21

Kvkaq vjiyungx waz rueq, ‘Miq hvlx tvmtuing nvrc waz mnoz kuex yauk shuimc vruinx saz htauk nuex tvmtuing wvnc toq ningkhvnc nuex, yauk shuimc vyungx ngaz rueq mnoz muex kuq yek phaungx. Ngaz rulc vdvmz kokez naungx koq!’ ngoz tueq.

1 Corinthians 4:2

Kvkhoc gurx pix vtueq shuimc kay jix nvrc waz nuex httaz rax vthenc vtuiuz vshiz kuex, piq jiyungx waz htauk nuex tvmtuing httaz juing lvmz rvtueq.

2 Timothy 2:2

Hakhix paunghvlc htumc nuex ngvy kox wawc mnoz rueq tvluing wvnc, tay wvnc vtueq miq vganc jix htenc muex muinz tvlez tvluing kuq shuiux ngoz tueq mnoz kvmx vtuiux jix muex lekuq yek shuiuz.