NEHEMIA 7:3 - Hawa Naga Bible 2001

³ Ngaz rueq tsuinghez muex ngoc raungnvp kox nuex shalx shvmhvlx max dung shauk nuex Yerusalem ghaq palx kaluix htenc kuex nauk dauz kaz shauk, shalx nyuip jauz kaluix bvmc jix hez rueq yauk shuimc max lot wawwawx kaluix htenc kuex shauk vtueq vtaung juing pumz htenc maq taung shec shuinz, ngoz tueq jungx tauk. Yerusalem nuex httaz jix hez wawc vbvmc jix miq htenc taq ruiux, kvruex hez wawc miq wvyvmc muex jvp juing khauk khauk nuex tvbvmc ruiux, wvyvmc kuex miqmac yuimx tvroz maq bvmc tvkoc jungx kuq tauk.

ASII LAKDAP Bible (BSI)

³ Ngi raq tsangshiq ma, Jerusalem chela kilü thun ka, ranap rashe dong jai maq ashaqpuq siraütiq dirong laq nguta aming kuqkang. Kiimaq raji nü niimin, sontribi thun kra miwa wan shaq niili, rashe minyap shaq niili shaq raüta, la rong laq nguta, aming kuq kang. Kra thaq niimin, ngi raq tsangshiq ma Jerusalem chela mong na siti nokwe phong kiiwa, maiq wiijamti tsea lanta, tsangshiq ma jaqsham atiitsang khaqkhaq pheakuq lanta, tiisham rong laq nguta, tsii chongkuq kang. Kiimaq maiq wiijamti miika, tsangshiq jam tro thun kra khe miitu, sontri tsong lanta thü ronglaq nguta chongkuqkang.

NEHEMIA 7:3 Referencias Cruzadas

NEHEMIA 13:19

Kvkhoc rvtueq ngaz rueq Vguilc Raungnuiyq ruip rawx kvkhoc raungnuiyq httuiuc vtueq raungx buirx wvnc ruiux yuq Vguilc Raungnuiyq htumx nuex httuiuc laz, palx kaluix htenc kuex shuiuz tvkoc nvr tauk. Vguilc Raungnuiyq taungshaungc jix ukhaq muinz ghaqyungx nuex nyuip muq tvkoc ngaz rueq miq wvyvmc muex palx kaluix htenc kuex tvbvmc tauk.

NEHEMIA 3:23

Benjamin nuiyc Hashub hez rueq tsuingshiq yuimx kvlc htenc kuex tvhttoarc ruk tueq; Anania suiuz, Maasea saz Azaria rueq piq yuimx kvlc kuex tvhttoarc ruk tueq;

NEHEMIA 7:2

Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq.

NEHEMIA 7:4

Yerusalem kuex yunghvlc ghaqyungx rvtueq, yuq muinz vhttaz jix miq paung muq, yuimx paunghvlc max guirx shauk doc.

Tvtsvmc 127:1

Yehowa rueq yuimx kuex guirx shec muq ngoz ruiux yuq, vguirc jix rueq shuimx kaz yaq kuex khuec guez dvyx rvtueq; Yehowa rueq ghaqyungx kuex tvguing tvwungx muq ngoz ruiux yuq, vbvmc jix htenc rueq bvmc yaq kuex khuec guez dvyx rvtueq.

Tvtsvmc 147:13

Vpiq rueq m-ghaqyungx palx kaluix htenc kuex tv-phaungx ngaungx kuq ruiux; mmiqsaz htenc muex vpiq rueq ruimruimx kuq yaq.

Matthew 10:16

“Tay shuinz! Khelbuenx kuex shoalx phungc nuex tvkaz gay shix ikhoc ngaz rueq nuimhez kuex tvkaz vphaungx. Kvkhoc rvtueq nuimhez kuex puiuc ikhoc tharc httax vtueq, hituiuc ikhoc thuinz tv-nyenz shuinz.