NEHEMIA 7:3 - ASII LAKDAP Bible (BSI)

³ Ngi raq tsangshiq ma, Jerusalem chela kilü thun ka, ranap rashe dong jai maq ashaqpuq siraütiq dirong laq nguta aming kuqkang. Kiimaq raji nü niimin, sontribi thun kra miwa wan shaq niili, rashe minyap shaq niili shaq raüta, la rong laq nguta, aming kuq kang. Kra thaq niimin, ngi raq tsangshiq ma Jerusalem chela mong na siti nokwe phong kiiwa, maiq wiijamti tsea lanta, tsangshiq ma jaqsham atiitsang khaqkhaq pheakuq lanta, tiisham rong laq nguta, tsii chongkuq kang. Kiimaq maiq wiijamti miika, tsangshiq jam tro thun kra khe miitu, sontri tsong lanta thü ronglaq nguta chongkuqkang.

Hawa Naga Bible 2001

³ Ngaz rueq tsuinghez muex ngoc raungnvp kox nuex shalx shvmhvlx max dung shauk nuex Yerusalem ghaq palx kaluix htenc kuex nauk dauz kaz shauk, shalx nyuip jauz kaluix bvmc jix hez rueq yauk shuimc max lot wawwawx kaluix htenc kuex shauk vtueq vtaung juing pumz htenc maq taung shec shuinz, ngoz tueq jungx tauk. Yerusalem nuex httaz jix hez wawc vbvmc jix miq htenc taq ruiux, kvruex hez wawc miq wvyvmc muex jvp juing khauk khauk nuex tvbvmc ruiux, wvyvmc kuex miqmac yuimx tvroz maq bvmc tvkoc jungx kuq tauk.

NEHEMIA 7:3 Referencias Cruzadas

NEHEMIA 13:19

Arkha niishe, ngi raq Asii Niitiitsak Ranaiq ranaiq pha wan tlaq, raji rashe nyap wan tlaq akhing na, Jerusalem chela kilamchong thun kilü ka, wiita shaqbaiq raa tlo. Raüta Asii Niitiitsak Ranaiq ranaiq mithum shaq wiiwii, kilü thun ka dike raamak, nguta aming she tat kang. Lata, Asii Niitiitsak Ranaiq ranaiq na jurmin kinphai wa chela mong na hupho samho, nyapwa mak chang miitu, kilam chong thun kiijaq kilü kheti sontri tsongti maiq thükang.

NEHEMIA 3:23

Kra jaqtho miika, Benjamin nai Hasshub raq tsangshiq jam rinkea tiithi ba thun kra tiihea haito. Kra jaqtho miika, Anania ma asaü lam kiimaq Maaseia ma ase Ajaria raq tiihea haito. Kriiba ka apaiq jam rinkea tiithi ba riito.

NEHEMIA 7:2

Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü.

NEHEMIA 7:4

Jerusalem chela ka ajongwiq. Shatmaq kiijaq siti mungmaiqse ka atsapli riito. Kiimaq chela mong na maiqsi chang jam thun hai wantaq kriika atsapli riito.

Tvtsvmc 127:1

Tatiwe raq jamkun haimak raüla, jamhaitibi raq haitlaq ka atuli miraq; Tati raq chela ka tiiwongkuq mak raüla, kintsongtibi raq kheraü min amiili miraq.

Tvtsvmc 147:13

Apaiq raq üm chela kilü thun nganghea thütlo; apaiq raq üm senginok ma ramram kuqtlo.

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.