NEHEMIA 1:2 - ASII LAKDAP Bible (BSI)

² Iphu inotiim phong wa naijamti Hanani ka akongti maiq ahinti shea raüta, Judia wang maq awa ngi phana saü wato. Krai mren, ngi raq tsangshiq ma, Jerusalem na siti mungmaiqse ka jamkho singa tlaq, kiimaq naishiqnok Jehudinok Bebilon mung na munglu asiwa wa, Jerusalem na jangwantiiti kra, jamkho singa tlaq nguta, tsütsa ka waiso kang.

Hawa Naga Bible 2001

² Ngvy phunox waz Hanani kuex miq wvyvmc rulc vdvmz Yuda mungx maq httuiuc kaz ruex, kvkaq ngaz rueq tsuinghez muex Babelon nuex vthuq vruez laq wawc vyek waung Yuda miqsaz nuiyc Yerusalem ghaq thuic thaungc kuex wisoz tauk.

NEHEMIA 1:2 Referencias Cruzadas

RAPHA HIQWA LAK 14:10

Kra hiqthung tan niika kaichang boq hiq khobok pahea asi riito. Kiimaq Sodom hokhamwe nai Gommora hokhamwe ka rekhat lam maq aju riiwan i nguta tanto. Shatmaq tsangnai ka kra khobok thun na thap wato. Shatmaq ahinti hokhambi wetsam ka pum thun kiiniishe ju raüta lunto.

2 HOKHVMX 24:14

Kiimaq Nebukadnejar raq Jerusalemti mungmaiqse thun, hokhamwe jamti hokhamsetiim maiqwere thun, kiimaq mungtubi thun, tsangshiq tlotli ka maiq hing roqshi ka munglu shumwikong ma tsuq wanto. Kiimaq apaiq raq maiq jaqsham smabi thun, tiiqwebi thun kiimin romshaq na, wiita Bebilon mung na tiiwabaiqto. Raüta Juda mung niika mungmaiqse phong wa miitsan pinthumtibi kriili she tiichong baiqthüto.

2 HOKHVMX 25:12

Shatmaq apaiq raq pinthum miitsan maiqse kong, maiqmii tachong hupsam ahüti thun kra Juda mung niili tiichong baiqthüto. Raüta tsangshiq ka spiqro thun na kiimaq wak jaqsham sea miitu baiqthüto.

EJRA 9:14

Riita, ümchaü min la, naishiq ma ümniiraq akuq haü aming tri raütu thun ka, jamkho mijin wan nong hai? Laita pongnok, abi phan maiqse rai sikhe sirü ka jamkho mirja wan nong hai? Kiikha ngarai kriili tang wan ruq ruq maq sihai jiika, ümniika naishiq ma tsan khiqhea pinthum mikhiq wan haü. Kiimaq ümniiraq naishiq ka tiimiqchup she mishthen wan haü. Alai miimin tiichong maü she mirhaü.

NEHEMIA 7:2

Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü.

JEREMIA 44:14

Juda mungti Juda mung baiqthü raüta Ejip mung na maiq ümchuwa, laühotaq thun ka kunkun, weshi min lun mak kiimaq weshi min tiichong mak mitsai. Tsangshiq raq Juda mung na siwa nong ro tsin-ngin tlaqti thun ka, tsangshiq phong wa maiq weshi ra dongdii min Juda mung na jang wan lumak she miraq. Maiq ashi ra min jang wan lumak miraq. Phanshi rase, wanshawe anai atsam lamlam se kli mijang wan lot.”

EJEKIEL 6:9

Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.