NEHEMIA 1:3 - ASII LAKDAP Bible (BSI)

³ Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

Hawa Naga Bible 2001

³ Tsuinghez rueq rullungx thuiuzthuic thueyc kaz muq maq miqmac mungx nuex yek waungc jix hez kuex pinhtumc kuilc daz rvhumc vtueq, phic vphaungx nuex httaz jix pungnuk miqsaz rueq wvlc guez tvyaungc yaq lvmz ngaz muex jungphvnx kuq phuex. Kvmaq raz tueq Yerusalem ghaq palx ruk htenc kvhttak rul wvnc vtuex lvmz nuiyc ghaqyungx kaluix kuex wvr rueq khamc gay tueq maq majuiuc nuex httuiuc laz tvhvlc muq shauk doc lvmz kuex jungphvnx kuq phuex.

NEHEMIA 1:3 Referencias Cruzadas

1 HOKHVMX 9:7

kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.

2 HOKHVMX 25:10

Kiimaq asengi phenlabi raq chela tro ruk kiitelong maq ahai kra runbaiqto.

2 KAÜWA WERAÜ 36:19

Apaiq raq Shomjam kiimaq chela ka among na hokhambi jam thun kra kiimaq kiijaq tsiiq anyam ümchuwa sitlaq kra thun nongnong maq wa maq chaqbaiqto. Raüta kra chela tro ruk kiimin wiita tiibun buk baiqto.

EJRA 2:1

Munglu shumwi asi wati phong wa maiq pahea ka Bebilon mung wa jang wan raüta, Jerusalem na nai Judia wang na tsangshiq maiqmiimii sichang chela thun kiina jang wanto. Tsangshiq thun ka man na munglu redong akhing na Nebukadnejar raq wiita wiiwii maq Bebilon mung na atsuq wan. Raüta kra mung na wansha asi wa riito.

EJRA 5:8

“Riita, Ajongwe Chaü lei, naishiq raq ümniima tsütsa akhek ashi tiitai wan rotiikai. Naishiq ka Judia wang na kilaita liikikai. Kiimaq ajong pinthum Shiikeawe Shomjam kaü ka longdam jonghea hea kaü hit raüta tiihea hai wantlo chhiki kai. Kiimaq long khetuk niika pepen tipi maq hai wantlo. Riita ara chongtiikai, Shomjam arka thukhea tsomhea maq tiisap tiida raüta hai wan tlo. Krai mren, jaqsham ka pinthum athuk atsom wiq maq shamtlo. Kiimaq jaqsham ka pharang rang maq tlot wan wan shamtlo chhiki kai.

NEHEMIA 11:3

Kiimaq chela aran thun nai chela thun ahin niika, Israilnok phong wa, ramwebi phong wa, Lewinok phong wa, Shomjam jaqsham wanti phong wa, kiimaq Solomon jaqshisetiim saü asetiim weraü thun ka, tsangshiq maiqmiimii chela, maiqmiimii hiqshong thun na, jamchang tiipkhü chü thun kiina, ngarang rang she shongnga wanto. Riita, Judia wang wa Jerusalem chela na hiqshong tei wanti welabi mang ka arthun ara riito:

NEHEMIA 2:13

Ngi ka rawa mong niili tiido lata, chela tro ruk kra ahukse maq sisin wan wan shrira liikang. Shenyap nü na Jüwii Kilam Chong kriimaq liiphaho lata, hiqmai nü na Pren Kaü Khamdü nü na liiwan kang. Lata Shinchiitsap Phong Kilam Chong nü na liiwan kang. Ngi raq kra chela tro na ashthen arbaiq peruk thun ka, kiimaq wa maq chaq raüta ashthen baiq thun kra sidi liiwan kang.

NEHEMIA 2:17

Kra lot latiishe, “Liirong laq, singmung maiqse lei, nashiq ma chamchao jonghea asi. Jerusalem chela ka athen kaiwishe. Chela tro na long peruk thun ka wiita athen kaikun she. Chela tro wa kilamchong thun kriimin wiita tiithen baiqto! Lo, ümchaü min, chaprong i. Laita chela trotam wa long ruk thun ara tiihea hai rong i. Laita nashiq mung khushü jam tlaq ara tiijong rong i,” nguta ngi raq tsangshiq ma chongkang.

NEHEMIA 2:3

Kiimaq ngi raq, “O, Chaü lei, rilung alu maq silaq! Iti iwi sichang changkhü chela ka wiita she then wanto. Chela trotam na long maq aruk khetuk thun kriimin wa maq chaq baiq raüta wiita she thenkito,” nguta apaiq bom ka trekang.

NEHEMIA 7:6

Munglu na atsuq wan maiq pahea raq Bebilon mung ka baiqthü raüta laü wan nongto. Raüta Jerusalem chela nai Judia wang na, maiqmiimii hiqshong hiqchü rachü kiijaq jang wan rang she laü wanto. Tsangshiq thun ka wiita tamtam maq, Bebilon mung Hokhamwe Nebukadnejar raq rewa akhing na shumwi ma tsuq wanto. Krai mren tsangshiq ka kra mung na shong wato.

ESTHAR 1:1

Ara mra pin wantaq akhing arka Ahasueras raq hokham jaqsham wantaq akhing pat wa bomchong riito. Apaiq raq mung lang wantlaq maiqmung thun ka wang 127 na tiikho raüta peng wanto. Arka India mung maq pha wan raüta Ethiopia mung na saüli ham wanto.

Tvtsvmc 79:4

Naimung tro na siti maiqmung thun raq naishiq shummiitlo; tsangshiq raq naishiq naikütlo kiimaq naishiq ka thophi riiqphi slailiitlo.

TAKSU LAK 25:28

Tsankhiq ninlot makti ka, peruk ahü chela ikha; chiq are raq mikhat wan.

ISAIA 43:28

Kiimaq ümmung tuwebi riimin, isiqlaitap ka riikhiq pinthum tiishebaiqto. Atinkhan shutkha na Ngi raq Israilnok ka tiithenbaiq kang, Ngi raq isenginok ka maiq ma tiishummii kang.”

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 39:8

Kiimaq anü na Bebilon mungti phenlabi raq hokham jamkaü kra kiimaq mungmaiqse jam thun kra wa maq bunlak chaq baiqto. Raüta Jerusalem chela ruk thun kra wiita tiibun baiqto.

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 52:14

Kiimaq apaiq phenlabi raq Jerusalem chela tro ruk ka wiita tiibun buk baiqto.

AJONJÜ 1:7

Jerusalem ka apaiq laqlaqse hiqmiq changkhü she, man niiwa jonglu kra tiimatlo, apaiq re jaq na saütaq akhing na, apaiq khrumti jumin ahü she, Ajaqtinok raq apaiq then jen ka, sunghea she slailiito.

AJONJÜ 2:9

Chela kilü thun tiithenbaiqto, kiimaq kilü lachang jinpan min ngoqbaiqto. Hokhamwe nai shiilangbi thun, ümchaü pongmung na shumwi tiijato. Thungtri ka ümchaü shrinkuq makshe, Kiimaq shammibi ma, Tati nü wa riisham bomtsi min, saümak she.

AJONJÜ 3:61

“O Tatiwe lei, tsangshiq raq ngi shummii wantaq ka ataihaü. Tsangshiq raq thiikho thutaq thun ka, wiita asap haü.

AJONJÜ 5:1

O Tatiwe lei, naishiq jamkho thenjen wan kai, kra ümtsan na tiitsang laq. Naishiq khushü jam tlaq ara liilaq.

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.