Biblia Todo Logo
La Biblia Online
- Anuncios -




NEHEMIA 1:3 - Hawa Naga Bible 2001

3 Tsuinghez rueq rullungx thuiuzthuic thueyc kaz muq maq miqmac mungx nuex yek waungc jix hez kuex pinhtumc kuilc daz rvhumc vtueq, phic vphaungx nuex httaz jix pungnuk miqsaz rueq wvlc guez tvyaungc yaq lvmz ngaz muex jungphvnx kuq phuex. Kvmaq raz tueq Yerusalem ghaq palx ruk htenc kvhttak rul wvnc vtuex lvmz nuiyc ghaqyungx kaluix kuex wvr rueq khamc gay tueq maq majuiuc nuex httuiuc laz tvhvlc muq shauk doc lvmz kuex jungphvnx kuq phuex.

Ver Capítulo Copiar

ASII LAKDAP Bible (BSI)

3 Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

Ver Capítulo Copiar




NEHEMIA 1:3
33 Referencias Cruzadas  

Tsuingshiq muex ngaz rueq kuq tauk mungtan wawc ngvy miqsaz Israel kuex tvhttot gay shaungx. Ngaz muex nawk palx juing baung ngoz tueq ngaz rueq pungx thvlc vthvl taq vruex Shomc Yuimx kuex ngaz rueq gay shec shaungx. Baung ruip saz nuex httax yaq miq htenc rueq Israel kuex shummarc vtueq wvlc guez tvyaungc shuex.


piq nolaungx bix rueq muinz ghaqyungx palx ruk htenc kuex tvbunx tawk gay tueq.


Piq rueq Shomc Yuimx nuiyc ghaqyungx muinz hokhvmx hoc tsak vnyvmx lotlaz kuex wvr maq jauk gay tueq, ghaqyungx palx ruk muinz tvrul tvbunx gay tueq.


Vthuq wvnc rvhumc jix miq paunghvlc kuex Babelon mungx maq kvtenc waung wvnc ruiux Yerusalem nuiyc Yuda mungx nuex yek vtueq, miqmac ghaq vraungx htenc nuex yek waung wuez tueq. Tsuingshiq yuimx taungx htenc kuex Hokhvmx Nebukhadnezar rueq tsuingshiq kuex khoktep miqsaz ikhoc lvp thuq wvnc ruiux Babelon mungx nuex thuq wvnc rvhumc vtueq vhttax hez rvtueq.


“Nuiyshiq kuex Yuda mungx hong nuex kaz vtueq yunghvlc Tishox Shomc Yuimx kuex guirx yaq lungpoz yungx htenc nuiyc palx ruk pulx tvnz htenc maq tvhungx guirx tueq kuex khiz lvp vshix. Kvruex yauk shuimc kuex honc lvmz hvt maq shuimx kaz vtueq, phuinz shishiz maq yungx wvnc yaq kuex Taungjix hokhvmx waz muex jungx tvtay vphix.


Vganc miqghaq htenc nuiyc ghaqyungx htenc nuex Israel miqsaz htenc, shomc waz bix, Lewi miqsaz htenc, shomc yuimx yauk shuimc jix htenc nuiyc Solomon nvrc waz hez suiuz vsaz htenc kuex miqmac ghaq vraungx nuex httax wuez tueq. Yerusalem nuex httaz jix Yuda mungx wawc vyungx vlaungx bix muingc wvlc kuex vkhoc rvtueq: Zecharia suiuz, Uzia saz Athaia, vganc piq jix vwaz htenc nuex Amaria, Shephatia, Mahalalel nuiyc Yuda saz Pereza suiuz vsaz hez kuex lomx tueq.


Nuiyhez kuex shalx nyuip kox Warc Tvnx Kaluix maq dung kaz vtueq, ghaqyaz kox Yungrex Yuix Kuiuq kuex yanz wvnc vtueq Suingkez Kaluix nuex httuiuc laz khuemx kaz tiq. Ngaz rueq ghaqyungx palx ruk vbac kaz htenc nuiyc wvr rueq vkhamc gay palx kaluix htenc kuex lawc kaz tauk.


Yuq muinz majuiuc ngaz rueq tsuingshiq muex, “Yerusalem ghaq bac wvnc vtuex nuiyc palx kaluix htenc bac kay ningkhvnc nuex naungshiq yvmx khoc lac kuilc daz rvhumc vtix lvmz khiz vshuinx! Naungshiq muingc bac muq tvkoc ghaqyungx palx ruk kuex tvhvlc ix,” ngoz tauk.


tvralc tauk kuex, “Taungjix hokhvmx waz kuex rullungx pattup httax kuiuz! Izjix iwaz tamx luip juing ghaqyungx bac wvnc vtuex nuiyc palx kaluix htenc muinz wvr rueq khamc gay tueq ningkhvnc nuex ngvy thuinbac muq juing yvmx khoc lac httax lot taungx?” ngoz tueq tvtay jungx tauk.


Babelon Hokhvmx Nebukhadnezar rueq lvp thuq wvnc tueq maq phaungc vtueq, Babelon mungx nuex httax yaq wawc yek waungc jix htenc kuex miqmac httaz juing rvtueq, Yerusalem ghaq nuex nuiyc Yuda mungx wawc miqmac ghaq vraungx htenc nuex yek wuez tueq.


Hokhvmx Ahasuru rueq Persia mungx ghaqnyuiuz jungx Susa nuex httax yaq piq hokhvmx hoc nuex ngaungc vtueq, India mungx maq Ethiopi mungx nuex httuiuc laz mungx 127 kuex guimz tueq.


Phic vphaungx mungtan wawc miqphvnx htenc rueq nuiyshiq kuex shummarc wuez yaq; nuiyshiq muex nueykuic vtueq wvlc guez rvwuez yaq;


Mthuinz khvy kuex mnoz rueq nanx lot muq ngoz ruiux, ralx htenc tvgawx lot muq palx ruk guez ghaqyungx ikhoc rvtueq.


mnoz vyungx vlaungx bix rueq ngvy vsawc baung kuex tvshuy shac tueq. Kvkhoc rvtueq ngaz rueq Israel htauk nuex tvbac gay lvmz tvhttuiuc tauk; ngaz rueq ngvy miqsaz htenc kuex wvlc guez waqguez tvrvhumc tauk,” ngoz tueq jungx tueq.


“Vruex kuex ngvy svpiq sunc nuex ngaz rueq shuimc wvnc juing yauk shuimc rvtueq: ngaz rueq sunc tvroz ruk htenc kuex lvmz gay ruiux, kvruex tvguing tvwungx juing ruk htenc kuex httak gay vtueq yaruix ngvmx saz htenc mphauk gay shuex kvruex sunc kuex tvnuiuz gay shaungx.


Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.


Ngaz rueq tsuingshiq kuex ralx rvlungc, khvmx vrvmc nuiyc vmac vtsac thuimkux maq tvyurc gay shaungx, mungkawx wawc miqphvnx lotlaz rueq tsuingshiq kuex khiz vtueq kawc yawc wuez tuex. Tsuingshiq kuex ngaz rueq tvpanc yurc gay shaungx baung ruip saz wawc miq htenc kuex tsuingshiq nuex yaungx wvnc tueq lvmz htenc kvmac kawc yawc kv-khuirc wuez tuex. Miq rueq tsuingshiq muex shummarc vtueq tsuingshiq muingc kuex kvtuemc kvtaungc juing bomc tvyaungc shuex.


Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.


“Yehowa Israel Tishox rueq jungx tueq, ‘Ngaz khaq vtaungx nuiyc thuinkhvy phuk yaq kuex Yerusalem ghaq jix htauk nuex ruiuc gay tauk ikhoc nuimshiq Ejip mungx nuex kaz wvnc tuit ngoz ruiux yuq nuimshiq htauk nuex muinz ngvy thuinkhvy kuex ruiuc gay shaungx. Nuimshiq kuex kvhiz juing muex yaungx khvmz tuit, miq htenc rueq muinz nuimshiq muex shummarc vtueq mmuingc kuex kvtuemc kvtaungc kvjaz jungx shuex nuex shuimx wuez shuex. Nuimshiq rueq vruex baung kuex mkaq muinz khiz yek shuinx rvmuq shex rvshuinx,’ ” ngoz tueq jungx tueq.


Ngaz rueq ngvy miqsaz svpiq sunc kuex ralx muex tvyap gay shaungx, yuq muinz tvdup suik tvbac gay shaungx rvmuq. Vnoz vkanx htenc kuex ngaz muex seng muq ningkhvnc nuex, tsuingshiq muex soalc gay shuinz ngoz shaungx.


piq nolaungx bix rueq ghaqyungx palx ruk htenc kuex httak tvrul gay tueq.


Majuiuc kuex kvmenc kvjenc bac wvnc tueq, Yerusalem rueq kungkhux wawc piq muingc jungc kuex rvwvl yaq. Piq ralx yauk nuex dvy wvnc tueq nuex, piq muex romc kuy jix vshiz muinz vguez; Piq tvrulc gay jix hez rueq piq rul wvnc tueq kuex nueykuic wuez yaq.


Palx kaluix phuinz vphux htenc kuex ghaq nuex kvluip wvnc vtueq, tsuingshiq kaluix taung juing htenc tvhuyx tvhut rop gay tueq. Hokhvmx waz nuiyc muingc jungc vhttax jix htenc kuex majuiuc vthuq lvy rvhumc tueq. Tvrac kuex tvluing wuez muq, shvmmax bix rueq muinz Yehowa kox wawc romzyac lvp wuez muq.


“O Yehowa lex, tsuinghez rueq ngaz shummarc yaq kuex mnoz rueq tay toq; tsuinghez rueq dvnc yaq lotlaz muinz mnoz rueq tuiuz yaq.


O Yehowa lex, nuiyshiq nuex yvmx lac yaungx yaq nguinx kuex rvwvl shuiuz. Nuiyshiq kuex lawc vtueq, nuiyshiq tvyvlc sac yaq kuex khiz kuq koq.


nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.


Ngaz rueq nuimshiq kuex thuimkux ralx murx tvgurc ruiux, mungx ganc nuex tv-phvlc nyanc tvhttax gay phaungx, nuimshiq mungtan kuex miq yomx wvnc vtueq nuimshiq ghaqyungx htenc kvmuinz batac wvnc tuex.


Síguenos en:

Anuncios


Anuncios


¡Síguenos en WhatsApp! Síguenos