DUNGWVNC 18:21 - ASII LAKDAP Bible (BSI)

²¹ Shatmaq kriithaq niimin, ümniiraq maiq asap atsintibi kra tsea laüta mungmaiqse khuthaq na welabi ma shonglaq: welabi ka maiq ahing thun pengtibi, ashi thun pengtibi, roqbiingi thun pengtibi, kiimaq aroq thun kra pengtibi kra shonglaq. Tsangshiq thun ka Shiikeawe ma haisong tsantsii rümtibi kiimaq maiq kamsea chang kiimaq tsiiqlap simakti riichang.

Hawa Naga Bible 2001

²¹ Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

DUNGWVNC 18:21 Referencias Cruzadas

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

RAPHA HIQWA LAK 42:18

Ranaiq tsam jai miishe, Joseph raq tsangshiq ma chongto, “Ngi ka Shiikeawe ma haiti. Kra ningkhan ngi raq namshiq ka bom poshi khu thaq na seng lata mitiidongha.

RAPHA HIQWA LAK 47:6

Ara Ejip mung arka tsangshiq rii. Kiimaq tsangshiq ka Goshen wang na bamsi laq. Kriika armung wa hiqpo hiqwin wang. Kiimaq tsangshiq phong na jaqsham atsinti asi jiila, tsangshiq ma inyamse kong kiimin trüm laq.”

2 SAMUEL 18:1

Hokhamwe Dawit raq asengi ka wiita adam triitamto. Raüta ahing ahing maq, ashi ashi maq akong akong na triipheato. Raüta tsangshiq pengti phentubi weshi shi shongto.

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

1 HOKHVMX 18:12

Riita ngi wawan jai niili ümniika Tatiwe wenyi raq ümniika dowan raüta, ngi raq sapmang maiqhiq bashi ra na shea wan raü jiiha? Kriishe nguraü ka ngi raq Ahab ma ümniika arjaq asi nguta chongwa jai, kiimaq apaiq raq ümniika ritki raüta hummak she raü ka, apaiq raq ngi ka atiitsea mirbaiq. Ümtsan na tiitsang laq, ngi ka, noseji miiphü Tatiwe ka tsapkapkap maq shomnoq wanti.

1 HOKHVMX 18:3

Kra ningkhan Ahab raq hokham jam khetiwe Obadia ka tiihea kito. (Obadia ka Tatiwe ma pinthum kamtsantsü atsaü maq thü raüta shomnoqtiwe.

EJRA 7:25

“Ejra lei, Shiikeawe raq ümniima taksu tsii kuqtaq kra lümaq, Euphretis Jürai maq Shenyap Mung na Shiikeawe Thungtri lang wan raüta siti mungmaiqse ka ahea maq peng wan miitu, ümniiraq welabi nai phowebi shonglaq. Kiimaq ju riiwa Shiikeawe Thungtri ka sapmak, kriiti miimin, Thungtri ka samhea maq tlang kuqlaq.

NEHEMIA 5:9

Kiijiishe, ngi raq akha ngukang, “Namshiq raq jamlai wa klo tlan ka ashut! Namshiq raq Shiikeawe aming ka lang chang. Lanta ating arai kra sham chang. Kiikha riihan jiitiq, Pongnok phan maiqse raq, nashiq shummii chang lamlu hummak miraq.

NEHEMIA 7:2

Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü.

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

YOBA 29:16

Ngi ka miitsan maiqse ma awe jong jawan kang kiimaq wanwe acham achaotibi rai pong wan dam kang.

YOBA 31:13

Ümtiikiiwa ijaqshi setiim phong wa ashi ra raq iman na tiibottaq raüla, ngi raq apaiq mra kra aheawiq maq tai lata mren chhaq maq liikuq tiikang.

Tvtsvmc 15:1

Tatiwe, üm Shomjam mong na juwa minyap walot? Jurwa Jajon kin maq mishomnoq lot, ümnaq asii kin maq?

Tvtsvmc 15:5

Apaiq raq maiq ma aliip jaü mak maq kampho tiinam kuqtlo, kiimaq apaiq ma tsiiqlap kuq raüta rung na arot saqse ma tiijalot mak, Jurwa arthun ara shamtlaq kriiti ka wranaiqshe khupwong kuqshat miraq.

DUNGWVNC 17:9

Kiimaq Mosheq raq Joshua ma nguto, “Maiq wiijam ka tsea laq. Laüta Amalakaiqnok ka anap ranaiq khatkikiq. Ngi ka hiq lam thaq na michapha. Lata Shiikeawe raq chongtaq kra phan phan nyeakii kra sham lata ra na doshat maq michapha.”

DUNGWVNC 18:25

Raüta Israilnok tlotli liipan wa maiq asap atsintibi thun ka tseato. Raüta apaiq raq tsangshiq ka welabi ma ahing thun thaq na, ashi thun thaq na, roqbiingi thun thaq na, kiimaq aroq thun thaq na apengti thun ma shongto.

TAKSU LAK 28:2

Mung na ngarai tang raüla, hokhambi ka ashi jai na ashi, klai ruqruq miraq. Mung ka tsing mak miraq. Shatmaq mung pengti ka, taksu maiqse kiimaq nyan phaqchi asi raüla, mung ka atsing angang miraq.

THARC TVLUINGC 12:13

Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 33:15

Namshiq raq tingting bomhan jiika kiimaq riikhaqli jaqsham han jiika milun wan lot han na. Namshiq jaq na arang hotlan kriimaq miitsan maiqse ka naqlao rongkiq. Kiimaq tsiiqlap naqsiq rongkiq. Maiqtseati matwetiim rai naq pong dam rongkiq. Kiimaq maiq ma abi kloti rai naq pongdam rongkiq.

ISAIA 59:4

Namshiq ka rung na riishoktlan, shatmaq namshiq kha ka phowe raq namshiq tlop na riikhaqli tri maq phokuq mak. Jamkhano ngukla namshiq raq arot saqse kuq lantea kha ka mitang hai nguta tiimatlan. Namshiq raq ahang han jaqsham kra klo lantea nanok ka tiichamchaotlan.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

EJEKIEL 18:8

Apaiq raq maiq ma kampho ka amet lap miitu tiinam kuq mak. Kiimaq apaiq raq kha phokuqtlaq na abi klomak phan kiimaq kha ka tingting kappe maq shin raüta phokuqtlo.

EJEKIEL 22:12

Ümsenginok wiijamti riika maiq raq raikao tat raüta maiq tiitsattlo. Maiq wiijamti riika maiqmii mungti Israilnok ma kampho tiinam kuqtlaq kriithaq na amet jaütlo. Tsangshiq kra nanshanshan raüta chiithe ma jatlo. Tsangshiq raq Ngi ka alaq riibaiqto.” Arka Tati Rakaü Hiqwe raq ngutlo.

JEKERIA 7:9

“Man na rathup rapha niiphü ngi raq isengi ma ara aming kuqkang: ‘Namshiq raq tri ka riikhaqli ating maq sham raa. Kiimaq maiq ashi maq riita ashi ma tsan hea tsiihea mangchan tsii tiichhi raa.

JEKERIA 8:16

Ümchaü namshiq raq arthun arshe klo ronglaq: Weshi raq weshi ma tengteng bomtsi chong ronglaq. Rung na khapho tingting kiimaq riikhaqli maq pho ronglaq. Maiqse ma tsan heali chang phokuq ronglaq.

WEAWEA 1:4

Maiq phan kaüwa weraütek wa welabi ka weshi shi ümnaq khrumke miitu thaülaq.”

WEAWEA 10:4

Shatmaq ümtiikiiwa lerong ka ashili tsü raüla, aweraü phantek wa welabi thun kra üm tro na riitam chang.

Luke 18:2

“Man na chela ashi na phowe ashi asi. Apaiq ka Shiikeawe miimin hai mak. Kiimaq maiq min weahü wiqhü sitiwe.

Luke 18:4

Shamtaq, rahiq luhea na saüli, kra phowe raq kra nyung kha ka phokuq mak tlin phin baiqto. Shatmaq, atiisup niishe, apaiq ka akha ngutiishe tiibotto, ‘Ngi ka Shiikeawe miimin hai mang. Kiimaq maiq miimin manto mang.

Acts 20:33

Ngi raq ju jaq wiimin tsiiq nai nyam ka jaü wan mang. Kiimaq ju jaq wiimin, khuchü kheani min jaü sam wan mang.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

TRI CHONGKE 22:18

Kiijiishe kra chelati welabi raq kra tsangwe kra hit ho raüta sintsang maq nintashe buk chang.

1 Timothy 3:3

Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.

JOSHUA 22:14

Welabi weroqshi ka Phinehas rai wadamto, tsangshiq ka shenyap nü wang na siti Israilnok maiqphan phanroqshi kra khuthaq wa, maiq aphan kaüwatek wa weshishi wadamto.

1 SAMUEL 8:12

Apaiq raq maiq wiijam ka maiq hingshi khuthaq na siihiip ma mishong. Kiimaq wiijam ka maiq roq biingi khuthaq na siihiip ma mishong. Kiimaq namsetiim raq apaiq wak thun kra theke chang miraq. Raüta atü atsam thun ka jutke chang miraq. Kiimaq apaiq rekhat chang hupsam thun kra kloke chang miraq. Kiimaq apaiq kumrang leng thun mii akhiiq thun kra tiiqloke chang miraq.

1 SAMUEL 8:3

Shatmaq tsangnai raq awe jaqsham kra phan phan shammak dea riito. Tsangnai ka kampho lap miituli tsan tiitsito. Krai mren tsangnai raq tsiiqlap siqto. Kiimaq kha thun ka tingting tri maq phokuq mak riito.