DUNGWVNC 18:20 - ASII LAKDAP Bible (BSI)

²⁰ Ümniiriika tsangshiq ma Shiikeawe aming thun kra shrinke chang. Laüta kra aming thun ka tsangshiq raq jamkha laü wan chang wa kra chongkuqlaq. Raüta tsangshiq raq jamlai jaq sham chang wa kra chongkuqlaq.

Hawa Naga Bible 2001

²⁰ Mnoz rueq tsuingshiq muex Tishox rueq nvr bomc htenc kuex tvluing kuq ruiux tsuingshiq yvmx khoc httaz ngaungc juing lac, yvmx ruec juing lac lvmz htenc kuex jungphvnx kuq shuiuz.

DUNGWVNC 18:20 Referencias Cruzadas

Tvtsvmc 143:8

Wranaptek ngi ma ümlungwii tiipitmaü phan kra bliiq chongkuq lili riilaq, jamkhano ngukla ngi raq ümniima kamtiikang. Ngi achujaü ka ra na ümpha na saütlo; ngi khumchang lam kra tiichhikuqlaq.

Tvtsvmc 32:8

Tatiwe raq ngutlo, “Ngi raq ümniima mishrinkuq kang jamkha khum chang wa; ngi raq tsii michongkuq kang kiimaq midanhon kuq kang.

DUNGWVNC 18:16

Maiq wenai liipan na tatso raüla, tsangnai ka ngi phana watlo. Kiimaq ngi raq juwa ajiq juwa alam kha kra phokuq tiikang. Kiimaq ngi raq tsangshiq ma Shiikeawe aming thun nai thung tri thun kra chongkuq tiikang.”

ISAIA 30:21

Namshiq ka tungphai lamphii na jaqtsi jaq pha na latho han jiila, namshiq jai nü maq apaiq raq akha ahea mitaihan, “Lam ka ahata. Ara lam phan phan khum ronglaq.”

JEREMIA 42:3

Tatiwe jaq wa nashiq Shiikeawe jaq wa achu jaülaq, apaiq raq nashiq ma nashiq ka ümnü na kai chang wa kra lam mitiichhikuq laq. Kiimaq nashiq raq jamlai phan klo chang wa kra mitiichhikuq laq.”

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

EJEKIEL 3:17

“Maiqse lei, ngi raq ümniika, Israilnok mung khuthaq na kintsongti miishe shong tiikang. Ümniiraq tsangshiq ma ibomtsi honlam bom chongtiikang kra mitlü chongkuq haü.

Mikha 4:2

Kiimaq tsangshiqnok raq mingu, “Tatiwe hiqlam kiina warong i, Israilnok Shiikeawe Shomjam kiina warong i. Apaiq raq nashiq ma, apaiq wokhong na siwan, rilung lam mishrin kuq. Krai mren nashiq ka apaiq, lam miphan wan rong i. Jamkhano nguhaüla, Tatiwe lamphan tri ka Jerusalem ma midong, kiimaq apaiq raq Jajon maq asengi ma tsü chongkuqtlo.”

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Mark 13:34

Arka, maiq weshi raq, apaiq ka wanhiq na kaiho ma, ajaqshisetiim khumtek ma, jam jaqsham ka pheakuq thü tlaq ikha. Raüta, apaiq raq kilü khetiwe miimin, jam ka samhea khe liijo nguta chongthü raüta, apaiq ka wanhiq na kihotlaq ikha.

TRI CHONGKE 1:18

Kiimaq krai nong nong siili, namshiq raq jaqsham wan chang ümchuwa sitlaq kra miitu ngi raq namshiq ma hon atsu kun kun chongkuq kang.

TRI CHONGKE 4:1

Kiitiikaq Mosheq raq Israilnok ma nguto, “Ümchaü ngi raq namshiq ma shrinkuq tiikang thungtri raütu thun ara wiita lang ronglaq. Kra riihanla namshiq ahea mishong nga wan kiimaq Tatiwe, namtitiim Shiikeawe raq namshiq ma kuqtlaq mung ka milap wan han lanta misiq wan han.

TRI CHONGKE 4:5

“Tatiwe i Shiikeawe raq ngi ma chongkuqtaq kra phan phan, ngi raq namshiq ma thungtri raütu thun ka kunli shrin kuq kang she. Kriithun ka ümchaü namshiq raq khat wan lanta mung ka jii wantlan kiijaq lang lanta shong ronglaq.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

TRI CHONGKE 5:27

Mosheq lei, ümniika kiina jangwa nongkiq. Laüta Tatiwe nashiq Shiikeawe raq jamlai wa chongtlaq kra wiita tiitsang taiwakiq. Laüta ana jangki nongkiq. Kiimaq apaiq raq ümniima jamlai bom wa chongtaq kra naishiq ma mitlü chongkuq haü. Naishiq raq mitaikai. Laita aming ka milangkai.’

TRI CHONGKE 7:11

Arningkhan ümchaü min, namshiq ma jamlai wa shrinkuq wantaq aming thun kra lang ronglaq. Ümchaü ranaiq ngi raq namshiq ma thung tri raütu ümchuwa kuq kang kra wiita kun kun lang ronglaq.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

1 SAMUEL 12:23

Riita ngi raq riiwe kla, Tatiwe man na namshiq miitu achu jaüke ka nungpaq lata, apaiq man na ngarai ka tangmang mirha. Kra la na, ngi raq namshiq ma jamlai wa ahea kiimaq namshiq ma riikhaqli jaqsham chang kra mishrin kuq kang.