DUNGWVNC 18:19 - ASII LAKDAP Bible (BSI)

¹⁹ Ümchaü ngi raq ümniima lamlu ahea miitu tsii chongkuqpha. Kiimaq Shiikeawe ka ümniirai rai miraq. Ümniiraq mungmaiqse miitu Shiikeawe manna chaptlaü kriika riikhaqli. Laüta tsangshiq kha ka Shiikeawe ma kiinongtlaü.

Hawa Naga Bible 2001

¹⁹ Ngaz rueq mnoz muex jungx kuq ix, Tishox kuex mnoz rulc vroc nuex mruez kueq. Mnoz rueq shuimc juing kuex miq rvkhawc lvlc yaq nuex seng vtueq tsuingshiq tvkoc Tishox kox nuex tvtay kuq vshuex kvmuinz vhvlx doc.

DUNGWVNC 18:19 Referencias Cruzadas

RAPHA HIQWA LAK 39:2

Tatiwe ka Joseph rai asi. Kiimaq apaiq raq jamlai jaqwa shamtlaq kra wiita ong wan ruq riitlo. Apaiq ka atijongwe Ejipwe jam na sito.

2 SAMUEL 14:17

Chaü lei, ngi raq itsan mong na akha tiima wankang, ümniiraq ngi ma kiqkham kuq tlaü kriika, ngi khum tiiwongketi khetuk ashi. Jamkhano ngukla, hokhamwe ka Shiikeawe rase ikha. Kiimaq apaiq riika phanrap ajiq alam khaqkhaq shin tlo. Tatiwe üm Shiikeawe ka ümniirai misi laq!”

DUNGWVNC 18:15

Kiijiishe Mosheq raq treto, “Ngi raq ara shamke raa jakito, jamkhano ngukla mungmaiqse ka Shiikeawe raq thapthitlaq kra sap miitu ngi rai riiwaiwa watlo.

DUNGWVNC 18:20

Ümniiriika tsangshiq ma Shiikeawe aming thun kra shrinke chang. Laüta kra aming thun ka tsangshiq raq jamkha laü wan chang wa kra chongkuqlaq. Raüta tsangshiq raq jamlai jaq sham chang wa kra chongkuqlaq.

DUNGWVNC 18:24

Kiimaq Mosheq raq Jethro tsii chong ka langto.

DUNGWVNC 20:19

Tsangshiq raq Mosheq ma nguto, “Ümniika raq naishiq ma chonglaq, kriili naishiq raq mitaikai. Shatmaq Shiikeawe raq naishiq rai riibom haüla, naishiq ka atsai mirhai sham nguta, naishiq ka ahai tiitiikai.”

DUNGWVNC 3:12

Shiikeawe raq treto, “Ngi ka ümniirai adam mirha. Kiimaq ümtiikiiwa ümniiraq mungmaiqse ka Ejip mung wa tsuq wantlaü, kiitiikaq ümniiraq Ngi ka ara pum arjaq mishomnoq haü. Kriikata ümniika Ngi riidea tiikikang nguta saqse miraq.”

DUNGWVNC 4:12

Ümchaü min, kilaq! Ümnaq jamkhii bom chang wa ka Ngi raq mikhrum kuqkang. Kiimaq jamlai chong chang wa kra Ngi raq michong kuq kang.”

DUNGWVNC 4:16

Apaiq ka ümnübok ma mija. Krai mren mungmaiqse ma jamlai chongke chang wa kra ümniiraq chongrii na apaiq raq michong kuq. Kra raüla ümniika Shiikeawe ikha mija haü, ümniiraq apaiq ma jamlai bom chong chang wa kra michong kuq haü.

TAKSU LAK 9:9

Maiq wiitsiiti ma tsii chongkuq haüla, apaiq tsii ka khang wan wan miraq. Kechu maiqse ma tsü chongkuq raüla, apaiq ma phaqchi shoqke li miraq.

WEAWEA 27:5

Kiimaq Mosheq raq tsangshiq kha ka Tatiwe ma tiitaito.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

TRI CHONGKE 20:1

Mosheq raq Israilnok ma nguto, “Ümtiikiiwa namshiq ka rekhat kai kitlan, kiimaq renok kumrang leng phong nai kumrang kong phong ka michhihan kiimaq namshiq thaq na rewe phenlabi ka pahea michhi han, namshiq ka naq hai rongkiq. Tatiwe namshiq Shiikeawe namshiq ka Ejip mungwa tiichhii kewanti ka namshiq rai kongshi miraq.

TRI CHONGKE 5:5

Ngi ka kra akhing na namshiq nai Tatiwe liipan na chapkang. Lata apaiq raq jamlai bom wa chongtlaq kra namshiq ma tlü chongkuq kang. Jamkhano ngukla namshiq ka walütu kaü nyai raitlaq kriima ahai riilan kha ma pum na düwa man riilan. “Tatiwe raq nguto,

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”