DUNGWVNC 18:21 - Hawa Naga Bible 2001

²¹ Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

ASII LAKDAP Bible (BSI)

²¹ Shatmaq kriithaq niimin, ümniiraq maiq asap atsintibi kra tsea laüta mungmaiqse khuthaq na welabi ma shonglaq: welabi ka maiq ahing thun pengtibi, ashi thun pengtibi, roqbiingi thun pengtibi, kiimaq aroq thun kra pengtibi kra shonglaq. Tsangshiq thun ka Shiikeawe ma haisong tsantsii rümtibi kiimaq maiq kamsea chang kiimaq tsiiqlap simakti riichang.

DUNGWVNC 18:21 Referencias Cruzadas

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

RAPHA HIQWA LAK 42:18

Raungnuiyq thuimx vngoz nuex Yosep rueq tsuinghez muex ngoc, “Ngaz kuex Tishox muex hiyaz tvtsanc nganc jix waz rvtauk, nuimhez rullungx tvraungx lvp tvkoc vkhoc rvshuinz.

RAPHA HIQWA LAK 47:6

Ejip mungx kuex tsuingshiq ghaq vraungx shec ningkhvnc nuex vruex mungx wawc vhvlx pinhtumc baung Goshen hong nuex mhttax kueq. Tsuinghez nuex vshuimc vlvmc thenc jix miq httax ruiux yuq, ngvy khelx vmanx kvmuinz tvlawc shuiuz,” ngoz tueq jungx tueq.

2 SAMUEL 18:1

Hokhvmx Dawid rueq piq miq htenc kuex tvtuimx vtueq, hingshiz guimz jix, shashiz guimz jix htenc kuex taq ruiux, kvruex romshauk lawc jix nolaungx vyungx vlaungx htenc kuex tvhungx taq tueq.

2 SAMUEL 23:3

Israel Tishox rueq kvjaz jungx tueq; Israel muex tvkhup wungx kuy jix waz rueq vkhoc jungx tueq; “Tvrac vlvmz maq guimz lawc ruiux, Tishox kvjaz kuex phvnx vtueq guimz lawc jix hokhvmx kuex,

1 HOKHVMX 18:12

Ngaz kaz wvnc tauk nuex Yehowa siyac rueq mnoz kuex tuiuz miq baung nuex shvlx laq ruiux yuq yvmx khoc lac yaungx khvmz tvnx? Kvruex yimaq mnoz vyuq httax yaq ngoz tueq Ahab muex ngaz rueq jungx ruiux, piq rueq mnoz kuex humc muq ngoz ruiux yuq piq rueq ngaz kuex vthvy gay phuex. Ngaz kuex nosaz maq phuex Yehowa muex tvtsanc nganc nawk palx jix miq rvtauk lvmz kuex rvwvl shuiuz.

1 HOKHVMX 18:3

Ahab rueq hokhvmx hoc nuex shunshvlc lawc jix waz Obadia kuex gvl tueq. (Obadia kuex Yehowa muex nawk palx tvtsanc nganc jix waz rvtueq,

EJRA 7:25

“Ezra lex, mnoz kuex m-Tishox rueq mnoz muex kuq kv-phux taksux tharc kuex shuimx vtueq, m-Tishox tvrac phvnc jix Euphrat maq Shalx nyuip kox nuex httaz jix hez lotlaz kuex guimz lawc muex vyungx vlaungx bix nuiyc phoc waz bix kuex tvhungx taq shuiuz. Kvmaq Tvrac kuex tuiuz muq jix ukhaq yuq muinz mnoz rueq kvruex lvmz kuex tvluing kuq shuiuz.

NEHEMIA 5:9

Kvruex yimaq ngaz rueq, “Nuimhez yauk shuimc kuex vyaq! Nuimshiq rueq Tishox kvjaz kuex tay phvnx vtueq vlvmz yauk shuimc shuimc aungx yaq. Naungshiq kuex shummarc lauk kaz ruec tvkoc naungshiq ralx hez nuiyc Pungnuk miqsaz htenc yauk nuex lekuy mvy muq.

NEHEMIA 7:2

Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq.

YOBA 1:1

Uza mungx nuex vmuingc Yoba ngoz yaq waz httax yaq, piq kuex Tishox muex nawk palx jix nuiyc vpiq muex tvmtuing httax yaq waz rvtueq. Piq kuex miq hvlx washiz ningkhvnc nuex honc lvmz hvt maq layx bac yauk shuimc yvmx muinz shuimx muq waz rvtueq.

YOBA 29:16

Ngaz kuex htemsuiuz rvmsaz jix muex vwaz vshiz ikhoc yaungx tauk, kuilc daz rvhumc yaq wuinz waz htenc khuec vkhac kuex ngaz rueq romc kuq tauk.

YOBA 31:13

Ngvy nvrc waz hez wawc vshiz shiz rueq ngaz muex kvbot nyvnx ngoz ngax ruiux yuq, piq rueq ngoz yaq kuex ngaz rueq tay kuq vtueq piq rulc rungrungx raraz ruez shaungx.

Tvtsvmc 15:1

Yehowa lex, ukhaq lac Mshomc Yuimx nuex nyuip lot tvnx? Mnoz vsawc Zion kanx htauk nuex uraq lac nawk palx mvy yaq nguinx?

Tvtsvmc 15:5

Piq rueq vlap lvmz muq maq tvnvmc kuq yaq nuiyc mvrax kop muq waz muex vrot hakhix yaungc tvkoc khau-loayc yauk noalc kuq ruiux thoz muq waz rvtueq. Vruex phvnx htenc kuex shuimc kay tvhungx jix ukhaq muinz mkaq muinz kvguing kvwungx httax lvp tuex.

DUNGWVNC 17:9

Moshe rueq Yoshua muex ngoc, “Mnoz rueq invp raungnuiyq Amalek miqsaz kuex khvt tvkoc miq kuex thvl shuiuz. Ngaz kuex Tishox rueq kuq phuex ngvlhtulc kuex shuimx vtueq kankhux nuex jvp taungx,” ngoz tueq jungx tueq.

DUNGWVNC 18:25

Israel miqsaz lotlaz wawc vshunc vshvlc lot jix miqwaz rulx kuex thvl taq tueq. Piq rueq miq hingshiz, shashiz, rok bv-ngac, rokshiz phungc htenc shunshvlx jix walaungx bix nuiyc piq walaungx bix kuex tvhungx taq tueq.

TAKSU LAK 28:2

Mungx miqsaz htenc mvrax rvhumc tuex nuex, kvruex yuq mungx guimz lawc jix washiz yix maq washiz rueq guimz wvnc shuex. Tharc vsvmz nuiyc wvhonc wvtharc walaungx bix rueq shunshvlx shuex nuex mungtan kuex hungc vlaungc httax wvnc vtueq phaungx ngaungx wvnc tuex.

THARC TVLUINGC 12:13

Httax yaq lotlaz jungc lot yix, vjungc juing kvjaz vshiz dvyx httax yaq: mnoz kuex Tishox muex hiyaz tvtsanc nganc ruiux vpiq rueq nvr yaq htenc kuex phvnx shuiuz, yvmx khoc lac ngoz ruiux lec vruex lotlaz phvnc tvkoc miqsaz kuex tvdung sung shec tueq.

ISAIA 16:5

Kvruex yimaq Dawid suiuz vsaz washiz kuex hokhvmx yaungx tuex, piq rueq mungx miqsaz kuex tvmtuing nuiyc lungwawc thuinz maq guimz lawc shuex. Piq kuex vlvmz yauk shuimc tvkoc lvwvnz tuex, tvrac vlvmz yauk shuimc httax tuex kuex piq rueq khiz shuex.)

ISAIA 33:15

Nuimshiq rueq vlvmz yauk shuimc kuex jungx vtueq shuimx kaz ruiux yuq, nuimshiq rullungx tvraungx httax lvp tuinx. Htemc saz jix kuex laulawc tvkoc mnoz luimc vkawc kuex nauk shuimx kaz. Khauloayc yauk noalc nauk lvmz, miq thvy gay yauk shuimc dvnc yaq jix nuiyc vganc layx bac shuimc jix hez rulc nauk kvruiuz naungx kaz.

ISAIA 59:4

Nuimshiq kuex tvrac rungx nuex kaz ruiux muinz, nuimshiq kox nuex tvrac vrungx vraz lvmz vguez. Miqmac rueq taungx laz juing rot kaq kvjaz htenc nuex rvwak vtuinx. Mnoz rueq miq vganc jix waz kuex tvthuiuz sac tvkoc mnoz rueq kvmungx vshuiux.

JEREMIA 5:1

Yerusalem ghaq wuinz lex, nuimshiq lvmx tv-phvnc yuz wuez kuinz! Tvroz lawc vtueq tvmaung shuiuz! Tsuingrux yauk shuimx vtueq Tishox muex tvmtuing yaungc tvkoc hunglaungx jix miq vshiz shiz humc lot shuiux haz? kat vjez nuex thuiyx shuinz! Mkhoc shoc maq nuimshiq rueq humc lot ruiux yuq, Yehowa rueq Yerusalem ghaq muex mvrax dawc kuq shuex.

EJEKIEL 18:8

Piq rueq vlap lvp tvkoc kuimphox tvnvmc muq. Piq rueq layx bac yauk shuimc kuex tvdux gay ruiux, rvkhawc rvlvlc yaq kuex tsuingrux lvmx maq htvp htaz kuq yaq.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

JEKERIA 7:9

“Mvnnuex jauz ngvy miqsaz htenc muex vkhoc nvrc bomc kuex ngaz rueq kuq tauk: ‘Tvrac vlvmz maq shuimx shuex kuex nuimshiq rueq khiz shuinx, vshiz maq vshiz menjenc thuinz nuiyc lungwawc thuinz kuex tvkhic wuez shuinz.

JEKERIA 8:16

Vruex kuex nuimshiq rueq shuimc aungx yaq yauk shuimc rvtueq: vshiz maq vshiz tsuingrux kvjaz kvjak kuinz. Tvrac rungx nuex vsuing tvrac vlvmz nuiyc nomic kuq lvp laz juing rvmenjenc wuez kuinz.

WEAWEA 1:4

Waruiuz shiz wawc miqlaungx washiz shiz rueq nuimshiq muex mromc kuq kv-phuinx,” ngoz tueq jungx tueq.

WEAWEA 10:4

Bolic vshiz dvyx tvthuiz ruiux yuq, vtaungx tv-phvnc wawc walaungx bix dvyx mnoz kox nuex rvtuimx kay rax.

Luke 18:2

“Miqghaq yungx vshiz nuex Tishox muex muinz hiz muq, miq muex muinz wvlc guez tvyaungc jix phoc waz washiz httax tueq.

Luke 18:4

Yuq muinz loayc hvlc nuex httuiuc laz phoc waz rueq phox kuq muq rvtueq, yuq muinz tvsuip nuex piq rueq, ‘Ngaz kuex Tishox muex muinz hiz mauk, miq muex muinz wvlc guez waz rvtauk,

Acts 20:33

Ngaz rueq miq yauk wawc kuimphox sawx, kuimshawx nuiyc khoz vkhvy kuex lvp roc ngoz tueq raungc raq mauk.

Acts 6:3

Kvkhoc rvtueq phunox hez lex, nuimshiq phungc kvwawc miq waz mvshix thvl shuinz, vruex yauk shuimc kuex gurc pic tvkoc tsuingshiq muex nuiyshiq rueq tvshuimc shix, tsuingshiq kuex Vsawc Siyac nuex muinz, taksux tharc nuex muinz, hungx htaungx mvrc vtueq muingc jungc vhttax jix yaungc rax tuex.

TRI CHONGKE 22:18

Kvkaq ghaqshungc wawc walaungx bix rueq miqwaz saz kuex thvt vtueq tvhonc tvtharc kuy rax.

1 Timothy 3:3

Joal juk pawc jix waz rvmuq ngoz ruiux yauk laungc yalawx jix yaungc mvy muq, thuinz nyenz thuinz yomz jix waz, nomic lvmx kuex raungc raq jix waz yaungc rax tuex; piq kuex kuimphox muex rvnphvnx muq waz raz tueq;

JOSHUA 22:14

Phineha rulc vdvmz shalx nyuip kox miqphvnx htenc wawc washiz phok, vtaungx htenc yuimx kac tek wawc vkhux yaungc jix hez rulc vdvmz walaungx rokshiz kuex kaz wvnc naungx tueq.

1 SAMUEL 8:12

Piq rueq wvyvmc kuex miq hingshiz guimz jix vyungx vlaungx bix, kvmaq vganc kuex rok bv-ngac guimz jix vyungx bix muex tvyaungc shuex. Nuimshiq saz miqwaz sahez vganc kuex piq wuik vnax shuimx muex, piq tuiz vtsvmz yut muex wvyvmc kuex koz vlaq htenc tvjek muex nuiyc piq mvre renc htenc tvhungx jix muex tvyaungc shuex.

1 SAMUEL 8:3

Yuq muinz tsuingnueyc kuex vwaz honc vyaungc phvnx muq maq, kuimphox muex rvnphvnx thuinz dvyx httax tueq, khauz loayc lvmc ningkhvnc nuex khac kuex tvrac rulc rv-ngvlc phox kuq muq.