NEHEMIA 13:13 - ASII LAKDAP Bible (BSI)

¹³ Krai mren, ngi raq honglu thü chang khok thun kra liiwanti cherewetiim shong wan nong kang. Tsangtsam ka arwetiim ara: ramwe Shelemia; Thungtri taksuwe Jadok; kiimaq, Lewiwe Pedaia. Kiimaq, tsangshiq khrum miitu ka, Jakkur se Hanan, Mathania ma asaü kra shongkang. Ngi raq, arwetiim ka, tsangshiq kongti ma, phaq nai sea kra aheawiq maq miphea kuq wan lot, nguta kam tiikang. Kra ningkhan, jaqsham ka tsangshiq ma kiinong kuq kang.

Hawa Naga Bible 2001

¹³ Ngaz rueq shomc waz Shelemia; Tvrac tuiuz thenc jix Zadok nuiyc Lewi miqsaz Pedaia hez kuex taungx vwawx lawc mawc jix muex tvyaungc ruiux, Mattania suiuz, Zakur saz Hanan kuex tsuinghez yauk htuiz jix muex tvyaungc tauk. Vruex hez kuex vganc yauk shuimc jix hez muex tvmtuing maq lvmx svy kuex kuq noalx shuex ngoz tueq tvluimc vshaungx.

NEHEMIA 13:13 Referencias Cruzadas

2 HOKHVMX 12:15

Kra jaqsham liitibi arang hotibi ka tingting maiq siisaq. Krai mren tsangshiq raq jaqsham ma kampho khoroshataq kra miitu ka heshap kewan min raamak.

2 HOKHVMX 12:16

Kiimaq atham jangke honglu akuq wan nai ngarai honglu akuq wan thun kriika tek mong na thü wan mak. Kriithun ka ramwebi rii.

2 HOKHVMX 22:7

Kra jaqsham liiti arang hotibi ka kai mitting maiqse kong siisaq. Krai mren tsangshiq raq jamhai na kampho ümchuwa tiiwatlaq kra miitu ka ripot ke ngomin raa mak.”

NEHEMIA 10:38

Riita, Lewinok raq mungmaiqse jaq wa, aroqkhu wa hiwan tlaq kra akhing na, Aron weraü phan wa ramwebi kriimin, Lewinok rai kongshi maq waraüta, honglu ka hiwan lili riichang. Raüta, aroqkhu wa ümchuwa honglu riichom wantaq kra Shomjam na lang miitu, Lewinok kra honglu thun ka shomjam tsamtiip khok thun kiina hoholili riichang.

NEHEMIA 11:22

Kiimaq, Jerusalem chela na siti Lewinok khuthaq na asheati maiqlawe ka Ujji riito. Apaiq ka Bani se; kiimaq Hashabiah ma asaü lam she riito. Apaiq ma atitiim mang ka Mattania nai Mika riito. Apaiq ka Asaph weraü wa riito. Asaph weraüta ka, Shomjam na Shiikeawe shomnoq akhing na, nokwe ka ashi ange maq shun shea wanti riito.

NEHEMIA 12:44

Kra akhing na, Shomjam na lang miitu mungmaiqse raq lungwii honglu, aroqkhu honglu, tsamnye ajut honglu, rawiitek petsi wiqtsam honglu, thüchang tsamtiip khok thun kra liiko wanti, cherewetiim tsea raüta shongto. Tsangshiq raq chongtiikai honglu thun ka, Thungtri na chongtlaq kra phanphan, ramwebi nai Lewinok dunghea miitu, chela thun tro na wak ram kiiwa riichom raüta, saiq sam wan arang ka tsangshiq ma kuqto. Kiimaq Juda wangti mungmaiqse kunli, ka ramwebi nai Lewinok ma, khoqriiq shishiiq maq siwanto.

NEHEMIA 3:30

Kra jaqtho miika, Shelemia se Hanania kiimaq Jalaph setiim phongwa wetrok ngojawe, ase Hanun raq tiihea haito. Arka tsangshiq raq banai ngoja she tiihea haito. Kra jaqtho miika, Berekhia se Moshullam raq tiihea haito. Apaiq riika, apaiq jamkea tiithi ba tiihea haito.

NEHEMIA 7:2

Kra lata, ngi raq Jerusalem chela peng wan miitu, maiqla shiilang wenai shongkang. Kra jaqsham ka ino Hanani nai Hanania ma kuq kang. Hanania ka chela kheti sreabi peng wan miitu thükang. Hanania ka pinthum tsapkapkap maq jaqsham wanti maiqshaq pinthum. Kiimaq Shiikeawe ma haisong tsantsii thüshat maq sitiwe. Apaiq khan maiqshaq ating arai ka ahin juma thapthi chang min ahü.

NEHEMIA 8:4

Ejra ka kra akhing miitu maiqchap chang pepen maq ahai rinchü kiijaq chapto. Kiimaq apaiq ma jaqtsi nü siim niika, arwetiim ara chapto: Mattithia, Shema, Anaia, Uria, Hilkia, kiimaq Maaseia chapto. Kiimaq apaiq ma jaqpha nü siim niika, arwetiim ara chapto: Pedaia, Mishael, Makhija, Hashum, Hashbaddana, Jekeria, kiimaq Meshullam chapto.

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Acts 4:35

kiimwebi jaq na kuq wantlo. Krai mren, kiimwebi raq kra kampho ka maiq loweatek ma, jamlai wa raa tlaq, kra phanphan mren mra chhaq maq phea kuqto.

Acts 6:1

Kra jai maq heashi sijai na, Jesuq ma kamwantibi maiq anye ka pahea pawan ruq li riito. Kriikha maq, Grik bom maq bomti Jehudinok nai nokti Jehudinok liipan na, maiq wiijamti ka abot tsaü riito. Grik bom maq bomti Jehudinok raq ranaiqtek khoraki kampho pheake na, tsangshiq phong wa manti-nyungre ma samhea tiikham nyin kuq mak laqthaqtlo nguta tiibot nyanto.

Acts 6:3

Arkha maq, ümchaü min, phunainotiim lei, namshiq liipan wa, Asii Wenyi maq ama maq siti, kiimaq taksma maiq wa, maiq wemiishi shiikap ronglaq. Naishiq raq ara jaqsham ka tsangshiq jaq na kiinong kuq phai.

1 Corinthians 4:2

Akhnok jaqsham kewanti jaqshise ashi ka, atijong we jaqsham kra pinthum tsapkapkap maq shamke chang.

1 Timothy 1:12

Ngi raq nashiq Tatiwe Khristo Jesuq ma pinthum kechu tum tiikang. Apaiq raq ngi ka apaiq kiimwe ma shongto. Raüta ngi ma kiimwe jaqsham Tsütsa Ahea chongke wan jaqsham ka ngut wan miitu, wenyi ningkun kuq wan ruq maq khrum kuq tlo.

1 Timothy 3:10

Tsangshiq ka jaqsham na mitiinyap shaq na, kongkhu samhea wiq chechiip chang. Achechiip wan lot jai shetiq, tsangshiq ka awongsii dea nguta wankhü na tiichong raütiq, tum na thü tiikai ikha, tsangshiq ka phungtu na jaqsham khrumke dam miitu, atsea wan mimai.