NEHEMIA 13:14 - ASII LAKDAP Bible (BSI)

¹⁴ Shiikeawe lei, ngi raq üm Shomjam miitu nai noqku miitu arthun jaqsham tiikang ara ümtsan na tiitsang thü laq.

Hawa Naga Bible 2001

¹⁴ Ngvy Tishox lex, mshomc yuimx nuiyc nawk palx tvkoc ngaz rueq shuimx wvnc tauk htenc lotlaz kuex rvwvl lvp shuiuz.

NEHEMIA 13:14 Referencias Cruzadas

2 HOKHVMX 20:3

“Tatiwe lei, ngi ka ümwokhong na silata ümniika ka tsapkapkap maq shiikum wan kang kra tsan na tiitsang laq. Kiimaq ümniiraq ngi ma jamlai jaqsham wa thaü tlaü kra ümniiraq athithi niili sham wan kang.” Kiimaq apaiq ka atsan tiitsi raüta aho gushgu she hoqhoto.

1 KAÜWA WERAÜ 29:3

Riita arthun riichom rom kang arthaq niimin, ngi raq itachong hupsam wa kampho kiimaq chaq thun kuqkang. Jamkhano ngukla ngi raq Shiikeawe Shomjam miitu itsan tiitsi lata lungwii tiikang.

2 KAÜWA WERAÜ 24:16

Apaiq raq Israilnok mungmaiqse miitu, Shiikeawe miitu, kiimaq Shomjam miitu jaq shamtaq kra ningkhan shreng manto tiichhi tsangshiq raq amaa ka Dawit Chela na hokhambi maalap chiim na lapto.

EJRA 7:20

Arthaq niimin ümniima Shomjam na lang wan miitu, jamlai phan huk asam wa raa jiiq, kra miitu ka hokhamwe kampho tek towan tlaq kiiwa jaü wan lili laüta lang laq.

EJRA 7:24

Namshiq raq ramwebi, Lewinok, Shomjam na ashitibi, Shomjam kheti petabi, jaqsham wantibi, lo maiq ahinti juwa Shomjam na jaqsham damti sitlaq, kra thun jaq wa phunta hirii maimak.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

NEHEMIA 13:22

Krai mren, ngi raq Lewinok ma tsangshiq khum ka phumram kham maq tiisii bat raüta, Asii Niitiitsak Ranaiq ranaiq ka asii maq thü wan miitu, tsangshiq raq kilamchong thun kilü ka sontri tsong raüta teptep khe miitu aming kuqkang. O, Shiikeawe lei, ngi raq arthun jaqsham tiikang ara miitu, ümmang chan tsii rüm tlaü kriimaq, ngi ara tiikhup wongkuq laq

NEHEMIA 13:31

Kiimaq, honglu kuq tlaq kra, chaq chang chin raa tlaq kra, akhing khaq khaq na Shomjam na chomke wan miitu, jaqsham ka aphea riikuq kang. Kiimaq mungmaiqse raq, raipo wonglo tsikhu wa tsamnye jut tlaq kiiwa kuq tlaq kra, kiimaq petsi wiqtsam tsikhu wa honglu na kuq tlaq kra tsapkapkap maq, akhing khaqkhaq na kewan raa nguta jaqsham ka aphea riikuq kang. O, Shiikeawe lei, ngi raq arthun jaqsham wan tiikang ara, ümtsan na tiitsang shat riilaq. Laüta, ngi ma ana tokuq laq.

NEHEMIA 5:19

O, sanseng ramungtan na siti Shiikeawe lei, ngi raq mungmaiqse miitu ümtinkhan wa jaqsham athuk atsom shamkuq wan kang kra, ümtsan na tiitsang laq nguta achu jaü tiikang.

ISAIA 38:3

“Tsan na tiitsanglaq, Tatiwe lei, ngi raq ümniika tsapkapkap maq shiiliwan kang kiimaq ümwokhong na silata jaq sham wan kang ira. Kiimaq ümniiraq athithi niili ngi raq wranaiqshe jaq sham wan kang.” Raüta apaiq ka kai aho gushgu she hoqto.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.