NEHEMIA 13:15 - ASII LAKDAP Bible (BSI)

¹⁵ Ngi raq kra akhing na, Juda wang na siti Israilnok raq, Asii Niitiitsak Ranaiq ranaiq na spiqtsi tsai ka tiikit nyat tlo chhikang. Kiimaq mungmaiqse abiti riika, püwong, che, spiqtsi, phupmuptsi, kiimaq laihin huk asam thun kra, tsangshiq kumtoq kaütiim raikhü na miirea chhikang. Raüta tsangshiq raq kra hupsam thun ka, Jerusalem na hoho tlo chhikang. Kra chhilatiishe, ngi raq tsangshiq ka kiq atsin maq ason riikang. Kiimaq Asii Niitiitsak Ranaiq ranaiq na jamlai phan min ari athii shata raamak nguta aming kuqkang.

Hawa Naga Bible 2001

¹⁵ Kvruex baunglaung Yuda mungx miqsaz wvyvmc rueq Vguilc Raungnuiyq svpiq thuey sur wuez yaq. Vganc jix rueq tuiuz vtsvmz, svpiq tix, svpiq thuey, phuiuq muiuq thuey nuiyc vganc phvnx htenc kuex loze htauk nuex tvdaungc vtueq, tsuingshiq rueq Yerusalem nuex wvnc wuez yaq kuex ngaz rueq khiz tauk; kvkhoc ningkhvnc nuex Vguilc Raungnuiyq yvmx muinz shaungtaung muq tvkoc ngaz rueq honc ngoz tauk.

NEHEMIA 13:15 Referencias Cruzadas

2 KAÜWA WERAÜ 24:19

Tatiwe raq tsangshiq phana hon chongketi shammibi thun tiikito. Raüta tsangshiq ka apaiq wokhong na jang wan nong miitu tsü chong kuqto. Shatmaq mungmaiqse raq taimak riito.

NEHEMIA 10:31

Ümchaü sanha, Asii Niitiitsak Ranaiq ranaiq lo, laihin apii ranaiq niilo, nashiq phana pongmung maiqse raq hai awong, kiimaq huk asam howan raüta shawa raü la, rimai she. Kiimaq, rawii wiimiishi apaiq tumwan tlaq rawii akhing na, wak ka shamsiq mai she. Kiimaq thamtham thiilam, alap wan chang ümchuwa sitlaq, kra thiitham athü wan kriimin, wiita adüshe mirbaiq rong i.

NEHEMIA 10:32

Kiimaq, rawiitek Shomjam na khoro khosha raa tlaq kra chomke wan miitu, nashiq maiq loweatek raq, kampho sii ka shekel ashi wa, mantsam na tiikho laita, manshi rii kra kuq wan lili mirii rong i.

NEHEMIA 13:16

Tajar chela wa aki, maiq wiijamti laopanbi ka Jerusalem na siraüta piikiiti asi riito. Tsangshiq raq ngiq, kiimaq laihin hupsam phanphan kra, Jerusalem na hoholili raüta, naishiqnok ma Asii Niitiitsak Ranaiq ranaiq na shakuqho tlo.

NEHEMIA 13:21

Kra chhilatiishe, ngi raq tsangshiq ma, “Namshiq ka hupsam shata kham ma, chela ruk phai na anap ra miwiiho shaq nguta atu na naq khe rongkiq. Namshiq raq ibom tai man tlea han jiila, namshiq raq imo she miho han,” nguta tsangshiq ka tiihai sonkang. Kra sonkang kriimiiphat she, tsangshiq ka Asii Niitiitsak Ranaiq ranaiq na jangki nongmak she riito.

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

YOBA 39:12

Apaiq ma jaq tiisham laüta tsam milapsiha ngutiisha kamtlaü? laüta khaolüm phong chang na tsam tiini lata tsam pahea milapha ngutiisha kamtlaü?

Tvtsvmc 50:7

“Tairong laq, i senginok lei, ngi chongpha; ngi raq namshiq ma kha nyan tiikang, Israilnok lei. Ngi ka Shiikeawe, namshiq Shiikeawe.

DUNGWVNC 31:12

Tatiwe raq Mosheq ma,

DUNGWVNC 31:16

Israilnok raq ara ranaiq arka tongshong jaqkhaq raü saqse nguta lang ratlo.

DUNGWVNC 34:21

“Namshiq ma minshiiq sea miitu liipan shi wa ratrok asi. Shatmaq ramiishi ngo ranaiq na jaqsham kai maimak. Arka nithechoji niimin kiimaq tsamjut choji niimin jaqsham kai maimak.

DUNGWVNC 35:2

Namshiq raq minshiiq miitu ka ratrok asi. Shatmaq ramiishi ngo ranaiq ka asii. Kriika Ngi Tatiwe ma ramram raüta akiinongkuq niitiitsak ranaiq. Jurwa kra ranaiq na phanshi ra jaq sham raüla kriiti ka atsea baiq chang.

TAKSU LAK 28:4

Jurwa thungtri raü jin tlaq, kriiti ka ashutti rai pongti; shatmaq jurwa tri wokhong na sitlaq, kriiti ka ajiq kiimungti kra ngengtlo.

ISAIA 58:13

Tatiwe raq ngutlo, “Namshiq raq Niitiitsak ranaiq ka asii ranaiq dea nguta shreng lantea langwan han jiila, kiimaq kra ranaiq na namshiq maiqmii miitu jaqsham man riihan jiila; kiimaq namshiq raq Ngi ma asii ranaiq kra athu atsin ma tiija hanla, kiimaq wanhiq na kiman maq, jaq shamki man maq, riimakla kra ranaiq hüti hiqli bom man riihanla,

JEREMIA 17:24

“Arnok ma chonglaq, tsangshiq raq Ngi raq kuqtiikang aming thun ka tlotli lang ratlo. Tsangshiq raq Asii Niitiitsak Ranaiq na arthun kilamchong maq hupsam ho raüta wa maimak. Tsangshiq raq Asii Niitiitsak Ranaiq ka asii ranaiq nguta lang ratlo. Kiimaq kra ranaiq na jamlai phan jaqsham min maimak dongdii.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 42:19

Kiijiishe ngi raq chong kang, “Tatiwe raq namshiq Juda mung na aso tiichongki lanti thun ka Ejip mung na naq laüho rongkiq nguta ngutlo. Arningkhan ümchaü ngi raq namshiq ma tsiilam bomtsi chong tiikang.

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

AMO LUIK DVP (AMOS) 8:5

“Jinye Poi pii ara jaqlo chawan tlo haü jaq, nashiq raq tü tsam arka shata hai chang wa. Asiihai Ranaiq ara jaqlo chawan tlo raüjaq ahea riichang, bunwong thun kra shaphaq wan tlo haichang wa. Tok ka ajiq aphiq kriimaq shalailaita, bunwong riti kra amobphaq wan haichang wa, laita bunwong ka ajom shatmaq athii ka atsin linlin maq shaphaq wan hai changwa

Mikha 6:3

Tatiwe raq bom waitlo, “Isenginok lei, ngi raq namshiq ma jamlai wa riikang? Ngi raq namshiq ka jamkho süpsi wan kang? Chongrong liita!

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Galatians 5:3

Namshiq ma, phaqthak nithak maq chongkuq nong pha, tairong laq: Jurwa athohan thungtri kriika lang ra dea, nguta hali lang nongtlaq, kriiwe riika, Thungtri dap na tri raü ümchuwa sitlaq thun kriika, tri tsi shi dongdii min jin mak maq, wiita kunkun lang wan chang miraq.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

TRI CHONGKE 8:19

Tatiwe namshiq Shiikeawe ka ümtiikiimin laqbaiq raa mak. Kiimaq laihin phra thun jai phanho lanta shomnoq kai maimak. Namshiq raq kra riihan jiila, ngi raq ümchaü ranaiq namshiq ma kholam kholiiq chongkuq tiikang, namshiq ka miqchup mitiithen baiq.

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.