NEHEMIA 13:14 - Hawa Naga Bible 2001

¹⁴ Ngvy Tishox lex, mshomc yuimx nuiyc nawk palx tvkoc ngaz rueq shuimx wvnc tauk htenc lotlaz kuex rvwvl lvp shuiuz.

ASII LAKDAP Bible (BSI)

¹⁴ Shiikeawe lei, ngi raq üm Shomjam miitu nai noqku miitu arthun jaqsham tiikang ara ümtsan na tiitsang thü laq.

NEHEMIA 13:14 Referencias Cruzadas

2 HOKHVMX 20:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

1 KAÜWA WERAÜ 29:3

Tishox Shomc Yuimx kuex lungwawc ningkhvnc nuex ngaz rueq kuq noalx wvnc tauk vruex lotlaz htauk nuex jvnc vtueq, ngvy tsak vnyvmx wawc kuimphox sawx nuiyc kuimshawx muinz kuq noalx tauk.

2 KAÜWA WERAÜ 24:16

Israel mungx miqsaz tvkoc muinz, Tishox tvkoc muinz, Shomc Yuimx tvkoc muinz shuimx wvnc tueq ningkhvnc nuex mungx miqsaz rueq piq maungx kuex Dawid Ghaqyungx wawc hokhvmx luip ruiuz khux nuex luip tueq.

EJRA 7:20

Shomc Yuimx tvkoc mnoz muex phvnx shishiz rax yek ruiux kuex hokhvmx tsak tumz wawc lvmc mvy yaq.

EJRA 7:24

Shomc waz bix, Lewi miqsaz htenc, vshic vngoyc jix htenc, vbvmc jix htenc, yauk shuimc jix htenc nuiyc vruex Shomc Yuimx nuex rvhumc phek jix ukhaq kox wawc muinz hihic rawrawc kuex hic mvy muq.

EJRA 7:27

Ezra rueq, “Yehowa naungshiq jix vwaz tamx Tishox muex tvtsvmc wuez shuinz! Vpiq rueq Yerusalem wawc Yehowa Shomc Yuimx kuex tvtsanc nganc tvkoc honoc waz muex thuinz tvlomx kuq tueq.

NEHEMIA 13:22

Vguilc Raungnuiyq vsawc yaungc tvkoc Lewi miqsaz muex miqmac gvnz kuex kvsawc nawc vtueq palx kaluix htenc kuex bvmc kay tvkoc ngaz rueq nvr tauk. O Tishox lex, vruex ningkhvnc nuex ngaz muex rvwvl koq, mlungwawc yunghvlc htauk maq ngaz muex menjenc kuq koq.

NEHEMIA 13:31

Ngaz muex hungx tuex baunglaung wvr maq jauk shomc kuy tvkoc janx nuiyc vphaungc thuey yaq vthuey vngoz nuiyc vphaungc muinx yaq tuiuz vtsvmz htenc lvmc lvy tvkoc tvhungx htaungx tauk. O Tishox lex, vruex lotlaz kuex rvwvl vtueq, ngaz muex kejux kuq koq.

NEHEMIA 5:19

O Tishox lex, vruex miq htenc tvkoc ngaz rueq shuimx wvnc tauk htenc kuex rvwvl vtueq ngaz muex kejux kuq koq.

ISAIA 38:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

Revelation 3:5

Taungx wvnc jix waz rueq hungluiz khvy svmx lvp shuex, ngaz rueq piq muingc kuex rullungx luik dvp wawc tvmauk gay shaungx rvmuq. Piq kuex ngvy kungjix rvtueq lvmz ngvy Tishox waz nuiyc vpiq raungkamx bix htumc nuex jalc jungx kuq wvnc shaungx.