NEHEMIA 13:13 - Hawa Naga Bible 2001

¹³ Ngaz rueq shomc waz Shelemia; Tvrac tuiuz thenc jix Zadok nuiyc Lewi miqsaz Pedaia hez kuex taungx vwawx lawc mawc jix muex tvyaungc ruiux, Mattania suiuz, Zakur saz Hanan kuex tsuinghez yauk htuiz jix muex tvyaungc tauk. Vruex hez kuex vganc yauk shuimc jix hez muex tvmtuing maq lvmx svy kuex kuq noalx shuex ngoz tueq tvluimc vshaungx.

ASII LAKDAP Bible (BSI)

¹³ Krai mren, ngi raq honglu thü chang khok thun kra liiwanti cherewetiim shong wan nong kang. Tsangtsam ka arwetiim ara: ramwe Shelemia; Thungtri taksuwe Jadok; kiimaq, Lewiwe Pedaia. Kiimaq, tsangshiq khrum miitu ka, Jakkur se Hanan, Mathania ma asaü kra shongkang. Ngi raq, arwetiim ka, tsangshiq kongti ma, phaq nai sea kra aheawiq maq miphea kuq wan lot, nguta kam tiikang. Kra ningkhan, jaqsham ka tsangshiq ma kiinong kuq kang.

NEHEMIA 13:13 Referencias Cruzadas

2 HOKHVMX 12:15

Yauk shuimc lawc jix hez kuex vkvmx juing miq ningkhvnc nuex tsuinghez kox wawc kuimphox wvlc wvlc kuex vthoz tvy rac muq.

2 HOKHVMX 12:16

Mvrax kvdawc tvkoc shomc kuy juing nuiyc ngarvyx kvdawc shomc kuy juing vkuq kuimphox kuex tek nuex htawc muq; kvruex kuex shomc waz bix tvkoc rvtueq.

2 HOKHVMX 22:7

Yauk shuimc shunshvlc lawc jix hez kuex tvluimc vtueq vkvmx juing ningkhvnc nuex tsuinghez kuimphox wvlc wvlc kuex vthoz rac muq.”

NEHEMIA 10:38

Vruex mvnz rokshiz wawc mvnshiz hic shuex baunglaung Arun suiuz vsaz shomc waz kuex Lewi miqsaz rulc vdvmz httaz rax, kvruex yimaq Lewi miqsaz miqmac rueq vhic taq vthuey vngoz htenc wawc mvnz rokshiz wawc mvnshiz kuex Shomc Yuimx nuex shuimc lvmc tvkoc shomc yuimx taungx wawx tvy juing khok nuex lvmc lvy rax.

NEHEMIA 11:22

Yerusalem nuex httax yaq Lewi miqsaz shunshvlc lawc jix kuex Hashabia suiuz, Bani saz Uzi rvtueq. Piq jix vwaz nuex Mattania nuiyc Mika lomx tueq, piq kuex Shomc Yuimx nawk palx lvmz nuex seng vtueq shic ngoyc yauk shuimc lawc jix Asap taungx wawc rvtueq.

NEHEMIA 12:44

Kvruex baunglaung Shomc Yuimx tvkoc kuq yaq mvnz rokshiz wawc mvnshiz, vphaungc yut yaq tuiuz vtsvmz nuiyc kungkhux muinx yaq vthuey vngoz htenc kuex wawc tek tvjomx taq yaq tsak tumz htenc kuex lawc mawc jix miq htenc kuex thvl taq shec tueq. Kvruex hez kuex ghaqyungx ruip rawx tvroz wawc wuik vnax tuiuz vtsvmz htenc tvjomx ruiux, shomc waz bix nuiyc Lewi miqsaz htenc muex tay wvnc tueq tvrac rulc rv-ngvlc phvlc kuy yauk shuimc lvp wuez tueq. Yuda miqsaz lotlaz rueq muinz shomc waz bix nuiyc Lewi miqsaz kuex raungc raq wuez vtueq,

NEHEMIA 3:30

Shelemia saz Hanania nuiyc Zalap saz tvruk ngoc yaungc waz Hanun rueq lauk nueyc ngoc yaungc palx kaluix kuex ruk tueq. Berekia saz Meshulam rueq piq yuimx kvlc kuex tvhttoarc ruk tueq.

NEHEMIA 7:2

Ngaz rueq Yerusalem ghaqyungx tvlawc tvguimz tvkoc inox Hanani nuiyc nolaungx yungx waz Hanania tsuingnueyc kuex taq tauk. Hanania kuex vkvmx juing miq, Tishox muex tvtsanc nganc jix rvtueq.

NEHEMIA 8:4

Ezra kuex kvruex baunglaung tvkoc pulx penc maq pvrrawx vguirx htauk nuex jvp tueq. Vkeq kox nuex jvp jix miqwaz rulx kuex: Mattithia, Shema, Anaia, Uria, Hilkia nuiyc Maseia rvtueq; vphvrx kox nuex jvp jix hez kuex: Pedaia, Mishael, Malkhija, Hashum, Hashbaddana, Zecharia nuiyc Meshulam rvtueq.

Luke 12:42

Taungjix rueq tvralc tueq, “Kvkhoc ngoz ruiux tvmtuing vhttax nuiyc kenririx httax jix nvrc waz kuex mruex jix lac? Yuimx taungjix waz rueq nvrc waz hez guimz lawc tvkoc nuiyc phuiuz svy juing phvlc kuy tvkoc vthvl taq nvrc waz kvruex rvtueq.

Acts 4:35

Kamx waz hez rueq muinz miq lotlaz muex miqmac muex rax yaq phvnx kuex phvlx kuq tueq, kvkhoc rvtueq tsuingshiq phungc nuex washiz muex muinz rax yaq ngoz tueq vguez shex.

Acts 6:1

Mtanc httax muq nuex, sangac bix kuex paung wvnc tueq, kvkaq Greek kvjaz kvjak jix Yuda miqsaz nuiyc ghaqshungc jix Yuda miqsaz kuex rvkhawc lvlc tueq. Greek kvjaz kvjak jix Yuda miqsaz rueq tsuingshiq phungc wawc mvntix nyuiuz tamx rueq wvraungx nuiyq tek phuiuz svy juing lvp muq ngoz tueq mvrax tvgurc jungphvnx tueq.

Acts 6:3

Kvkhoc rvtueq phunox hez lex, nuimshiq phungc kvwawc miq waz mvshix thvl shuinz, vruex yauk shuimc kuex gurc pic tvkoc tsuingshiq muex nuiyshiq rueq tvshuimc shix, tsuingshiq kuex Vsawc Siyac nuex muinz, taksux tharc nuex muinz, hungx htaungx mvrc vtueq muingc jungc vhttax jix yaungc rax tuex.

1 Corinthians 4:2

Kvkhoc gurx pix vtueq shuimc kay jix nvrc waz nuex httaz rax vthenc vtuiuz vshiz kuex, piq jiyungx waz htauk nuex tvmtuing httaz juing lvmz rvtueq.

1 Timothy 1:12

Ngaz rueq shuimx kaz vshaungx yauk shuimc laung nuex ngaz muex hungc vlaungc kuy jix naungshiq Taungjix Christu Yesu muex kejux vyungx ngoz vshaungx. Vpiq rueq ngaz kuex hunghtaungx yaq waz ngoz tueq wvl kuq ruiux vpiq muex shuimc kuy tvkoc thvlc tvy rvhumc tauk ningkhvnc nuex vpiq muex kejux yunghvlc,

1 Timothy 3:10

Tsuingshiq muex vphaungc nuex taruiyx rvhumc wvnc vtueq mvrax kop muq maq lvy wvnc lvp tueq ngoz ruiux kuex phungc htuiz daungx yauk shuimc mshuimx shueq.