DANIEL 6:4 - ASII LAKDAP Bible (BSI)

⁴ Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

Hawa Naga Bible 2001

⁴ Kvkaq vganc mungx walaungx bix nuiyc mungx shuimc jix hez rueq wvmungx tuimx guimz lawc yaq Daniel nuex vyaq mvrax phvnx shishiz humc laz juing hunglaungx wuez yaq, yuq muinz Daniel kuex vkvmx juing nuiyc thuinz vkoarx maq yvmx muinz vshuimc tvyaq muq ningkhvnc nuex mvrax humc muq.

DANIEL 6:4 Referencias Cruzadas

RAPHA HIQWA LAK 41:38

Kiimaq hokhamwe raq tsangshiq ma akha nguto, “Nashiq raq Joseph nam ma maiqshaq maiq ahin ka humkilot mai she. Apaiq ka akhum na Shiikeawe wenyi asi.”

RAPHA HIQWA LAK 43:18

Riita tsangshiq ka kra jam niishe sheawan kiita, tsangshiq ka ahai she riito. Kiimaq akha tiimato, “Nashiq ka arjaq shea wantaq arka kongkhu lak na kampho ka nashiq thoila khiiq na tiithii raq raq jangkuqtaq irkha niishe shea wanto sham. Tsangshiq raq nashiq ka tiihanghiiq miili mitsat. Raüta nashiq kumtoq kong kra milamho. Kiimaq nashiq ka adise kong miishe mitiija baiq.”

TAKSU LAK 29:27

Kechu maiqse raq abi maiqse saisitlo; kiimaq abi maiqse raq, kechu maiqse saisitlo.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 29:7

Ngi raq namshiq ka ümra chela thun niiwa munglu shumwi kong ma tsuq wan kang, kriithun chela kiijaq silanta, namshiq sitlan chela thun kra tiijonglu wan miitu shamhea kaiwa sham lanta shongnga ronglaq. Tsangshiqnok miitu ijaq wa achu jaü kuq lili ronglaq. Jamkhano ngukla, tsangshiq ka chiithe lüwajong siraüla, namshiq kiimin chiithe lüwa ma mija han.

DANIEL 3:8

Kra akhing na Bebilonnok maiq wiijamti raq Jehudinok tiishut miitu lamlu humto.

DANIEL 5:12

Jamkhano ngukla, apaiq hon atsii ka tsaühea; kiimaq anyan phaqchi sapti; kiimaq rawama liichum chongke na asap atsin; kiimaq shiiwang bomtsi tiikho chongke saptsinhea; kiimaq amao chang jaqsham tru chongke na taksma. Apaiq mang ka Daniel; apaiq ka tiiheakikiq; hokhamwe raq apaiq ka Belteshajjar nguta mangto. Kiimaq apaiq raq kra liichum ka ümniima michongkuq.”

DANIEL 6:22

Shiikeawe raq arase tiiki raüta hangsikong nübok ka wiita phupbaiqto. Krai mren tsangshiq raq ngi ka kaqlot mak riito. Apaiq raq akha tiikhup wongkuqtaq arka, apaiq raq ngi ka maiqsang nguta asap. Kiimaq Chao lei, ngi raq ümniima jammin ashut klo mang.”

Matthew 26:4

Raüta tsangshiq raq Jesuq ka ahukse maq lap raüta tsea baiq chang nguta kiq rito.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

Luke 20:20

Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.

Luke 20:26

Kriijaq tsangshiq raq nokwe makki na, Jesuq ka jamlai nyan niimin tiishut lot mak she riito. Kriikha maq, tsangshiq ka kaiqshak li she ngakito. Kiimaq, apaiq raq tsangshiq bom ka tiingathu she tretaq kra chhi raüta, awang rai li she riito.

Luke 22:2

Ramwe jongbi nai Thungtri shrinketibi thun ka mungmaiqse ma ahai. Kriikha maq, tsangshiq raq Jesuq ka ahukse maq tsea baiq ma nguta, lampu rit konchon wan shat miishe kheto.

John 19:4

Pilat ka khok mong maq dongki nong raüta, jangshi ri hali Jehudinok mungmaiqse ma bom ka akha hali chongki nongto, “Liirong laq! Ngi raq apaiq dü na jamlai khü akha min chhi mang. Apaiq ka ümchaü arjaq namshiq man na tiichap nong tiikang ara. Apaiq tiishut chang kha ka, ngi raq apaiq dü na jam min ahü chhi mang.”

2 Corinthians 11:12

Namshiq ma Shiikeawe jaqsham ketibi raq, naishiq ka “kiimwebi” nguta tiingo tlaq, kiimaq tsangshiq riimin, naishiq raq jamkho sham tiikai kiikhiisii sham tiikai, nguta tiishomra tlaq, kra tangta baiq miitu, ngi riika ümchaü jamkho jaq maq ahü maq jaqsham tiikang, kiikha namshiq jaq wa, amaq athii min jaü mang miili, sham wan ruq misham wanha.

Philippians 2:15

Akha sihan jiitiq, namshiq ka jamlai shutphit min ahü, siirairai awongsii Shiikeawe setiim ma mija wan lot han. Namshiq ka ara boqtham chum ikha, mangjong ngarai maiqse phong na sitlan. Namshiq ka tsangshiq phong na, ra na raiqsaiq chhainyii liliim tlaq kiikha, achhai anyii maq si rong laq.

1 Timothy 5:14

Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.

Titus 2:8

Traho bom chongkuq tlaü akhing na, ümbomtsi ka khaqshkhaq, asiq areng bompo kli chongkuq laq. Akha traho kuq raüla, ümnaq ngengtibi raq, nashiq khuthaq na bom abi tiishut bom chang ka lam hum mak miraq. Krai mren, tsangshiq raq ümnaq ngengrat tlaq kra miitu tsangshiq maiqmii kli mitiijeasi rai.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

PHOWEBI 14:4

Anyungwe riika, Tatiwe raq Samson shunshea kha na kra chongtlo ngutiika sapmak shaq li riito. Jamkhano ngukla Tatiwe raq Philistainnok ka khat ma ami rittlo. Kiitinchoji Philistainnok raq Israilnok mung ka langtlo.

1 SAMUEL 12:4

Kiijiishe mungmaiqse raq treto, “Ahü, ümniiraq naishiq ka lao maü dea, kiimaq ümniiraq naishiq ka nanshan wan maü dea; ümniiraq jujaq wiimin jamlai phan min jaü phaq maü dea.”

1 SAMUEL 18:14

Kiimaq apaiq ka phanrap jaqsham wantlaq thun ka kunkun ongwan ruq she riito. Jamkhano ngukla, Tatiwe ka apaiq rai asi.

1 SAMUEL 22:14

Kiijiishe, Ahimelekh raq treto, “Ümwokhong na pinthum tsapkapkap maq ümbom taitiwe ka Dawit kli! Apaiq ka ümchaiwe, kiimaq ümkhum kheti phenlabi pengti phentuwe. Kiimaq hokham rung na wiitarü raq pinthum shreng wan tlaqwe.