JOSHUA 24:15 - ASII LAKDAP Bible (BSI) Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.” Hawa Naga Bible 2001 Nuimshiq rueq vpiq muex nawk palx tvkoc raungc raq muit ngoz ruiux yuq, Mesopotamia maq nuimshiq jix vwaz tamx rueq nawk palx wvnc tueq tishox htenc, rvmuq ngoz ruiux majuiuc nuimshiq httax vtuinx Amori phvnx rueq nawk palx yaq tishox htenc wawc, mruex jix lac nawk palx shuinx kuex majuiuc raungnuiyq dvyx thvl wvnc shuinz. Ngaz nuiyc ngvy yuimx wuinz htenc rueq kuex Yehowa muex dvyx nawk palx shix,” ngoz tueq jungx tueq. |
Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”
Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.
Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.
Ijaqsham athuk atsom jamshut ahü, Ümtinchowa ümnaq iphana mikihaü? Ngi ijamkun na tsantsii siirairai misiha,
Ngi raq i sinkham bomtsi ka mithüha ümniiraq tingting hon atsii chongkuqlaü kra langwan lata misi wanha.
Maiq apako raq ajiq klo raüla, tsangshiq rai naq pong damkiq. Riimakla ümtiikiiwa tsangshiq raq saqse kuq raüta ashut tri maq photlaq kiijaq naq pong damkiq.
Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.
Kra mungti rai namshiq raq wehea riija tongshong raamak. Jamkhano ngukla tsangshiq raq tsangshiqnok thatsang phra kong kra shomnoq tlaq akhing na kiimaq honglu takuq tlaq akhing na, tsangshiq raq namshiq min lomki dam rongkiq nguta, namshiq ka mihea, kiimaq namshiq ka tsangshiqnok phra kong ma honglu na ataakuq phaqsea kra lomdam chang she mijaki.
Tati Rakaü Hiqwe raq nguto, “Riita, ümchaü namshiq wiitarü Israilnok lei, maiqmii kli polosiq rong liina! Namshiq sumla phra thun kra noqsiq rong liina! Ahea kata! Shatmaq Ngi raq namshiq ma phaq thaq nithak lata sontiikang. Arjai miishe ka namshiq raq ibom tai chang she miraq. Lanta namshiq sumla phra thun ma kongphiq kuq lanta, imang asii ka tiibi tlan kra atsaq chang she miraq.
Shatmaq, apaiq raq naishiq ka tiichhiikuq mak li jiimin, Chaü lei, naishiq raq ümphrakaü ka shomnoq mai. Kiimaq naishiq ka hiq na bum laita, ümniiraq chaq sumla shong laü kra khaki na bum laitiika noqmai.”
Kra raütiishe khetuk wa longkaü lam baiqtaq thun kriika longkaü ahin miishe laibaiq chang. Raüta jam khechong thun kriika boq anye miishe lonong chang.
Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.
Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.
Tsangshiq phong wa maiq weshi ra raq, ümniika ümphai ümpha na shongti, riimakla ümniima alu lang na siti maiq phan ahinti raq shomnoq tlaq phra thun kra shomnoq i nguta, ümniika motlinho moraq miraq.
Tsan na atsi dada maq ümchaü ranaiq arjaq ümchu wa chap tlan, kriiwa, juwe riimin, junyung riimin, juta riimin, riimakla juwe raü riimin, Tatiwe nashiq Shiikeawe wokhong wa dongho raüta maiq mung ahinti thun sumla phra kong kra shomnoq ho raamak. Akhla riihaüla, pecham arang ka akhapwiq kiimaq maiq chok chang phan pechong ma jong wan tlaq ikha miraq.
Kiijiishe, mungmaiqse raq treto, “Naishiq raq Tatiwe baiq laita, ahin phra thun ka shomnoqki mai!
Ngi raq namshiq ma Ngi ka namshiq Tatiwe, namshiq Shiikeawe nguta chongkuq kang. Arkha na namshiq raq, ümchaü namshiq riishe jiiwan lan arjaq siti, Amoraiqnok phra thun ka shomnoq maimak nguta chongkuq kang. Shatmaq namshiq raq ibom taiman tlea lan.”