Acts 11:23 - ASII LAKDAP Bible (BSI)

²³ Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Hawa Naga Bible 2001

²³ Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.

Muklom

²³ Piq eshináng thu eq etho Shkewa ráng manchan wang chamlang somlo ta tha khi eq sungrang ta, etho ning ma thaji tin wang Teyhungwa jam sho thanap ma tharong batta.

Acts 11:23 Referencias Cruzadas

2 HOKHVMX 18:6

Apaiq ka Tatiwe wokhong na tsapkapkap sitiwe riito. Kiimaq apaiq raq Tatiwe bom ka jangshi min tlea mak riito. Shatmaq apaiq riika Tatiwe raq Mosheq ma kuq wantaq aming raütu thun kriika tsapsaü kapse maq lang wanto.

Tvtsvmc 17:3

Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.

TAKSU LAK 23:15

Ise lei, ümniika maiqshaq ma jahaüla, ngi ka pinthum michochiha.

TAKSU LAK 23:28

Apaiq riika thiimeaq ikha, lam maq bomhai raüta khetlo. Raüta maiqjam pahea, siiqbaiqtlo.

DANIEL 1:8

Shatmaq Daniel riika hokhamwe raq akuq apaiq rung wa dung nai che kra phaqsiq raüta, apaiq khum ka Shiikeawe maklii na tiisheshi mang nguta, atsan na atsidada maq thapthito. Kra ningkhan, apaiq raq Ashpenaj ma khrumkuq laq nguta tiipaiq tiinea raüta tiitaito.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Mark 2:5

Tsangshiq kamtsantsii jong kra chhi raüta, Jesuq raq ahan ama arki atsiti we ma, “I se le, ümngarai thun ka diibaiqto she,” nguta bomdamto.

John 15:4

Namshiq ka i dü na chamshat miili siwan lili ronglaq. Kiimaq ngi riimin namshiq ka, i dü na tiichamshat miili mitiisi kang. Akü ako riika, achong na chamshat riihü miika, apaiq asiilii miika tsingo lot mak. Akü ka spiqraü chong na chamshat maq siwan lili raü jiitiq, atsi ango ka midong man wanlot. Ikiikhiisii hali, namshiq kiimin i dü na chamshat maq siman riihan jiila, tsingo wanlot man mirhan.”

Acts 13:43

Sinagok noqku thumjai niishe, nokwe thun ka pin wanto. Tsangshiq pin wan jai she, Jehudinok phan maiq pahea raq, kiimaq Pongnok phan maiqse Jehudi khü maq tiihong raüta siti thun maiq pahea raq, tsangnai jai she phan wanto. Krai mren, kiimwe nai kra riimin, tsangshiq ma Shiikeawe wokhong na tsapkapkap maq shongnga rong laq nguta tsangshiq ma tsaido jido bomtsi she chongkuqto.

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 14:26

Kra chela miishe tsangshiq ka laijong maq tsangshiq tiiwa chang hiqshong Antiok chela niishe hali jangho nongto. Kra chela maq tsangshiq ka Shiikeawe kaphap wokhong na likuq raüta, Shiikeawe jaqsham wa miitu tiiwato. Krai mren, tsangshiq raq jaqsham ka tiinyi li shamto.

Acts 15:40

Kiimaq Paul riika, Silas kra shea wan raütiishe, traho wa wanhiq na wawanto. Phunainotiim raq tsangshiq kongnai wiita ka Tati kaphap wokhong na kiinong kuq raüta, Shiikeawe jaqsham wa miitu tiiwa nongto.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 20:32

“Riita, ija, ümchaü sanha, ngi raq namshiq ka Shiikeawe khoqram kii maq ta thü tiikang. Kiimaq apaiq kaphap tsütsa wura mong na tiiham thü tiikang. Shiikeawe khoqram kii nai apaiq kaphap tsütsa raq namshiq ka jaqkhaq shat maq mitiichhan chhi kuq wan. Shiikeawe raq achu shiiman ümchuwa asetiim miitu rüm tlaq kriimin namshiq ma mikuq.

Acts 4:36

Riita, ija, ara chongtiikai akhiisii hali, Lewi saüse phan wa maiq weshi, Saipras mung na sitiwe asi riito. Apaiq mang ka Joseph. Kiimwebi raq apaiq ka Barnabas nguta mangto. (Barnabas ngutlaq ka “Tsaiji doketi” nguta ngo).

Romans 12:8

Kiimaq nanok ma tsaiji doke wan kongphiq kuqtaq jiika, nashiq raq nanok ma, tsaido jido jaqsham kra shamke wan chang. Kiimaq, jurwa jaqchii jichii maq nanok khrum kuq wan tlaq, kriiti riimin, nanok khrumke wan jaqsham kra sham wan chang. Juwa maiqla ma jaraüta, se ano ka shun shea wan tlaq, kriiti raq pinthum jaqsham shiichaq wan chang. Kiimaq, jurwa nanok atsi asiti, alit akotti, wikaü tikiiti, kiimaq thümwaq mantibi ma khrum kuq wan tlaq, kriiti riimin chojong chise maq shamke wan chang.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

2 Corinthians 1:17

Riita, ngi raq akha akhum ashiim miitu kaisia walam sürii wankang arka, namshiq maklii na, maiqkam sea chang riimak ikha sha jakang ta? Kiimaq kona tiiwiiqki, kona tiiwiiqki ikha sha chhi lan ta? Riita, ngi raq jamlai phan jaqsham wa sürii wan tiikang kriika, lapphaq lusiq sükha tsii maq aklo wan ha ngutiisha tiima rai tlan? Nüko miika “ahea na, ahea na” nguta tre. Shatmaq nüko miika “naq naq” nguta nübok anai maq sha bomrai tiikang?

2 Corinthians 6:1

Naishiq ka Shiikeawe rai adam maq apaiq jaqsham tiikai krai mren, naishiq raq namshiq ka noho ikha trantsii wan tiikai. Namshiq raq Shiikeawe kaphap mangchan lap wan lan kra, atu na naq tiiwiihii rongkiq.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 30:20

Tatiwe üm Shiikeawe ka lungwiilaq. Laüta apaiq wokhong na silaq. Kiimaq apaiq bom ka tsapkapkap maq tailaq. Kra riihaüla, ümnaq nai ümsaü ümsetiim ka apaiq raq ümtitiim Abraham, Isak, kiimaq Jakob ma mikuqha nguta kiq kham kuqtaq mung kiijaq rilung alu maq mishong nga wan haü.”

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

2 Timothy 3:10

Shamtaq, ümchaü sanha, ümniiriika ngi raq nanok ma, kamasham lamphan shrinkuq kang thun kra sap laü she. Ngi raq kiimwe ashi rilung ka jamkho siwan kang, i rilung wa, i rong i rai ka chhi laü she. I rilung miitung arangchong ka, Shiikeawe miituli she sitiikang. Kiimaq ngi raq, i kamtsantsii rilung ka jamkho siwan kang, kriika ümniiraq chhi laü she. I rilung na ngi raq, ümtinkhan chamchao litkot wa nin wan kang kiimin nanok raq, ümniima chongkuqto she. Ngi raq phunaino Phungmaiqse ka tsan atsi maq lungwii kang. Kiimaq haikaiq haike wiita nin wan kang.

JOSHUA 22:5

Mosheq raq namshiq ma aming tri raütu kuqtaq kra tsapkapkap maq lang ronglaq: Tatiwe nam Shiikeawe ka lungwii ronglaq, apaiq raq thimitlaq kra sham ronglaq, apaiq aming thun kra lang ronglaq, apaiq wokhong na phaqchii nichii maq sironglaq, kiimaq tsan nai mongjii wiita kuq lanta apaiq ka shiili lii ronglaq.”

JOSHUA 23:8

Namshiq ka ümchaü niitaq saüli Tatiwe wokhong na tsapkapkap sitlan, kra phan phan Tatiwe wokhong na phaqchii nichii maq siwan ruq ronglaq.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

3 John 1:4

I setiim raq Tsütsa Ahea kra jaqkhon tiipha tiipha raüta lang tlo nguta tai lalata dea, ngi ara ümtinkhan wa achong lot mang khoqriiq tiikang. Ngi ma arthaq na chochi chang ahin ka ahü she.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.