Biblia Todo Logo
La Biblia Online
- Anuncios -




JOSHUA 24:15 - Hawa Naga Bible 2001

15 Nuimshiq rueq vpiq muex nawk palx tvkoc raungc raq muit ngoz ruiux yuq, Mesopotamia maq nuimshiq jix vwaz tamx rueq nawk palx wvnc tueq tishox htenc, rvmuq ngoz ruiux majuiuc nuimshiq httax vtuinx Amori phvnx rueq nawk palx yaq tishox htenc wawc, mruex jix lac nawk palx shuinx kuex majuiuc raungnuiyq dvyx thvl wvnc shuinz. Ngaz nuiyc ngvy yuimx wuinz htenc rueq kuex Yehowa muex dvyx nawk palx shix,” ngoz tueq jungx tueq.

Ver Capítulo Copiar

ASII LAKDAP Bible (BSI)

15 Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”

Ver Capítulo Copiar




JOSHUA 24:15
22 Referencias Cruzadas  

Piq kuex vsaz hez nuiyc vsuiuz vsaz htenc rueq ngvy kvjaz kuex tay phvnx vtueq vlvmx nuiyc tvrac vlvmz yauk shuimc shuimx shuex lvmz nuex piq rueq nvrc lvp tvkoc ngaz rueq piq kuex thvl wvnc tauk. Ekvkhoc tsuingshiq rueq tay phvnx ruiux yuq, ngvy bomkhvmc rulc rv-ngvlc piq rawc nuex phvnx ruip saz kuex ngaz rueq shuimx kuq shaungx,” ngoz tueq kvmungx tueq.


Kvkhoc rvtueq Yaku rueq vyuimx wuinz htenc nuiyc piq rulc httaz naungc jix htenc muex ngoc, “Nuimshiq nuex httax yaq vganc tishox htenc kuex tuip gay wuez shuinz; miqmac shauk gvnz kuex kvsawc nawc wuez ruiux, khvy vsawc kuex kvlayc wuez kuinz.


Eliya kuex miq htenc httax yaq kvyuq duiz woz vtueq, “Nuimshiq kuex mtanc khvnc nuex httuiuc laz lac yvmx muinz htvp htaz muit maq dvyx haz httax tuinx? Yehowa kuex Tishox muik shauk rvtueq ngoz ruiux, vpiq muex nawk palx wuez shuinz; yuq muinz Bala kuex Tishox rvtueq ngoz ruiux piq muex nawk palx wuez shuinz!” ngoz tueq jungx tueq. Yuq muinz miq htenc rueq bomc poshiz muinz tvralc wuez muq.


Kanaan kuex Jebusi, Amori, Girgashi,


Ngaz kuex mvrax kop muq laz juing phvnx shaungx. Mnoz kuex mkaq jix lac ngaz kox nuex kaz ruiux? Ngaz kuex ngvy yuimx nuex thuinz vsawc tsuingruik ruik maq httax taungx,


Mnoz rueq tsuingrux lvmx jungx vshuiux htenc kuex phvnc tvkoc ngaz kvtuemc vtaungx bomkhvmc rulc rv-ngvlc ngaz rueq shuimc tvhungx shaungx.


Miq vpaung kox rueq vyaq yauk shuimc, rvmuq ngoz ruiux tvrac vlvmz kuex tvbac tvkoc vyaq hakhix khvmc ruiux yuq, tsuinghez yix nuex nauk phvnx kaz.


Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.


Nuimshiq rueq kvruex mungx wawc miqsaz rulc kungjix bomkhvmc nauk rvtvy kaz, yvmx khoc lac ngoz ruiux lec tsuingshiq rueq tsuingshiq tishox htenc muex nawk palx vtueq shomc nawk kuq shuex nuex nuimshiq kuex gvl ruiux, tsuingshiq tishox htenc muex vshomc kuq phuiuz vsvy maq laulawc rvhumc tuinx rvtueq.


Johvlc Yehowa rueq, “Israel miqsaz lotlaz lex, majuiuc nuimshiq kuex vlenc vlauk httax kuinz! Kvkhoc tvhttoarc vtueq nuimshiq yac yuimx muex nawk shuinz! Yuq muinz majuiuc vmaq phaungc vtueq ngvy kvjaz kuex phvnc rax, yac yuimx htenc muex yauk noalc shomc kuq vtueq ngvy vsawc muingc kuex shummarc mvy muq, ngoz tueq nuimshiq muex honc tvsvmz vphaungx.


Yuq muinz mkhoc shoc maq vpiq rueq palc muq ngoz ruiux muinz, Taungjix hokhvmx waz mtishox kuex nuiyhez rueq nawk palx shix rvmuq, mnoz rueq vtv-ngaungc kuimshawx yac muex muinz tuk nguk bumx miq,” ngoz tueq tvralc tueq.


Lungpoz vlvmz gay baung kvyuq lung vganc httungx htawc ruiux inkvde vnyalx maq tsac yek rax.


Miq phvnx ruip rawx rueq miqmac tishox muex nawk palx vtueq phvnx wuez yaq, yuq muinz naungshiq kuex Yehowa naungshiq Tishox muex pattup nawk palx vtueq phvnx shix.


Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.


Nuimshiq hep nuex httaz jix miq washiz shiz rueq, rvmuq ngoz ruiux lvmx luz nuex httaz jix miq rueq tsuingshiq tishox htenc kuex nawk palx tvkoc tvshonx ronx kv-phuinx.


Vganc miqphvnx tishox htenc kuex nawk palx tvkoc ngoz tueq, majuiuc raungnuiyq vyuq jvp wuez vtuinx miqwaz, yalxjuik, vtaungx nuiyc vphvnx htenc wawc uraq muinz Yehowa naungshiq Tishox kox wawc vsuing kvroz wvnc tuinx rvmuq. Kvkhoc ruez ruiux yuq vkhuip vyangx vhttax jungx muex tvyaungc yaq vruingx ikhoc muex yaungx tuex.


Miq htenc rueq, “Nuiyshiq rueq vganc tishox htenc kuex nawk palx tvkoc Yehowa kuex mkaq muinz tuip gay shix rvmuq!


Ngaz kuex Yehowa nuimshiq Tishox rvtauk, majuiuc nuimshiq httax vtuinx mungx wawc Amori miqsaz tishox htenc kuex nuimshiq rueq nawk palx lvp shuinx rvmuq. Yuq muinz nuimshiq rueq ngvy kvjaz tay muit ngoz tueq ngaz rueq jungx vphaungx.”


Síguenos en:

Anuncios


Anuncios


¡Síguenos en WhatsApp! Síguenos