JOSHUA 24:14 - Hawa Naga Bible 2001

¹⁴ Yoshua rueq, “Majuiuc nuimshiq rueq Yehowa muex tvtsanc nganc vtueq, kenrix rix maq nuiyc tvmtuing maq vpiq kuex nawk palx wuez shuinz. Mesopotamia nuiyc Ejip mungx maq nuimshiq jix vwaz tamx rueq nawk palx wvnc tueq tishox htenc kuex tuip gay ruiux, Yehowa muex dvyx nawk palx wuez shuinz.

ASII LAKDAP Bible (BSI)

¹⁴ Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

JOSHUA 24:14 Referencias Cruzadas

RAPHA HIQWA LAK 17:1

Abram kuex rullungx wawc 99 nuex Yehowa kuex piq muex kvkhic vtueq, “Ngaz kuex Tvphaungc Tvsuip Tishox rvtauk. Ngvy kvjaz kuex phvnx vtueq vlvmx yauk shuimc kuex mkaq muinz shuimx shuiuz.

RAPHA HIQWA LAK 35:2

Kvkhoc rvtueq Yaku rueq vyuimx wuinz htenc nuiyc piq rulc httaz naungc jix htenc muex ngoc, “Nuimshiq nuex httax yaq vganc tishox htenc kuex tuip gay wuez shuinz; miqmac shauk gvnz kuex kvsawc nawc wuez ruiux, khvy vsawc kuex kvlayc wuez kuinz.

2 HOKHVMX 20:3

“Yehowa lex, ngaz kuex mnoz muex tvmtuing httax vtueq tsuingrux maq shuimx kuq ruiux, mnoz rueq ngaz muex tvshuimc roc vshuiux yauk shuimc mkaq muinz shuimx vshaungx yauk shuimc htenc kuex rvwvl shuiuz.” Ngoz tueq piq kuex khuip khaq laz juing gushuex guz khoar tueq.

EJRA 9:11

Nuiyshiq rueq mnvrc waz hez shvmmax bix maq raz tueq kuq toq vnvrc bomc htenc kuex tvlvlc gay tiq. Nuiyshiq rueq nyuip lvp dvnc vshix mungtan kuex vshuy vshac nuiyc kvyuq httaz jix miqsaz htenc kuex tvsuip baungshiz maq samx kox nuex tvmvrc laz miqsuirc vsac yauk shuimc htenc ningkhvnc nuex vmvlc vtsawc lvmz tsuingshiq rueq nuiyshiq muex ngoz kuq yaq.

YOBA 1:1

Uza mungx nuex vmuingc Yoba ngoz yaq waz httax yaq, piq kuex Tishox muex nawk palx jix nuiyc vpiq muex tvmtuing httax yaq waz rvtueq. Piq kuex miq hvlx washiz ningkhvnc nuex honc lvmz hvt maq layx bac yauk shuimc yvmx muinz shuimx muq waz rvtueq.

YOBA 28:28

Tishox rueq miq htenc muex ngoc, “Nuimshiq kuex taksux tharc httaz tvkoc Taungjix muex hiyaz tvtsanc nganc rax. Nuimshiq rueq tuiuz tay wvnc tvkoc layx vbac wawc kvroz wvnc yek tuinx rvtueq,” ngoz tueq jungx tueq.

Tvtsvmc 111:10

Yehowa muex tvtsanc nganc kuex tharc httaz wvnc juing lvmx rvtueq; vpiq rueq nvrc bomc htenc tay phvnx jix lotlaz muex rvkhauk laz khac phoc kuy lvmx kuq yaq. Vpiq rueq pattup tvtsvmc kvmc lvmz lvp wvnc tueq.

Tvtsvmc 119:1

Yehowa tvrac rulc rv-ngvlc, mvrax kop muq maq rullungx tvraungx httaz jix htenc kuex thuinhvlx yaq.

Tvtsvmc 119:80

Ngaz rueq mnoz rueq nvrc bomc tvrac htenc kuex rvkhauk laz phvnc wvnc ningkhvnc nuex, sumrumx vtueq yvlc svy rvhumc mauk mrvkueq.

Tvtsvmc 130:4

Yuq muinz mnoz rueq nuiyshiq muex mvrax dawc kuq gay phux, kvkhoc rvtueq nuiyshiq rueq mnoz muex tvtsanc nganc vphix.

Tvtsvmc 81:10

Ngaz kuex Yehowa nuimshiq Tishox rvtauk, Ejip mungx wawc nuimshiq shvlc tvdungc wvnc jix waz rvtauk. Nuimshiq nuix kuex tvkac wuez shuinz, ngaz rueq nuimshiq muex tv-phauk saq phaungx.

EJEKIEL 20:18

Kvkhoc ruec tvraung, tsuingshiq yalxrox bix muex, nuimshiq jix vwaz tamx rueq phvnx tueq tvrac htenc kuex nauk phvnx kaz; tsuingshiq rueq phvnx tueq htungx vlayx htenc kuex nauk phvnx kaz, tsuingshiq yac yuimx htenc nuex nuimshiq shauk pumz kuex nauk tvshuy shac kaz.

EJEKIEL 23:3

Tsuingnueyc yalxtux jauz, Ejip mungx nuex httax tueq jauz tsuingnueyc puix kuex nyet shuimx vtueq yalxtux shvmx bac wvnc ruiux mephex nyuiuz muex yaungx wvnc wuez tueq.

Hosea 3:5

Yuq muinz Israel miqsaz htenc kuex Yehowa tsuingshiq Tishox kox nuex nuiyc tsuingshiq hokhvmx Dawid suiuz vsaz kox nuex yek waungc vkhing httuiuc wvnc tuex. Kvruex yimaq tsuingshiq kuex Yehowa muex hiyaz tvtsanc nganc wvnc vtueq, vpiq kox wawc vhvlx yauk noalc htenc lvp wvnc wuez shuex.

LEWI 17:7

Israel miqsaz htenc rueq yaruix nuex tsuingshiq nyvmx saz htenc kuex thvt vtueq khelkhix htaungc htenc muex shomc nawk wvnc tueq kvkhoc maq Yehowa nuex tvmtuing vguez yaungx tuinx rvmuq. Vruex tvrac kuex Israel miqsaz htenc rueq pattup phvnc tvy juing rvtueq.

Mikha 6:8

Rvmuq, Yehowa rueq naungshiq kuex vhvlx yauk shuimc tvkoc jungx shec phuex. Naungshiq kox wawc vpiq rueq thoz yaq kuex vruex rvtueq: tvrac vlvmz shuimc lvmx, lungwawc thuinz tvkhic lvmx, thuinz tvyomz vtueq naungshiq Tishox rulc lux rvyaungc vtueq httaz juing rvtueq.

Luke 8:15

Ghaq hvlx nuex vdvy vlix kuex bomjungc tay wvnc vtueq, vhvlx nuiyc vtay vphvnc wvnc lvmz thuinz vmungx nuex kop wvnc vtueq vthuey thuey tuex nuex httuiuc laz nanx lot jix hez kv-ngoc rvtueq.

Acts 9:31

Kvkhoc rvtueq kvruex baunglaung Yuda mungx, Galile mungx, Samaria mungx baung ruip saz nuex phungc miqsaz kuex nomic maq httax wuez tueq, phungc kuex Taungjix muex hiyaz tvtsanc nganc thuinz maq rullungx tvraungx httax vtueq, Vsawc Siyac rueq romc kuy ningkhvnc nuex phaungx ngaungx wvnc ruiux phungc miqsaz htenc paung wvnc tueq.

2 Corinthians 1:12

Nuiyshiq thuinz vmungx nuex sawc ric maq kvsomc parc juing lvmx vshiz kuex, vruex mungkawx nuex naungshiq thuiuzthuic tvraungx vtix lvmx, jvnc vtueq nuimshiq rulc rvbomc nyamc vtix lvmx kuex miqsaz taksux tharc nuex rvwak miq maq, Tishox kejux luimc vkawc maq naungshiq kuex Tishox rueq vkuq vtsuing vrux thuinz maq yauk shuimc lvmx rvtueq.

Ephesians 6:24

Mkaq muinz bac kaz maq kaz lot muq lungwawc thuinz maq naungshiq Taungjix Yesu Christu kuex lungwawc jix miqsaz lotlaz htauk nuex Tishox kejux mhttax wvnc kueq.

TRI CHONGKE 10:12

“Majuiuc, Israel miqsaz lex, Yehowa nuimshiq Tishox rueq nuimshiq kox wawc yvmx lac thoz yaq nguinx tay shuinz: Yehowa muex nawk palx vtueq vpiq rueq nvr yaq lotlaz kuex shuimx shuinz. Vpiq muex lungwawx shuinz, nuimshiq thuinz vmungx lotlaz maq vpiq muex shuimc kaz kuq vtueq,

TRI CHONGKE 18:13

Nuimshiq kuex Yehowa muex rvkhauk laz tvmtuing maq httaz kuinz.”

TRI CHONGKE 6:13

Yehowa nuimshiq Tishox muex tvtsanc nganc wuez shuinz, vpiq muex dvyx nawk palx wuez shuinz, vpiq muingc kuex ruingc vtueq bomkhvmc taq wuez shuinz.

Philippians 1:10

kvkaq jix nuimshiq kuex Christu httuiuc kaz yek tuex Raungnuiyq nuex sawc muq vshuy vshac lvmx phvnx ruip saz wawc dung wvnc vtueq mvrax kop muq jix htenc yaungx tuinx.

JOSHUA 24:2

Yoshua rueq miq lotlaz muex ngoc, “Yehowa Israel Tishox rueq vkhoc jungx yaq: ‘Mvnnuex wawc nuimshiq jix vwaz tamx kuex Euphrat ruilx kvkox ral nuex httax vtueq, vganc tishox htenc kuex nawk palx wuez tueq. Kvruex jix vwaz tamx wawc Abraham nuiyc Nahor tsuingnueyc waz Tera washiz lomx tueq.

JOSHUA 24:23

Piq rueq, “Kvkhoc ngoz ruiux lec nuimshiq nuex httax yaq vganc tishox htenc kuex tuip gay ruiux, Yehowa Israel Tishox muex tvmtuing httaz lvmz khvmc kuq shuinz,” ngoz tueq jungx tueq.

1 SAMUEL 12:14

Nuimshiq rueq muinz nuimshiq hokhvmx rueq muinz vpiq yix nuex phvnx vtueq, Yehowa nuimshiq Tishox muex tvtsanc nganc ruiux, vpiq muex shuimx kuq, vpiq kvjaz tay kuq, vpiq rueq nvr yaq kuex phvnx wuez shuinz.

1 SAMUEL 12:24

Yehowa kvjaz kuex tay phvnx vtueq, nuimshiq thuinz vmungx lotlaz maq hiyaz tvtsanc nganc ruiux thuinz vmungx lotlaz maq shuimx kaz shuinz. Nuimshiq tvkoc vpiq rueq shuimx wvnc tueq yauk shuimc yunghvlc htenc kuex rvwvl tvmaung wuez shuinz.

1 SAMUEL 7:3

Samuel rueq Israel miqsaz muex jungx tueq kuex, “Nuimshiq thuinz vmungx lotlaz maq Yehowa kox nuex yek waung ruiux yuq, pungnuk tishox lotlaz nuiyc Astarte nyuiuz yac yuimx htenc kuex tuip gay wuez shuinx. Nuimshiq miqmac shauk pumz kuex Yehowa muex tvshuk lekuq ruiux vpiq muex dvyx nawk palx kuq ruiux yuq, Philistin miqsaz yauk wawc vpiq rueq nuimshiq kuex palc wvnc kv-phuinx,” ngoz tueq jungx tueq.