JOSHUA 24:14 - ASII LAKDAP Bible (BSI)

¹⁴ Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

Hawa Naga Bible 2001

¹⁴ Yoshua rueq, “Majuiuc nuimshiq rueq Yehowa muex tvtsanc nganc vtueq, kenrix rix maq nuiyc tvmtuing maq vpiq kuex nawk palx wuez shuinz. Mesopotamia nuiyc Ejip mungx maq nuimshiq jix vwaz tamx rueq nawk palx wvnc tueq tishox htenc kuex tuip gay ruiux, Yehowa muex dvyx nawk palx wuez shuinz.

JOSHUA 24:14 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

RAPHA HIQWA LAK 35:2

Kiimaq Jakob raq ajamtitiim ma kiimaq apaiq rai siti tarü ma akha nguto, “Namshiq jaq na pong mungti sumla phra thun sitlaq kra wiita baiq ronglaq. Lanta namkhum ka wiita phumram kham maq bat lanta tiisii ronglaq. Lanta khu akhea ka asii sam ronglaq.

2 HOKHVMX 20:3

“Tatiwe lei, ngi ka ümwokhong na silata ümniika ka tsapkapkap maq shiikum wan kang kra tsan na tiitsang laq. Kiimaq ümniiraq ngi ma jamlai jaqsham wa thaü tlaü kra ümniiraq athithi niili sham wan kang.” Kiimaq apaiq ka atsan tiitsi raüta aho gushgu she hoqhoto.

EJRA 9:11

Kra aming thun ka ümniiraq ümjaqshisetiim shammibi lümaq akuq wan haü. Kriithun ka wiita she hali jin wan kai. Shammibi raq naishiq ma naishiq raq lap wan chang mung anye kriika ashe ashi riili ama miraq nguta chongkuq wanto. Kra mung ka jamkhano ashe riili ama miraq ngukla, kiijaq siti nokti maiqse thun ka, ashe ashi, ajiq ngarai tang wantinok siisaq nguta chongkuq wanto. Tsangshiq raq kra mung ka shedong maq riita shenyap na saüli, Shiikeawe raq saisi tlaq ngarai jaqsham maq wiita tiinyam baiqto nguta chongto.

YOBA 1:1

Man na Uj mung na siti maiq weshi asi riito. Apaiq mang ka Job. Apaiq ka Shiikeawe shomnoqti kiimaq Shiikeawe wokhong na tsapkapkap sito. Apaiq ka maiqshaq pinthum kiimaq abi klomak phan hon kamshat maq sito.

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

Tvtsvmc 111:10

Taksu ma jawan lam ka Tati shrengkli; apaiq aming thun langtibi ma apaiq raq riikhaqli tri sham phaqchi kuqtlo. Apaiq ka pattup pat-sa tiitsam chang.

Tvtsvmc 119:1

Peohea juwa ashut aphit ahü maq singatlaq, juwa Tati thungtri wokhong na sitlaq.

Tvtsvmc 119:80

Ngi raq ümnaq aming raütu ka minhap maq lang lata siwan miitu kiimaq rekhat tangmang jeangaü chang wa tiiwong kuqlaq.

Tvtsvmc 130:4

Shatmaq ümniiraq naishiq mra diikuqlaü, kra ningkhan naishiq ka ümmakki na pinthum khakii wala chaptiikai.

Tvtsvmc 81:10

Ngi ahata namshiq Tati Shiikeawe, namshiq ka Ejip mung wa sheawanti. Namnübok ka ajong maq tiiki ronglaq, raüla ngi raq namshiq ka wok phetak midungha.

EJEKIEL 20:18

Kra rii na, Ngi raq tsangshiq phong na nosere kong kiima honlam tsii akha chongkuq kang: Namtitiim raq akha thü thungtri raütu ka naqlang rongkiq. Tsangshiq raq lang wantaq thung alai ka naq lang rongkiq. Kiimaq namshiq khum ka tsangshiq raq noqtaq sumla phra thun maq naq tiishe shi rongkiq.

EJEKIEL 23:3

Tsangnai ka jetuji na, Ejip mung na sito. Raüta tsangnai raq junsang rilung ka tiimobaiqto. Kiimaq tsangnai ka mephe ma jakito.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

LEWI 17:7

Israilnok raq man na tsangshiq raq nyamse thun ka chhechhi tsak kaü ma wak ram hiqsii thung na honglu takuq tlaq kiikha take wan ka maimak dongdii she. Israilnok raq ara thungtri ka pattup lang wan ratlo.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

Acts 9:31

Riita, ara chong tiikai arai mren, Judia wang na, Gelili hong na, kiimaq Samaria wang na siti phungtuti thun ka, ahai asong jam min ahü miishe, hansang miishe shongngato. Kiimaq Asii Wenyi jaqkhong maq, tsangshiq raq ningkun lap wanto, kiimaq Tatiwe ka kai shreng raütiishe shongnga wanto. Krai mren, phung na shang wanti maiq ka pawan ruq li she pawanto.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

Ephesians 6:24

Jurwa nashiq Tati Jesuq Khristo ka tsaimak phan lungwii maq lungwiitlaq, kriiti tarü ma Shiikeawe kaphap misilaq.

TRI CHONGKE 10:12

Mosheq raq Israilnok ma nguto, “Ümchaü min, Israilnok lei, Tatiwe namshiq Shiikeawe raq namshiq jamkha shong nga chang ngutiiwa chongtlaq kra tai ronglaq: Tatiwe ka shomnoq ronglaq. Kiimaq apaiq raq aming kuqtlaq thun ka tlotli lang ronglaq. Apaiq ka lungwii ronglaq. Lanta apaiq kli nam tsan nam mong wiita kuq lanta shiili ronglaq.

TRI CHONGKE 18:13

Ümniika Tatiwe rai tiipumtlii silaq.”

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

Philippians 1:10

Kiikha sihan jiila, namshiq ma jamlai wa ahea pinthum, kra tsea wan lanta milang han. Kra riihan jiitiq, Khristo Ranaiq na, namshiq khum na ashe ashi jam min ahü miraq. Namdü na jamlai shutphit min ahü, siirairai hea miraq.

JOSHUA 24:2

Raüta Joshua raq mungmaiqse wiitarü ma, akha nguto. “Tatiwe Israilnok Shiikeawe raq akha ngutlo: ‘Man na rathup raphaji na, namtitiim ka Euphretis Rai reko nü wiiq na shongto. Kiimaq laihin shiikea thun noq raüta sito. Namtitiim phong wa weshi mang ka Tera. Apaiq ka Abraham nai Nahor ma awe.

JOSHUA 24:23

“Ikhla, namshiq phong na pongmungti phra thun rümtlan kra wiita miimbaiq rong laq. Lanta namshiq ka Israilnok Tati Shiikeawe puk na nyap ronglaq,” nguta apaiq raq tsangshiq ka shiitepto.

1 SAMUEL 12:14

Namshiq raq, namshiq Tatiwe, namshiq Shiikeawe ka shreng lanta, shiili hanjiila, apaiq bom taihan jiila, kiimaq apaiq aming thun kra lang han la, kiimaq namshiq nai nam hokhamwe raq apaiq wokhong na shongnga han jiila, namshiq ka ahea hansang maq misihan.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”