Tvtsvmc 101:2 - ASII LAKDAP Bible (BSI)

² Ijaqsham athuk atsom jamshut ahü, Ümtinchowa ümnaq iphana mikihaü? Ngi ijamkun na tsantsii siirairai misiha,

Hawa Naga Bible 2001

² Ngaz kuex mvrax kop muq laz juing phvnx shaungx. Mnoz kuex mkaq jix lac ngaz kox nuex kaz ruiux? Ngaz kuex ngvy yuimx nuex thuinz vsawc tsuingruik ruik maq httax taungx,

Tvtsvmc 101:2 Referencias Cruzadas

RAPHA HIQWA LAK 18:19

Ngi raq apaiq ka tsea wan kang she. Kriika apaiq raq asetiim nai asaütiim ka apaiq wokhong maq, Ngi raq akuqha aming thun kra lang laü raüta kiimaq riikhaqli nai tingting jaq sham raüta siwan miitu tsea wan kang. Tsangshiq raq kra klo raüla, Ngi raq apaiq ma kiq kham kuq kang kra kunli miklo kuqha.”

2 SAMUEL 8:15

Dawit raq Israil mung tlotli ka pengto. Kiimaq apaiq raq asengi mungmaiqse wiitarü ka mren mra chhaq kiimaq tingting tri raüshi maq shin raüta peng wan miitu shiithuk wanto.

1 HOKHVMX 11:4

Krai mren ümtiikiiwa apaiq ka tikiishe jawantaq, tsangshiq raq apaiq ka pongmungti phra thun kriishe tiishomnoq wanto. Apaiq ka awe Dawit raq jamkho tsapkapkap maq Tatiwe apaiq Shiikeawe shomnoq wantaq kiikha shomnoq mak she riito.

1 HOKHVMX 9:4

Kiimaq ümniiraq ngi ka ümwe Dawit raq shomnoq wantaq raüta shiikum pantaq kiikha tiima tsantsii siirairai maq, kiimaq tsanshi mongshi maq Ngi ka shomnoq wan haüla, kiimaq ümniiraq ngi raq akuqha itri raütu thun ka langwan haüla, laüta Ngi raq ümniima aming akuqha thun kra phan phan jaqsham wan haü jiila,

2 KAÜWA WERAÜ 15:17

Asa raq apaiq mungtan wa thatsang jam thun ka tiisii rai runbaiq makdeali jiimin, arilung pattup apaiq ka Tatiwe wokhong na tsapkapkap maq siwanto.

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

Tvtsvmc 101:6

Ngi raq Shiikeawe wokhong na tsapkapkap siti mitaoha kiimaq tsangshiq ka ihokham jam na mitiisiha. Juwa pinthum athuk atsom rilung shongngatlaq kriiti ka ijaqshisetiim ma miithüha.

Tvtsvmc 119:106

Ngi raq i sinkham bomtsi ka mithüha ümniiraq tingting hon atsii chongkuqlaü kra langwan lata misi wanha.

Tvtsvmc 119:115

Ngi tho wa namshiq tiibintlo ronglaq, namshiq ngarai maiqsekong, ngi ka i Shiikeawe aming thun milangha.

Tvtsvmc 26:11

Ngi raq riiwe kla, jamlai wa tingting kli shamtiikang; ngi ka tiihang kuqlaq laüta tiichhii kuqlaq!

Tvtsvmc 40:17

Ngi ka ningkun ajom kiimaq miitsan, O Tatiwe lei, shatmaq ümniiraq ngi laqbaiq maü. Ümniika ngi chhiiti kiimaq i Shiikeawe— ngi khrumkai tlothit kira!

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

ISAIA 38:3

“Tsan na tiitsanglaq, Tatiwe lei, ngi raq ümniika tsapkapkap maq shiiliwan kang kiimaq ümwokhong na silata jaq sham wan kang ira. Kiimaq ümniiraq athithi niili ngi raq wranaiqshe jaq sham wan kang.” Raüta apaiq ka kai aho gushgu she hoqto.

TRI CHONGKE 6:7

Arthun ara ümsetiim ma shrin kuqlaq. Ümniika jam na sitlaü na arthun ara bliiq biishi shrin kuqlaq. Ümniika maiqhiq niishon min, ümniika jam na niitiitsak shon min kiimaq ümniika jaqsham lam miimin shrin kuqlaq.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”

1 SAMUEL 22:14

Kiijiishe, Ahimelekh raq treto, “Ümwokhong na pinthum tsapkapkap maq ümbom taitiwe ka Dawit kli! Apaiq ka ümchaiwe, kiimaq ümkhum kheti phenlabi pengti phentuwe. Kiimaq hokham rung na wiitarü raq pinthum shreng wan tlaqwe.