Mikha 4:5 - ASII LAKDAP Bible (BSI)

⁵ Maiq phan aphantek raq, maiqmiimii phra mang chong raüta miphan wan. Shatmaq nashiq riika, nashiq Tati Shiikeawe mang chong laita, pattup pat-sa misi wan rong i.

Hawa Naga Bible 2001

⁵ Miq phvnx ruip rawx rueq miqmac tishox muex nawk palx vtueq phvnx wuez yaq, yuq muinz naungshiq kuex Yehowa naungshiq Tishox muex pattup nawk palx vtueq phvnx shix.

Mikha 4:5 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

2 HOKHVMX 17:29

Shatmaq kra pongmungti mungmaiqse Samaria wang na shong wantiiti riika tsangshiq maiqmii raq aroro sumla phra thun kra klowan ruq li riito. Raüta kra sumla thun ka Israilnok raq haitaq phra noqchang shomjamsetiim thun kiijaq thüto. Chelatek na maiq pongkong kong sitlaq kriiraq, pong pong phra sumla thun haito.

2 HOKHVMX 17:34

Tsangshiqnok riika ümchaü niitaq saüli tsangshiq thunglai chü kra lang raütli sitlo. Tsangshiq raq Tatiwe ka shomnoq mak. Kiimaq Tatiwe raq Jakob saüsetiim ma kuqtaq, Jakob ka apaiq raq Israil nguta mang wantaq, kra saüsetiim ma kuq wantaq thungtri thun nai aming thun kriimin lang mak.

Tvtsvmc 20:6

Ümchaü ngi raq sapkang she Tatiwe apaiq raq atsea wan hokhamwe ma rekhat tiitang kuqtlo; apaiq raq apaiq ma asii ramungtan maq tretlo kiimaq ningkun maq apaiq ma rekhat thun jonghea tiitangkuqtlo.

Tvtsvmc 48:14

“Ara Shiikeawe ka pattup pat-sa miitu nashiq Shiikeawe; apaiq raq nashiq ka pattup pat-sa mishunshea wan.”

Tvtsvmc 71:16

Ngi raq ümningkun ka mitiitsamha, Ajong Pinthum Tatiwe lei; ngi raq ümnaq thuktsom kra chiiriim lata michongha, ümnaq lamlamli michongha.

ISAIA 2:5

Riita ümchaü sanha, Jakob saüsetiim lei, Tati raq nashiq ma rawüli tli kuq tlaq kra phan phan shongnga laita sirong i!

ISAIA 26:13

Tati, naishiq Shiikeawe lei, naishiq ka maiq raq pengto, Shatmaq naishiq Tatiwe ka ümniili.

ISAIA 26:8

Naishiq ka ümniiraq athithi kriili phantiikai, laita naishiq rantsii ka ümniima thütiikai, naishiq miika ümniikli ratlo.

JEREMIA 32:40

Ngi raq tsangshiq rai pattup pat-sa miitu tong mishongha. Ngi raq tsangshiq ma jaqsham ahea kloke wan ka laq thaq mang phan she mirha. Kiimaq tsangshiq raq Ngi ma haisong tsantsii thü wan ka tsangshiq tsan nai mongjii wiita kuq raütiishe mithü wan. Krai mren tsangshiq ka iwokhong wa ümtiikiimin dongho mak she miraq.

JEKERIA 10:12

Ngi raq isenginok ka, ajong alanok miishe mitiija wan ha. Tsangshiq raq ngi mishomnoq wan. Raüta tsangshiq raq ngi aming lang raütiishe mishong nga wan.” Arka Tatiwe raq toqtantlo.

Acts 14:16

Richü pat na Shiikeawe raq mangjong maiqse ka tsangshiq tsantsii na jamlai phan shomnoq raüwa ahea nguta tiima tlaq, kra phan phan, phanrap phanrii tiishom noq wanto.

TRI CHONGKE 27:10

Kra ningkhan, apaiq aming wokhong na sironglaq. Kiimaq ümchaü ranaiq ngi raq namshiq ma kuqtiikang thungtri raütu thun kra wiita lang ronglaq.”

Colossians 2:6

Namshiq raq Khristo Jesuq ka namshiq Tatiwe dea ngutiishe apaiq puk na nyap wan lan kata. Krai mren, apaiq rai tiipum lanta sirong laq.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”