Mikha 4:4 - ASII LAKDAP Bible (BSI)

⁴ Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

Hawa Naga Bible 2001

⁴ Miq tek vtueq miqmac svpiq sunc htenc nuiyc phuiuq muiuq jungx htenc hvlwvl nuex nomic maq httax wuez tuex, uraq muinz tsuingshiq kuex tvhiz sungx shuex rvmuq. Tvphaungc Tvsuip Yehowa rueq vruex bomkhvmc taq tueq.

Mikha 4:4 Referencias Cruzadas

1 HOKHVMX 4:25

Apaiq ka atra sishat wiiwii Juda mungti nai Israil mungti mungmaiqse ka khusang rakhang maq sito. Maiqta khan aweatek jaq na maiqmiimii spiqro bagan kiimaq phupmup tsiro bagan asi chhaq siisaq riito.

1 HOKHVMX 5:5

Tatiwe raq iwe Dawit ma akha akiq kham kuqto, ‘Ümse, üm pumsong ma Ngi raq hokham ma mishong wanha, apaiq riitiq Ngi ma Shomjam ashi mihaikuq.’ Krai mren ümchaü ngi raq Tatiwe i Shiikeawe shomnoq chang shomjam kriishe mihaiha nguta bom ka shatkang she.

YOBA 11:19

Ümniika ümjaqtibi ma haisong maü she misi haü; maiq pahea raq ümjaq wa khrum mijaü.

Tvtsvmc 72:3

Kiimaq mungtan ka arong awin maq misilaq; kiimaq mungmaiqse raq kechu rilung sum miteilaq.

TAKSU LAK 3:25

Tiidongchhaq maq rathaiq saüwa tlaq ikha, ashut maiqse jamkun na, tsaimiq khusiq saü watlaq kra miitu, ümnaq chapa chang ahü.

ISAIA 1:20

Shatmaq ümniiraq ikiq khiiruq la khiihaüla, ümniima atsai lam kli she misi. Arka Ngi Tati raq ngutiikang.”

ISAIA 17:2

Siria mung wa chela thun ka pattup miitu maiq raq amiim she mirbaiqthü. Kra jamkhü thun ka skukong nai jam nyamsekong haisea chang nyiimlung rü miishe mijaki. Kra nyamsekong ka jobaiqti ka jumin ahüshe miraq.

ISAIA 22:25

Kra akhing she saüwa raüla, kra nyeakii phataqtaq ashong ka asi she mirki. Raüta hiq na midea wa. Krai mren kra khaiq na abat hupsam thun ka wiita she mithumki.” Arka Tati raq ngutlo.

ISAIA 26:16

Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

ISAIA 32:17

Maiqse angu tarü raq tri na riikhaqli kli jaq misham. Krai mren mung na hansang kiimaq mungtsing mungngang miraq.

ISAIA 36:16

Hejekia bom ka naqtai rongkiq! Asiria hokham ajongwe raq namshiq ka chela mong wa dongho lantea apaiq puk na nyap ronglaq nguta aming kuqtlo. Apaiq raq namshiq tarü ma maiqmiimii spiqro kiiwa pansea miitu kiimaq maiqmiimii phupmuptsiro kiiwa pansea miitu aming mikuq. Kiimaq namshiq raq maiqmii khappong kiiwa kham nyang miitu aming mikuq.

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

ISAIA 54:14

Tingting tri kappe shamtlaü kriiraq kiimaq tri khaqkhaq shamtlaü kriiraq ümniika achet alet ma mitiija wan. Ümniika mungtsing miishe misihaü kiimaq notshotshot tiiphiipjiip mak she miraq.

ISAIA 58:14

Ngi shiikumpan raüta chochi laptlaq kra milap han. Ngi raq namshiq ka mangjong tlotli raq shreng wanli chang miitu khushü mitiijong kuqha. Kiimaq namshiq ka namti Jakob ma akuqha mungtan kiijaq shong nga wan lantea mipolosiq wan han. Arka Ngi Tatiwe raq ngutiikang.”

JEREMIA 23:4

Ngi raq tsangshiq rümti mungtubi she mishong wan ha. Isenginok ka ahai asong ahü she miraq. Riimakla tsangshiq ka kiinyii mak she miraq. Kiimaq Ngi raq tsangshiq ka thongshi sintsang maq tsat kinong mang she mirha. Arka Ngi, Tatiwe raq toqtan tiikang.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

EJEKIEL 34:25

Ngi raq tsangshiq rai tong she mishongha. Kra tongshong ramram wokhong maq tsangshiq ka khusang she misi wan. Ngi raq mung wa rum na ngamthaiq kong sitlaq thun ka wiita ajo she mirbaiqha. Krai mren, i skusekong ka rum na nyiimlung rü na nyiip jaqphaq chamtraq haihü songhü miishe bum raüta mihaisiq.

EJEKIEL 34:28

Thatsang maiqse mung thun raq tsangshiq ka khat raüta tsiiq nai nyam ka sepat lopi ma hophaq wan mak she miraq. Kiimaq rum ngamthaiq kong riimin tsangshiq ka kaq phaq walot mak she miraq. Tsangshiq ka hansang rakhang miishe misi wan. Tsangshiq tiiphiip jiipti maiq ka ahüshe miraq.

EJEKIEL 38:11

Ümniiraq maiq mung ashi khusang rakhang maq ahai asong jam min ahü maq, sangkaq kaq hea ahea wiq siti, tsangshiq chela thun ka kiitelong maq trotam maq tuk hü mung khatkai miitu re mishun haü.

EJEKIEL 39:26

Ümtiikiiwa tsangshiq ka tsangmung na thongshi ri hali khu asang maq shong wantlaq, tsangshiq tiihaisongti ka jumin ahü she miraq, kiijiishetiq, tsangshiq raq Ngi tiishaübaiq wan kha na ümtinkhan chamchao wa riihum wantaq raüta jea ngaü wantaq thun kra wiita she milaq baiq wan.

LEWI 26:6

“Ngi raq namshiq ka nam mung na mung atsing maq mitiisi kang. Kiimaq namshiq ka haihü songhü maq aheawiq mikon nga han. Ngi raq rum ngam ngamthaiq thun kra namhiq shong wa ajo mirbaiqha. Kiimaq nam mung na chiqdong redong ka ahü she miraq.

Mikha 5:3

Arningkhan ümchaü sanha, Tatiwe raq asenginok ka, chiqse rewe jaq mong niishe milikuqbaiq. Arka chongkai jechak nyung raq, nowüchhi akhing misaüshaq wiiwii. Kiijiishetiq aphu ano munglu asiwati kiimin, tsangmung niishe adam misi wan.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 3:10

Kra ranaiq she saü raüla, namshiq ashi maq riita ashi raq, maiqmii jamthaq jamkiqti ka mihea han. Lanta chojong chise maq, kiimaq hansang maq, nam jamkea tro na, spiqro nai phupmupro mong niishe mishong wan han,” nguta Tatiwe raq ngutlo.