Mikha 4:4 - Hawa Naga Bible 2001

⁴ Miq tek vtueq miqmac svpiq sunc htenc nuiyc phuiuq muiuq jungx htenc hvlwvl nuex nomic maq httax wuez tuex, uraq muinz tsuingshiq kuex tvhiz sungx shuex rvmuq. Tvphaungc Tvsuip Yehowa rueq vruex bomkhvmc taq tueq.

ASII LAKDAP Bible (BSI)

⁴ Maiqse angu tarü mungtsing maq misi, maiqmiimii spiqro na kiimaq maiqmiimii phupmup ro na misi. Kiimaq apaiq ka jurmin tiihaisong mak she miraq. Arka Ningkun Ajong Pinthum Tatiwe kiqkham kuqto.

Mikha 4:4 Referencias Cruzadas

1 HOKHVMX 4:25

Piq rullungx tvraungx wawwawx Yuda mungx nuiyc Israel mungx wawc mungx miqsaz htenc vhvlx kvkhup wungx httaz ningkhvnc nuex miqmac taungx tuik svpiq sunc nuiyc phuiuq muiuq roz htenc raz tueq kuiyqshuik httax wuez tueq.

1 HOKHVMX 5:5

Yehowa rueq iwaz Dawid muex, ‘M-yix nuex hokhvmx tvyaungc shaungx waz msaz rueq ngvy tvkoc shomc yuimx vshiz kuex guirx shuex,’ ngoz tueq bomkhvmc kuq tueq. Kvkhoc rvtueq Yehowa ngvy Tishox muex nawk palx kuy juing shomc yuimx guirc tvkoc majuiuc ngaz rueq htvp htaz gay tauk shex.

YOBA 11:19

Mralx hez muex mnoz hiyaz tuiux rvmuq; miq htenc rueq muinz mnoz kox wawc romc kuy tvkoc thoz kv-phux.

Tvtsvmc 72:3

Ghaq vraungx rueq rungwanx lvmx kuex vkoz vkez maq mlvp wvnc shueq; tsuingrux lvmx nuex mphvnx wuez shueq.

TAKSU LAK 3:25

Layx bac jix miqsaz htenc htauk nuex raunghtiq ikhoc vhuingc rvhek laz maq httuiuc kaz tueq jamjaux htenc kuex mnoz rvwvlc rax muq.

ISAIA 1:20

Yuq muinz nuimshiq rueq ngaz muex tvlvlc ruiux yuq, nuimshiq vthueyc rvhumc tuinx. Ngaz, Yehowa rueq jungx vshaungx,” ngoz tueq jungx tueq.

ISAIA 17:2

Siria mungx wawc ghaqyungx htenc kuex pattup kuiyqshuik kuiyq khvmx yaungx wvnc tuex. Kvruex yuq khelbuenx nuiyc suiux vngac guilc juing yaungx vtueq, uraq muinz tsuingshiq kuex yurc gay shuex rvmuq.

ISAIA 22:25

Kvkhoc yaungx wvnc tuex nuex, phaungx duing vshungc shec zunx kuex kvjvt dung vtueq dvy kaz tuex. Kvruex htauk nuex vbvt taq phvnx ruip saz vtvsuip muinz rvtueq,” ngoz tueq jungx tueq. Yehowa rueq jungx tueq.

ISAIA 26:16

Yehowa lex, mnoz rueq mmiqsaz htenc muex murx tvgurc vshuiux, tsuingshiq kuex pinhtumc kuilc daz vtueq mnoz kox wawc vjux thoz wuez tueq.

ISAIA 32:17

Miq ruip rawx rueq vlvmz yauk shuimc jvnc shuimx shuex ningkhvnc nuex, kvruex mungx kvyuq nomic nuiyc kvguing kvwungx juing lvmz pattup httax wvnc tuex.

ISAIA 36:16

Hezekia kvjaz nauk tay kaz! Asiria honoc waz rueq kvruex ghaqyungx kvmaq dung kaz vtueq koz vlaq tvdvy tvkoc nuimshiq muex nvr yaq. Nuimshiq lotlaz rueq miqmac svpiq ruiuz wawc svpiq thuey htenc, miqmac phuiuq muiuq jungx wawc vthuey htenc kuex puinz saq, miqmac yuix tumz wawc yuix kuex khuz nuingx vkhangx lvp shuinx.

ISAIA 40:5

Kvruex yimaq Yehowa ngauz vngax kuex dung wvnc vtueq, miq lotlaz rueq kvruex khiz shuex. Vkhoc yaungc tvkoc Yehowa vpiq pumz maq bomkhvmc kuq tueq,” ngoz tueq guyc ramc jungx tueq.

ISAIA 54:14

Mnoz kuex tsuingrux tvrac nuex phaungx ngaungx tuiux. Mnoz kuex vguirc vguenc nuiyc kvkhuirc kawc yawc rvhumc muq.

ISAIA 58:14

ngaz muex shuimc lvmc kuy aungx yaq wawc dung yaq kokez juing kuex khiz wvnc shuinx. Ngaz rueq mnoz kuex mungkawx lotlaz nuex tvtsanc nganc tvrvhumc phaungx, mnoz muinz nuimjix Yaku muex vkuq mungtan nuex vkoz vkez maq httax tuiux. Ngaz, Yehowa rueq vjungx kvjaz rvtueq,” ngoz tueq.

JEREMIA 23:4

Ngaz rueq tsuingshiq kuex tvwungx lawc tvkoc guimz lawc jix hez kuex taq shaungx. Ngvy miqsaz htenc kuex hiyaz vtueq kawc yawc wuez tuex rvmuq, ngaz rueq muinz tsuingshiq muex murx tvgurc yek shaungx rvmuq. Ngaz, Yehowa rueq jungx vshaungx.”

JEREMIA 30:10

“Ngvy miqsaz lex, nauk hiz kaz; Israel miqsaz lex, nauk kv-khuirc hiz kaz. Ngaz rueq nuimshiq kuex lvmx luz mungx nuex thuq wvnc rvhumc tuit mungtan kvwawc palc wvnc phaungx. Nuimshiq kuex yuimx nuex yek waung vtueq nomic httax wuez tuinx; nuimshiq kvwungx httax vtueq uraq muinz nuimshiq kuex tvhiz sungx kv-phuinx rvmuq.

EJEKIEL 34:25

Ngaz rueq tsuingshiq kvwungx juing lvmz kuq lot shaungx bomkhvrc kuex tsuingshiq rulc tvhungx shaungx. Mungtan mungx wawc kvhiz juing ngvmx saz htenc kvmuinz tvyenc tvsawc gay shaungx, kvkaq ngvy khelbuenx htenc kuex tvnx nuex kvwungx httax vtueq luingx vlak khung nuex muinz yuip tuex.

EJEKIEL 34:28

Miq phvnx htenc rueq tsuingshiq kuex mkaq muinz yauk laungc yalawx rvshuex rvmuq, svl vwvl ngvmx saz rueq muinz tsuingshiq kuex kauk phauk shuex rvmuq. Tsuingshiq kuex vhvlx waq kvwungx httax vtueq washiz raung rueq muinz tvhiz sungx shuex rvmuq.

EJEKIEL 38:11

Kvtuk kvwungx juing yvmx muinz vguez nuiyc ghaqyungx palx ruk ruk muq yuq muinz nomic miq htenc kvwungx httax yaq mungtan kuex nyuip vtueq khvt tvkoc mnoz rueq dvnc vshuiux.

EJEKIEL 39:26

Tsuingshiq muex tvhiz sungx jix ukhaq muinz vguez maq, tsuingshiq mungtan nuex kvwungx juing laukshiz hulawx httax lvp tuex nuex, ngaz muex khawc lvlc ningkhvnc nuex tsuingshiq mtanc lac yvlc svy rvhumc yaq nguinx kuex tsuingshiq rueq lauk gay shuex.

LEWI 26:6

“Ngaz rueq nuimshiq ghaq vraungx nuex nomic tvyaungc kuq ruiux, ukhaq muex muinz hisungx rax muq maq thuinz luimx lilix hvlc kvtsoalx wuez tuinx. Ngaz rueq kvruex ghaq vraungx wawc svl vwvl phvnx ngvmx saz htenc kuex yurc gay ruiux, kvruex yuq ralx rvlungc ngoz tueq vguez shex.

Mikha 5:3

Kvkhoc rvtueq wuic khic thuiuz yaq nyuiuz kuex nox jawc jauz nuex httuiuc laz Yehowa rueq vpiq miqsaz kuex tsuingshiq ralx hez yauk nuex lekuq gay shuex. Kvruex yimaq vthuq vruez laq miqsaz htenc kuex miqmac phuz vnox bix rulc vdvmz nuex rvromc wvnc yek tuex.

JEPHANIA 3:13

Kvjungx yaq Israel miqsaz htenc kuex mruex jix htauk nuex muinz vyaq yauk shuimc shuimx shuex rvmuq, vrot vkaq kvjaz jungx shuex rvmuq, vlauc vlawc phuiuz svy tvkoc hungc maq jungx shuex rvmuq. Tsuingshiq kuex ukhaq muex muinz hisungx rax muq, kvkhup wungx httax vtueq rungwanx wvnc wuez tuex,” ngoz tueq jungx tueq.

JEKERIA 3:10

Kvruex raungnuiyq httuiuc wvnc tuex nuex, nuimshiq vshiz maq vshiz kuex nuimshiq svpiq sunc htenc nuiyc phuiuq muiuq jungx htenc tvroz nuex kemz ruiux, vkoz vkez nomic maq kvwungx httaz lot tvkoc miqmac yuimx phic wuinz htenc kuex gvl wuez shuinx,” ngoz tueq jungx tueq.