Mikha 4:3 - ASII LAKDAP Bible (BSI)

³ Apaiq raq maiq mung pahea liipan wa, kha tri mitoqtan, maiqphan jonghea kiimaq luhea na siti liipan na, kha mipho, tsangshiq raq nepja thun ka, ni the chang thai miishe mitiiq, kiimaq tsangshiq piqkhu thun ka, nyiimdong ton chang jasai miishe mitiiq. Maiq mung thun liipan na re dongmak she miraq, chiqja reja tiije makshe miraq.

Hawa Naga Bible 2001

³ Vpiq kuex miqphvnx htenc hvlwvl nuex muinz, vnyek vluz wawc luimc vkawc yunghvlc miqphvnx htenc hvlwvl nuex rvkhawc lvlc yaq htenc kuex htvp htaz kuq shuex. Tsuingshiq rueq tsuingshiq yaung htenc kuex nax htvyc muex tsuingshiq paq htenc kuex yanx hex saz muex jek gay shuex. Miqphvnx htenc kuex ralx lungc nuex mkaq muinz kaz yek muq shex, ralx rvlungc tvkoc mkaq muinz tvyoalc yek muq shex.

Mikha 4:3 Referencias Cruzadas

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

Tvtsvmc 72:3

Kiimaq mungtan ka arong awin maq misilaq; kiimaq mungmaiqse raq kechu rilung sum miteilaq.

Tvtsvmc 72:7

Apaiq pat na kechu jaqsham kai mijonglulaq, kiimaq jipi kaü ka lishat wiiwii mung ka arong awin misilaq.

Tvtsvmc 82:8

Kira, O Shiikeawe lei, laüta mangjong hiq ka penglaq; maiq mung thun ka ümniirii siisaq.

Tvtsvmc 96:13

ümtiikiiwa Tatiwe ka mungkang hiq pengkai saühotlaq akhing na. Apaiq raq mangjong hiq maiq phan thun ka tingting tri maq kiimaq riikhaqli tri maq shin raüta mipeng wan.

Tvtsvmc 98:9

jamto ngukla apaiq ka mangjonghiq pengkai kitlo. Apaiq raq mangjong maiqse ka tingting tri lang raüta riikhaqli maq kha mipho.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

ISAIA 25:3

Ningkun jonghea rümti maiq mung thun raq ümmaq mitiitsam; maiq mung thun bihea phan chela thun na sitinok riimin, ümniimiika phiiptsi rakrak mihaisong.

ISAIA 51:5

Ngi ka jaqloli mikiha lata tsangshiq mitiichhiiha; ngi raq rekhat tangwan akhing ka ajelishe. Ngi raq ipumsii maq maiq mungtan thun ka mipeng wanha. Rathoko na siti maiq mung thun raq ngi saüho khetlo; tsangshiq ka ngi saüho lata tsangshiq mitiichhiikuq nguta ranphankhiq khetlo

ISAIA 60:12

Shatmaq maiq mung thun jurwa ümnaq shiikumpan mak, Krii thun ka miqchup mishthenbaiq.

ISAIA 65:25

Shekong nai skuse aransetiim ka adam na hai raüta sangphii miphaq. Hangsikong riimin minsaü kong raq phaqtlaq ikha tsamkü shin miphaq. Kiimaq paüsang nyiqla kong miimin ahai chang ka ahü she miraq. Jajon chela na, ngi asii hiqlam na, kiijaq maiqse ma ahai song chang phan ka ahü she miraq. Kiimaq abi ati phan ka ahü she miraq.”

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Hosea 2:18

Kra akhing na ümmiitu, Ngi raq rumnyamsekong nai ra na biti wushi rai, kiimaq hiqraikhü na khumti jongsaü jüse wiita rai, wehea riijawan miitu tong she mishong wan ha. Lata isenginok sichang mung wa, chiqdong redong, ko aliq, ja apiq thun ka wiitashe milam baiq wan ha. Lata Ngi raq ümniika hansang miishe mitiikon kang. Kiimaq ahai asong ahü miishe mitiishong nga wan kang.

Hosea 2:20

Ngi raq ümniima kiqkham kuq kang kra tingting mithü wanha. Lata ümniika ichak dea nguta tsapkapkap mirüm wan ha. Kiimaq kra akhing na ümnii riimin, Ngi ka üm Tatiwe dea nguta milang wan haü.

Yoel 3:2

Kra akhing na ngi raq mangjong hiq na siti maiqmung thun wiita, khapho chang hiqthung tan na mitriitam ha. Kra khapho chang tan kiimaq, tsangshiq raq isengi israilnok, tiichamchao wantaq kra kha mipho ha. Tsangshiq raq isengi israilnok ka, mungrap mungrii na tiipin jobaiq wanto. Raüta tsangshiq raq ihiq ira Israil mung ka, tsangshiq liipan wiita chumtap riiphea wanto.

Mikha 5:15

Kiimaq ibom taiwan makti pong phan thun ka, itsankhiq kehea kiimaq, iphuk milam ha,” nguta Tatiwe raq ngutlo.

JEKERIA 14:3

Kiijiishe Tatiwe kriishe miki. Raüta man na pat na khat wantaq kiikha kra maiqmung ahinti ümchu riiwa Jerusalem kra khattaq, kriiti thun kriishe mikhat wan nong.

JEKERIA 8:20

Tati Ningkun Ajong Pinthumwe raq ngutlo, “Akhing misaü wan, pongmung chelati pahea Jerusalem na miwa.

JEKERIA 9:10

Tatiwe raq ngutlo, “Ngi raq Israil mung wa rekhat kumrang leng thun, wiita milambaiq ha, kiimaq leng thun ka Jerusalem wa, alam mirbaiq. Kiimaq rekhat chang liq thun kiimin, wiitashe mishthen baiq. Raüta apaiq raq mangjong tlotli na, mungthun ka atsing angang miishe mipeng wan. Apaiq raq lungwii tlaq maiqmung thun ka, sammoktra wiiqshi maq riita, wiiqshi na saüli she mipeng wan. Kiimaq Euphretis rai maq phawan raüta, ra raq aham mangjong tlotli mipeng wan.”

Acts 17:31

Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.

1 SAMUEL 2:10

Tatiwe jaqtibi thun ka mitiithen baiq; apaiq raq ramungtan maq tsangshiq khuthaq na ra mitiimok. Tatiwe raq mangjong tlotli kha mipho; apaiq raq ahokhamwe ma ningkun mikuq, apaiq raq atsea wan hokhamwe ma rekhat mitiitang kuq wan.”