DUNGWVNC 23:2 - ASII LAKDAP Bible (BSI)

² Maiq apako raq ajiq klo raüla, tsangshiq rai naq pong damkiq. Riimakla ümtiikiiwa tsangshiq raq saqse kuq raüta ashut tri maq photlaq kiijaq naq pong damkiq.

Hawa Naga Bible 2001

² Miq vpaung kox rueq vyaq yauk shuimc, rvmuq ngoz ruiux tvrac vlvmz kuex tvbac tvkoc vyaq hakhix khvmc ruiux yuq, tsuinghez yix nuex nauk phvnx kaz.

DUNGWVNC 23:2 Referencias Cruzadas

RAPHA HIQWA LAK 19:4

Wanwenai ka chang na mikon shaq na, Sodom chelati maiqwere kong raq jam ka komwanto. Chelati maiqwere thun wiita, nosere thun kiimaq nyungwere thun raq komwanto.

RAPHA HIQWA LAK 6:12

Shiikeawe raq mangjong hiq ka liito. Kiimaq mangjong hiq ka abi chhito. Jamkhano ngukla maiqse kunli ka abi kiimungti siisaq.

RAPHA HIQWA LAK 7:1

Tatiwe raq Nowaq ma nguto, “Ümjamtitiim tarü nong nong maq lai na düwakiq. Ngi raq mangjong tlot li na ümniili riikhaqli kloti mitting maiqse humkang.

1 HOKHVMX 19:10

Kiijiishe apaiq raq treto, “Tatiwe Ajong Pinthum Shiikeawe lei, ngi raq irilung wiilü ümniili shiililii wan kang, ümniili dongdii shomnoq wan kang. Shatmaq Israilnok raq ümniirai tongshong bomtsi athü wan ka wiita she jinbaiq wanto. Raüta ümnaq shomnoq chang berong-wacha thun wiita runbaiqto. Raüta ümshammibi thun min wiitashe tsatbaiqto. Ngi lamlam se li she tiichong tiikang. Kiimaq tsangshiq raq ngi tseabaiq tantlo!”

YOBA 31:34

Maiq raq jamlai wa mingu nguta tiima lata ngi ka ümtiikiimin haisong wan mang; ngi ka ümtiikiimin kaiqshak nga mang riimakla tap mong niili tiitak nga mang tsangshiq raq ngi mishummii nguta tiihai lata.

Tvtsvmc 72:2

kra riihaütiq apaiq raq ümsenginok ka tingting kappe sham raüta mipeng wan kiimaq jehin norekong maiq raq nanshantlaq kra riikhaqli tri maq mipeng.

TAKSU LAK 1:15

Ise lei, tsangshiq jai naq phan kiq, ümniika pong na trai shat hailaq.

TAKSU LAK 18:5

Ajiqwe ka alam ma tiija, alamwe ka ajiq ma tiija, kriika ashut khapho daja.

TAKSU LAK 4:14

Abi ati maiqse kitlaq kiina naqkikiq, Abi ati maiqse raq jamlai wa shamtlaq, kra ümniiraq naq shamkiq.

JEREMIA 37:15

Krai mren, tsangshiq ka ngi ma kai khiqto. Raüta ngi ka atiitea riito. Kiimaq rung cherewe Jonathan jam khok na tiishaqbaiqto. Apaiq jam ka phaqtek rung ma atiijabaiq wishe riito.

JEREMIA 37:21

Krai mren she, Hokhamwe Jedekia raq ngi ka hokhamwe jam rinkea rungkhok niilishe shaq ronglaq nguta aming kuqto. Ngi ka kiijaq she sikang. Kiimaq ranaiqtek winsii lumchang jam wa ngi ma winsii ka thopshi shi lamkuq wan li li riito. Kriika chela mong wa winsii ka wiita thumli mithum shaq wiiwii kuq wa ruq riito.

JEREMIA 38:9

“Chaü lei, arwetiim raq jamlai wa klotaq kriika ashut. Tsangshiq raq Jeremia ka khappong mong na tiisat baiqto. Kiijaq apaiq ka amang ram raq haü raüta mitsai. Jamkhano ngukla chela na aphaq sea chang ka ahü.”

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

LEWI 19:15

“Namshiq raq ümtiikiiwa khü akha phokuq tlan, tingting kiimaq teng teng maq pho ronglaq. Miitsan maiqse rai lop dam min maimak kiimaq chiithe maiqse miimin haisong raamak.

HAGAI 1:4

“Isenginok lei, i Shomjam jam ka wiita atrunkai wishe riiraü, namshiq maiqmii singa chang jam awak kriika thepthep jamhea siisaq hai wan lanta sitlan nya?” nguta tiichongto.

Mark 15:15

Kra chhi raütiishe, Pilat raq mungmaiqse tsan ka tiiheake ma nguta, Barabas ka tsangshiq miishe tiidong kuqto. Raüta, Jesuq ka phenlanok ma chunpo-nyam chongwai miishe, bunlak buncha tiitsatto. Raütiishetiq, pumsongkham na tübaiq kai miitu aming kuqto.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 25:9

Shatmaq Phestas raq Jehudinok tsan ka tiibi romak. Kiimaq apaiq raq tsangshiq ka apaiq lopti ma thü wan ruq roli riito. Kriikha maq, apaiq raq Paul ma waito, “Riita ümniika Jerusalem na walaüta arthun kha nyan tlaq ara i rung na riipho wa miwa haü sha?”

Romans 1:32

Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.

TRI CHONGKE 1:17

kha pho kuq tlan na, jurai jiimin lopdam maimak. Maiq loweatek ma kha ka tri kappe ashi miili shin ratlo. Khahoti nai ashokti ka juwe riiklo. Ju miimin naqhai rongkiq. Jamkhano ngukla namshiq raq kha tankuq tlan kriika Shiikeawe raq kuqtlo. Kiimaq kha tsinhea namshiq raq phokuq lot man chang she raüla, kriika ana ngi phana lam wan lili ronglaq. Kriika ngi raq mipho kuqha.’

TRI CHONGKE 16:19

Tsangshiq raq kha ka ashut phoke maimak. Kiimaq tsangshiq kha pho kuq tlaq kra jurai min lop kai dam maimak. Kiimaq tsangshiq raq tsiiqlap jaü sea raamak. Jamkhano ngukla tsiiqlap riika taksu maiqse nai tingting maiqse mak kriimin atiichuk riibaiqtlo. Raüta tsangshiq riimin kha ka ashut she mipho kuq.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”

1 SAMUEL 15:24

“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.

1 SAMUEL 15:9

Shatmaq Saul nai asengi raq Agag ka tsatbaiq mak dea maq atrali thüto. Kiimahali ahea pinthum skukong kiimaq minsaü kong kiimaq minsaü setiim ahea pinthum thun kiimaq ahea pinthum skusetiim thun kiimaq jamlai phan wa ahea awa angu thun kriika tsatbaiq mak dea riito; tsangshiq riika ümchuwa athii arii ahü phan thun kriika wiita tiithen baiqto.