DUNGWVNC 23:1 - ASII LAKDAP Bible (BSI)

¹ “Arot shapshaü naq tiipakiq. Kiimaq ajiqwe miitu arot saqse kuq laüta naq khrumkiq.

Hawa Naga Bible 2001

¹ “Nuimshiq rueq vyaq thuix thaungx kuex nauk jungx wuez kaz, mvrax vyaq waz rulc kvnvp vtueq hakhix nauk khvmc kaz.

DUNGWVNC 23:1 Referencias Cruzadas

RAPHA HIQWA LAK 39:17

Kiijiishe tsang-nyung raq tsangwe ma ajaqshisetiim ma jamkho chongtaq kiikha chongto: “Kra Hibrunok phan dise ümniiraq arjaq na jam na shea wan laü kra itap mong na wato. Raüta ngi ka shummiito.

2 SAMUEL 16:3

“Ümtijongwe Saul ma asaü Mephibosheth ka ümbano?” nguta hokhamwe raq waito. “Apaiq ka Jerusalem na sitlo,” nguta Jiba raq treto. “Jamkhano ngukla apaiq ka Israilnok raq ati Saul mungtan ka ümchaü apaiq miishe mijang kuq wan,” nguta kamto maq khetlo.

2 SAMUEL 19:27

Chaü lei, apaiq raq ngi ka ümniima atrot she riihoto. Shatmaq ümniika rase ikha. Kra ningkhan ümtsan na jamlai wa athuk nguta tiima tlaü kra phan phan thapthi liina.

Tvtsvmc 101:5

Ngi raq juwa maiqshaphaqti jurwa maiq ma abi bomtlaqti ka ajo mirbaiqha; Ngi raq juwa ra na akhü tiinga raü angiim boqshat kriiti ka akhiismin nin mang mirha.

Tvtsvmc 120:3

Namshiq arot akiqbi lei, Shiikeawe raq namshiq ka jamkhiishe wa miraq? Apaiq raq namshiq ma ümkhiishe wa mo tiihojiiq riila?

Tvtsvmc 15:3

kiimaq jurwa maiq chongsiq mak, apaiq raq akongtibi ma ashut klomak, riimakla ajam thoti mangchong raüta shapshaü pan mak.

Tvtsvmc 27:12

Ngi ijaqtinok jaqkhon na naq tiishaübaiqkiq, tsangshiq raq arot akiq kha nyan raüta ngi ka longliiqtlo.

Tvtsvmc 35:11

Abi kiimungti raq ngi ngeng ma saqse kuqtlo kiimaq ngi raq asap min sap mang kha thun nyantlo.

DUNGWVNC 20:16

“Maiq ma arot kha naq nyankiq.

DUNGWVNC 23:7

Khahü na maiq ma kha naq nyankiq. Kiimaq maiqsangti ka tiishut laüta phaqsi na naq tiikikiq. Jamkhano ngukla jurwa akha ajiq photlaq raüta ashut klotlaq, kriiti ka Ngi raq mitiishut baiqha.

TAKSU LAK 10:18

Phoq-ngeng maiqse riika arot michong, Jurwa shapshaü pantlaq kriika maiqjiq.

TAKSU LAK 12:17

Jurwa riikhaqli chong tlaq, kriiti ka tingting saqse. Shatmaq arot saqse raq khapho tiijiqtlo.

TAKSU LAK 14:5

Maiqkam seachang saqse riika, riikhaqli saqse mikuq; shatmaq maiqkam seachang riimakti riika, arot saqse mikuq.

TAKSU LAK 17:4

Abi ati maiqse riika abi bomchong taitlo, Arot akiqti riika arot bomchong taitlo.

TAKSU LAK 19:28

Maiq tiidea baiq miitu hakhiwe raq, samsam maq rung na, arot hakhi she kuqho raüla, kha ka riikhaqli pholot mak. Ashut kloti riika, ashut kiimung kli lungwiitlo.

TAKSU LAK 19:5

Rung na chapti arot saqse, singtsang miho arot saqse.

TAKSU LAK 19:9

Rung na chapti arot saqse, maiqmoho raq araikhü mitsi.

TAKSU LAK 21:28

Rung na arot saqse kuqtlaq kriika langmak. Shatmaq tiitho tiipha chongti bom ka milang.

TAKSU LAK 24:28

Ami ahü na, maiq ma khü akha naq nyankiq. Rung na arot saqse naqkuqkiq.

TAKSU LAK 25:18

Kha ahü na kha nyanke ka, klata maq abuk ikha; nepja maq ase ikha; liq maq ahiip ikha; maiq ma tsihea.

TAKSU LAK 25:23

Shekhu nü maq rahai wan raüla, ra ka mijun ngushat. Maiqtatimii shon maiqchongsiq raüla, tatso midong ngushat.

TAKSU LAK 6:19

Rung na arot saqse keti, kiimaq maiqjam kun na tatso tiidongti.

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

LEWI 19:11

“Ahuk naq jaq rongkiq. Riimakla maiq naq long rongkiq riimakla arot naq chong rongkiq.

LEWI 19:16

Maiq ju mang niimin arot shap shaü pan raamak. Kiimaq ümtiikiiwa maiq ashi ra ka rung na arilung miitu chaptlaq, ümniiraq apaiq khrumke miitu ahea hakhi kechang bom siraüla, kra linham linhok chonglaq. Laüta apaiq ka tiichhii kuq laq. Ngi ka Tatiwe.

Matthew 19:18

“Jamlai phan aming lang chang wa miraq?” nguta apaiq raq Jesuq ma waito. Kiijiishe Jesuq raq treto, “Maiq naq tsatkiq; maiqchak rai naq srakiq; ahuk naq jakiq; khahü na maiq ma huk naq nyan kiq;

Luke 19:8

Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Luke 3:14

Kiimahali, phenlanok wiijamti riimin apaiq ma waito, “Riita, shra we le, naishiq ha? Naishiq riika jamlai phan jaqsham chang wa miraq?” Kiijiishe Apaiq raq tsangshiq ma chongkuqto, “Namshiq raq ju jaq wiimin, ningkun ningkaq maq, kampho ka naq siq rongkiq. Kiimaq, kha ahü na, maiq ka naq shra rongkiq. Namshiq maiqmii laqkhaq kra phaqsiq lantli si ronglaq.”

John 7:51

“Riita, welabi lei, nashiq Thungtri maq, nashiq raq maiq weshi ka, apaiq ma kongkhu tiichong laita, apaiq shut lam khü akha kra chhi wan hü maq, apaiq ka ajiq we dea nguta, tiishut baiq lot mai.”

Romans 3:8

Ikhiijiika akhli ngu rong i na, “Ai ahea dea. Ngarai khoti apapa tang laita sirong i na. Krai mren, Shiikeawe khushü ka jonghea tiijong ruq li riima,” nguta maiq wiijamti raq chong tlo. Maiq wiijamti raq, ngi raq nangnga akha bom tlo nguta, tsangshiq shut ka i nübok na sukkuq raüta, ngi ka trot kiq tlo! Shiikeawe raq tsangshiq ka akha, aku anong bom tlaq arkha na, kha ma ka jonghea mitiiho kuq wan.

Ephesians 4:25

Ümchaü sanha, arot akiq bom chong ka raa mak she! Phungmaiqse liipan na, loweatek raq tengteng bomtsi kli she chong raa tlo. Ara jamkhano chongtiikang ngukla, ümchaü sanha, nashiq tarü ka, Khristo khum na, pum ashi hanshi she sitiikai.

TRI CHONGKE 5:20

“‘Maiq ju miimin arot kha naq nyankiq.

2 Timothy 3:3

Tsangshiq tsan na maiq ma mangchan tsii ka ahü she miraq. Maiq ka ji maq nishishi tiima tsii li she miraq. Maiq chongsea wa trangli she miraq. Jado piqdo, tatso roli she miraq. Kiimaq ramok rachhai, akhiq ariq wa trangli she miraq. Tsangshiq raq jamlai wa ahea kra angeng miraq.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

Revelation 12:10

Kiijiishe, ngi raq rasetiim raq ramungtan na hong raüta akha chongto taikang, “Ümchaü nashiq Shiikeawe ajong we raq rekhat ka tangto she. Ningkun ajong rümti hokham Shiikea, apaiq Messia raq apaiq ningkun tiichhi kuqto she. Ümchaü sanha mangjong hiq ka ajaq khong mong niishe. Naphu nano Shiikeawe man na ranaiq rawa shaphaqti we, Thawe ka ramungtan wa, mangjong hiq niishe tiidea baiqto.