DUNGWVNC 23:1 - Hawa Naga Bible 2001

¹ “Nuimshiq rueq vyaq thuix thaungx kuex nauk jungx wuez kaz, mvrax vyaq waz rulc kvnvp vtueq hakhix nauk khvmc kaz.

ASII LAKDAP Bible (BSI)

¹ “Arot shapshaü naq tiipakiq. Kiimaq ajiqwe miitu arot saqse kuq laüta naq khrumkiq.

DUNGWVNC 23:1 Referencias Cruzadas

RAPHA HIQWA LAK 39:17

Kvruex yimaq piq rueq kvkhoc hulawx jungx tueq kuex, “Mnoz rueq gvl taq toq Hebre miq dax waz kuex ngvy woalchuing nuex nyuip waung vtueq ngaz kuex yomnamc tvkoc dvnc tueq.

2 SAMUEL 16:3

Hokhvmx waz rueq piq muex ngoc, “Mjix yungx waz Sholu suiuz Mephiboshet kuex m-yuq lac?” ngoz tueq wiz tueq. Ziba rueq, “Vjix Sholu mungtan kuex piq muex Israel miqsaz htenc rueq kuq yek phuex ngoz tueq piq rueq tvluimc ningkhvnc nuex Yerusalem nuex dvyx httax yaq,” ngoz tueq tvralc tueq.

2 SAMUEL 19:27

Piq rueq ngaz kuex Taungjix hokhvmx waz kox nuex kay wvnc shex ikhoc laulawc gay phuex, yuq muinz mnoz kuex Tishox raungkamx waz rulc rv-ngvlc vtuiux ningkhvnc nuex mnoz tvkoc vlvmx ngoz shuiux yauk shuimc kuex shuimx shuiuz.

Tvtsvmc 101:5

Naungnuk waz lvmz vbac shuip shuiux jungc jix waz kuex tvdux gay shaungx; ngamc ngax vtueq thuinz tvyungc jix waz muex ngaz rueq nanx kuq shaungx rvmuq.

Tvtsvmc 120:3

Vrot vkaq jix htenc lex, nuimshiq muex Tishox rueq yvmx lac ruez shvnx? Vpiq rueq nuimshiq muex yvmx murx lac tvgurc kuq shvnx?

Tvtsvmc 15:3

vganc jix miq htenc kuex jungx saq muq. Piq rueq vkungjix muex vyaq yauk shuimc yvmx muinz shuimx muq, yuimx phic yuimx phaungx jix lvmz kuex jungx saq muq.

Tvtsvmc 27:12

Vrot vkaq kvjaz nuiyc tvhiz tvsungx lvmx htenc maq, ngaz muex khvt yaq ngvy ralx htenc yauk nuex ngaz kuex nauk tuip gay kueq.

Tvtsvmc 35:11

Honc bac jix miq htenc rueq ngaz kuex vngvr kox nuex hakhix khvmc vtueq ngaz rueq yvmx muinz tuiuz mauk khuec vkhac kuex nyvnc yaq.

DUNGWVNC 20:16

“Miq vshiz shiz muex tvyaq vtueq, hakhix khvmc mvy muq.

DUNGWVNC 23:7

Vyaq mvrax nauk nyvnc kaz, mvrax vguez miq kuex vthueyc juing nuex nauk phox kuq kaz, yvmx khoc lac ngoz ruiux lec kvkhoc layx vbac yauk shuimc jix ukhaq yuq muinz ngaz rueq phox gay shaungx.

TAKSU LAK 10:18

Miqmac vshuiuc vpac thuinz puingc pvy jix waz kuex vrot vkaq miq rvtueq. Miq jungc svy kvjaz kvjak jix ukhaq yuq muinz miqyaq vngaz rvtueq.

TAKSU LAK 12:17

Vlvmz rvkhauk kuex mnoz rueq jungx shuiux nuex, tvrac vlvmz kuex shuimx toq, yuq muinz vrot vkaq kvjaz rueq tvrac vyaq lvmx nuex shvlx laq yaq.

TAKSU LAK 14:5

Vkvmx juing hakhix waz rueq tsuingrux lvmx kuex mkaq muinz jungx yaq, yuq muinz kvmx mvy muq hakhix waz rueq kuex vrot vkaq kvjaz maq lvy vtueq yvmx muinz jungx muq.

TAKSU LAK 17:4

Honc bac jix miq rueq layx vbac kvmungx lvmx htenc kuex tay vtueq, vrot vkaq jix htenc rueq vrot vkaq kvjaz htenc kuex tay wuez yaq.

TAKSU LAK 19:28

Hakhix khvmc jix waz rueq miq vshiz shiz kuex tvthuiuz muex ngoz tueq htvp htaz ruiux kuex, tvrac vlvmz htvp htaz lvmx yaungx muq. Layx bac jix miq htenc rueq honc vbac sumc kuex lungwawx yaq.

TAKSU LAK 19:5

Tvrac rungx maq mnoz rueq vrot vkaq hakhix kvjaz kvjak ruiux yuq, mnoz muex murx tvgurc rvhumc tuiux; kvruex wawc mnoz dung lvp tuiux rvmuq.

TAKSU LAK 19:9

Ukhaq muinz tvrac rungx nuex vrot hakhix khvmc jix waz kuex murx tvgurc shuex wawc luenx lot muq; piq kuex vphoc rvhumc tuex.

TAKSU LAK 21:28

Vrot vkaq jix hakhix kvjaz muex ukhaq muinz kvmx muq, yuq muinz phvnx ruip saz nuex khauk khauk tvmaung lot yaq waz kvjaz kuex tay phvnx yaq.

TAKSU LAK 24:28

Rvkhauk laz vkhuec vlvmz vguez maq miq muex hakhix nauk khvmc kaz, rvmuq ngoz ruiux piq muex tvmaung vyaq kvjaz nauk kvjak kaz.

TAKSU LAK 25:18

Vyaq mvrax nyvnc lvmx kuex tvthueyc lot yaq yaung, janhtaq nuiyc httez hvlc laqsvnz ikhoc rvtueq.

TAKSU LAK 25:23

Ghaqkhux raungguil rueq raungx tvyunc yaq ikhoc, jungc svy hvlc jix rueq thuinkhvy tvdung yaq.

JEREMIA 20:10

Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

LEWI 19:11

“Nauk guiuq, nauk laulawc, nauk rot kaq kaz.

LEWI 19:16

Miq vshiz shiz muingc bac juing kvjaz kuex nauk jungx kaz, vthueyc mvrax yaq jix muex khac phox kuq shuex kvkaq, piq kuex mnoz rueq palc wvnc lot juing hakhix httax ruiux kuex tvdung jungx shuiuz. Ngaz kuex Yehowa rvtauk.

Matthew 19:18

Kvruex waz rueq, “Yvmx khoc bomkhvrc tvrac lac rvtvnx?” ngoz tueq wiz tueq. Yesu rueq, “Miq nauk thvt kaz, miqjuik rulc nauk yaq kaz, miq hup svmx nauk guiuq kaz, vrot vkaq hakhix nauk khvmc kaz,

Luke 19:8

Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

Luke 3:14

Nolaungx bix rueq muinz, “Nuiyhez kuex yvmx lac rvtiq nguinx? Nuiyhez rueq yvmx khoc shuimc juing lac?” ngoz tueq wiz tueq. Piq rueq, “Ukhaq kox wawc muinz tuinghtuing vtueq kuimphox nauk nyvlc kaz, tvrac muq mvrax nauk nyvnc kaz, nuimshiq rueq lvp vshuinx yauk mauk kvmac thuinz suing wuez kuinz,” ngoz tueq tsuinghez muex jungx kuq tueq.

John 7:51

Piq rueq, “Naungshiq Tvrac rulc rv-ngvlc ngoz ruiux, naungshiq rueq miq washiz kuex piq yvmx mvrax lac yaq gay tvnx lvmx kuex wisoz muinz vguez, mvrax tvgurc kuy rvhumc jix waz kvmac tvjungc tvbomc vkhangx muinz kuq miq maq htvp htaz gay mvy muq,” ngoz tueq jungx tueq.

Romans 3:8

“Vhvlx yaungc wvnc tvkoc vbac kuex naungshiq rueq shuimx wvnc wuez ix,” ngoz tueq jungc juing haz? Kvkhoc ngaz rueq jungx yaq ngoz tueq miq wvyvmc rueq mvrax tvgurc vtueq ngaz muex shummarc wuez yaq. Tsuingshiq kuex vphoc rvhumc aungx yaq rulc rv-ngvlc vsuing rvhumc tuex.

Ephesians 4:25

Kvkhoc rvtueq vrot vkaq kvjaz nauk jungx kaz, vshiz maq vshiz rueq miqmac phunox waz muex tsuingrux kvjaz dvyx jungx shuinz, yvmx khoc lac ngoz ruiux lec naungshiq lotlaz kuex Christu ngoz yaq shauk pumz phuinz vphux htenc rvtiq.

TRI CHONGKE 5:20

“‘Naungnuk waz rulc vyaq hakhix khvmc mvy muq.

2 Timothy 3:3

menjenc kuy tuiuz muq jix, vguirc vguenc jix, miq shummarc jix, yauk laungc yalawx maq nyvlc jix, miq muingjungc tvbac jix, batac hvlc jix htenc rvtueq; kvdvyx rvmuq vhvlx kuex shuiuc pac jix;

1 Peter 3:16

yuq muinz kenrix maq tvtsanc nganc vtueq tvralc shuinz. Nuimshiq muex wvlc guez tvyaungc vtueq ngoc ngac jix htenc rueq, Christu kungjix bix ikhoc maq nuimshiq vhvlx honc vlayx kuex khiz ruiux yuq, tsuingshiq rueq jungx gay tueq lvmz nuex seng vtueq yvlc svy mrvhumc kueq, nuimshiq thuinz vmungx sawc riric maq httax wuez kuinz.

Revelation 12:10

Kvruex yimaq raungmungx wawc tvruingc yunghvlc maq, “Majuiuc Tishox rueq palc daungc wvnc juing lvmx kuex httuiuc wvnc yaq! Majuiuc Tishox kuex luimc vkawc httaz hvlc maq Hokhvmx yaungx yaq! Majuiuc vpiq Mesia rueq vpiq vrangx vpangx kuex tvkhic yaq. Yvmx khoc lac ngoz ruiux lec naungshiq phuz vnox bix kuex raungnuiyq raungwvrx Tishox khaungkac nuex mvrax tvgurc kuy jix htenc kuex raungmungx wawc yurc gay tueq shex.