DUNGWVNC 23:24 - ASII LAKDAP Bible (BSI)

²⁴ Tsangshiqnok phra kong khaki na naq bumkiq. Riimakla kriithun ka naq noqkiq. Kiimaq tsangshiqnok miikam miisham thunglai ka naq lang kiq. Tsangshiq phra kong ka wiita tiithenbaiqlaq. Laüta tsangshiq raq asii longkham thun ashong ka wiita tiibun baiqlaq.

Hawa Naga Bible 2001

²⁴ Tsuingshiq tishox htenc kuex bumx vtueq nauk nawk palx kaz, tsuingshiq htungx vlayx kuex nauk phvnx kaz. Tsuingshiq vsawc lunghtung htenc nuiyc tsuingshiq tishox htenc kuex tvbac tv-ngawk gay shuinz.

DUNGWVNC 23:24 Referencias Cruzadas

2 HOKHVMX 17:11

Kiimaq Tatiwe raq kra mung wa maiq pongnok phan jobaiq wantaq kriiraq langtaq thatsang berong-wacha thun na Israilnok riimin homseng honglu chaq raüta noq wanto. Tsangshiq raq abi ashut jaqsham wan raüta Tatiwe tsankhiq shaü wanto.

2 HOKHVMX 17:8

Kiimaq asenginok raq kra mung jiiwantlaq kra phan phan Tatiwe raq maiqmung thun kra jobaiq wantaq, kriinok thung nai lai thun kra tsangshiq raq lang wanto. Kiimaq Israilnok hokhambi raq kra pongnok phan thung alai thun ka Israilnok riimin lang wan raa nguta mungmaiqse ma shrinkuq wanto.

2 HOKHVMX 18:4

Apaiq raq thatsang maiqse raq sumla phra thun shomnoq chang hiqba thun ka wiita runbaiqto. Longkaü kham thun ka tiibun baiqto. Raüta jechak phra Ashera sumla thun kra tiibun baiqto. Kiimaq apaiq riika Mosheq raq paü sumla miiki ngam maq alo Nehushtan ngutlaq kriimin wiita tiibun baiqto. Kra akhing na saüli Israilnok raq kra sumla ka shreng raüta homseng honglu wa na chaq wanto.

2 HOKHVMX 3:2

Apaiq raq Tatiwe makki na ngarai tangto. Li jiimin awe raq ümtinkhan wa abi klotaq kiimaq anyung Jejebel raq ümtin khan wa abi klotaq kiitinkhan lang lang kla klomak dea. Awe raq Baal phra sumla ahai kra apaiq raq runbaiqto.

2 KAÜWA WERAÜ 14:2

Asa raq riikhaqli kiimaq ahea jaqsham raüta Tatiwe, apaiq Shiikeawe tiicho chito.

2 KAÜWA WERAÜ 25:14

Ümtiikiiwa Amajia ka Edomnok tang raütiishe ahiq na jang wantaq, apaiq raq tsangshiqnok phra sumla thun kiimin apaiq raq howan damto. Raüta kriithun ka shongto. Raüta shomnoqto. Kiimaq kriithun ma homseng honglu chaqkuqto.

2 KAÜWA WERAÜ 33:2

Maiq mung thun raq maiqphai asi ngarai bihea klo wan kha na Tatiwe raq kra mung thun ka asenginok ma mungshi shi maq tiikhat wan wan raüta wiita jobaiq wanto. Manase raq tsangshiq jai phan kriithun ngarai kra hali klo wanto. Raüta Tatiwe makki na ngarai tangto.

2 KAÜWA WERAÜ 33:9

Shatmaq Manase raq Juda mung ma ngarai ka armung wa Tatiwe raq asenginok raq pongmungti thun ka mungshi shi maq khat wan raüta jobaiq wantaq kriinok thun raq tang wantaq ngarai thun thaq niimin tiinanpot bihea she tiitang wanto.

Tvtsvmc 101:3

kiimaq abi kiimung ninmang phan mirha. Ngi raq Shiikeawe wokhong wa dongho jaqsham saisitiikang; ngi ka tsangshiq rai adam hainga mang.

DUNGWVNC 20:3

“Ngi tlea laüta ahin phra shomnoq maimak.

DUNGWVNC 20:5

Jamlai phan sumla khaki na jiimin naq bumkiq. Riimakla kra shomnoq maimak. Jamkhano ngukla Ngi ka Tatiwe üm Shiikeawe. Kiimaq Ngi rai riilongti ka ashi min thümang phan. Ngi ngengti ma mo tiiho tiikang. Kra mo ka asetiim kiimaq asaütiim maiq pat tsam nai patblai na saüli mo mitiihoha.

DUNGWVNC 23:13

“Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

DUNGWVNC 23:32

Tsangshiq rai jamphan niimin naq pong damkiq. Riimakla tsangshiq phra thun rai min naq pong damkiq.

DUNGWVNC 23:33

Tsangshiqnok ka ümmung na naq tiishongkiq. Kra riihaüla, tsangshiq raq ümniika iman na ngarai mitiitang. Kiimaq ümniiraq tsangshiqnok phra thun kra shomnoq haüla, kriika üm miisaq thum chang thiikho ma mijaki.”

DUNGWVNC 32:20

Raüta tsangshiq raq alo saüla pongse sumla kra apaiq raq dopot riito. Raüta wa na tiijo baiqto. Raüta awinsetiim ma tiija baiqto. Raüta kra win ka kham rai shotto. Raüta Israilnok mungmaiqse ma tiinyangto.

EJEKIEL 16:47

Riita, ümniiriimin tsangshiq jaiphan phan tsangshiq jamkho maiqphai asi shonga wantaq kiikhiisii siwan sha rotlaü? Riimak. Ümnap ümji ajejeti dongdii min, ümniiriika tsangshiq nam ma naolaq, tiibitaq nü maq chonglot mai chang ashut klo wan laü ihata.

Hosea 10:2

Tsangshiq tsantsii laopha tsii. Kriikha na chamchao raa dongdii. Tsangshiq phra sumla noqwan chang, berong-wacha thun, Shiikeawe raq wiita mitiibun baiq wan.

LEWI 18:3

Man na namshiq shong wan lan Ejip mungti hainga ka naq phan rongkiq. Riimakla, ümchaü Ngi raq namshiq shea wan tiikang Kanan mungti hainga ka naq phan rongkiq.

LEWI 26:1

Tatiwe raq nguto, “Sumla thun naqhaihun rongkiq. Riimakla sumla phra thun ka naq tiinga rongkiq, kiimaq longkham thun ka naq shong rongkiq, riimakla longkaü thun na sumla soqhai lanta naq noq rongkiq. Ngi ka Tatiwe namshiq Shiikeawe.

WEAWEA 25:2

Ara jechak nyungre raq tsangshiq ka tsangshiqnok raq Mob phra shomnoq poi ma ataa ngam kra phaqsea dam miitu tiiheato. Israilnok raq kra thatsang poi phaqsea kra lomdamto kiimaq Peor hiq wa Baal phra ka shomnoqto.

WEAWEA 33:52

namshiq raq kra mungti maiq thun ka wiita jobaiq ratlo. Tsangshiq long shong thun kiimaq jin maq aklo sumla phra thun kiimaq tsangshiq noqku chang ba thun kra kun kun tiithen baiq ratlo.

TRI CHONGKE 12:3

Tsangshiq berong-wacha thun kra wiita runbaiq ronglaq. Kiimaq tsangshiq raq maiqwe Baal phra ma akiinongkuq long berong kham thun kra wiita bunlak buncha tiibun baiq ronglaq. Tsangshiq raq jechak phra Ashera ma akiinongkuq berong kham thun kra wiita wa maq chaq baiq ronglaq. Kiimaq tsangshiq sumla phra phong kra wiita bunlak buncha chumbaiq ronglaq. Krai mren kriithun sumla ka kra hiq ba thun na ümtiikiimin shomnoq mak she mirlaq.

TRI CHONGKE 7:5

Arningkhan na, tsangshiqnok berong-wacha thun ka wiita runbaiq ronglaq. Kiimaq tsangshiq raq long berong kham thun maiqwe Baal phra ma akiinongkuq thun ka wiita bunlak buncha tiibunbaiq ronglaq. Kiimaq tsangshiq raq jechak phra Ashera ma akiinongkuq berong kham thun kra wiita daqbaiq ronglaq. Kiimaq tsangshiq sumla phra thun kra wiita wa na chaqbaiq ronglaq.