DUNGWVNC 23:25 - ASII LAKDAP Bible (BSI)

²⁵ Kiimaq ümniiraq Ngi, Tatiwe, üm Shiikeawe ka shomnoq haüla, Ngi raq ümniika phaq nai sea chamtraq kiimaq khu akham chamtraq mishman kuqha. Kiimaq ümthatsi thun ka wiita alam mirbaiqha.

Hawa Naga Bible 2001

²⁵ Nuimshiq rueq ngaz muex nawk palx kuq ruiux yuq, Ngaz, Yehowa nuimshiq Tishox rueq nuimshiq muex ruimruimx kuq vtueq, phuiuz vsvy nuiyc yuix kuex phoay laz tv-phauk saq phaungx, vmac vtsac lotlaz lvmz kuq gay phaungx.

DUNGWVNC 23:25 Referencias Cruzadas

Tvtsvmc 103:3

Apaiq raq ingarai thun wiita diibaiqto kiimaq ithatsi thun kunkun tiiheatlo.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

THARC TVLUINGC 5:20

Shiikeawe raq apaiq ma chojong chise maq si miitu arilung kuqtaq, krai mren, apaiq ka rilung atoqse kra tiima raüta chapa raa mak.

ISAIA 33:16

Kra riihan jiila namshiq ka mitiichhii kuq wan. Namshiq ka trotam maq kiitelong maq peruk weshaüje chela mong na siti ikha ahai song chang min ahü miraq. Namshiq ma phaq nai sea kiimaq kham anyang chang chamtraq asi miraq.

ISAIA 33:24

Namung na siti maiqse phong wa jurmin atsi chamchao tiikang nguta shakshaq mak she miraq. Kiimaq ngarai thun ka siirai she midiikuq wan.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

DANIEL 1:15

Kra kiq riikhamtaq akhing thum jai she liikiita, tsangshiq sham ka nanok ahinti hokhamwe raq akuq phaqsea khamnyang phaqseati thaq na, tsangtsam sham ka phintsaqtsaq kiimaq ahong ala siisaq riito.

LEWI 11:44

Ngi ka Tatiwe namshiq Shiikeawe. Krai mren namshiq raq maiqmii khum ka asii thü raa dongdii. Jamkhano ngukla Ngi ka asii.

LEWI 26:3

“Namshiq ka Ngi raq akuqha thungtri thun kra lang lanta shong nga hanla kiimaq Ngi aming thun wokhong na sihan jiila,

MALAKI 3:10

Namshiq aroqkhu honglu ümchuwa sitlaq kra, kunkun Shomjam na kuq ronglaq. Krai mren, kiijaq aphaq asea chang phan ka chamtraq ama miraq. Namshiq raq ngi maitai rong laq, ngi raq ramungtan kilü ka linham linhok lata miraü kuq ha. Phanrap phanrii achu shiiman phongtsoktsok she mikuq ha.

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

TRI CHONGKE 10:12

Mosheq raq Israilnok ma nguto, “Ümchaü min, Israilnok lei, Tatiwe namshiq Shiikeawe raq namshiq jamkha shong nga chang ngutiiwa chongtlaq kra tai ronglaq: Tatiwe ka shomnoq ronglaq. Kiimaq apaiq raq aming kuqtlaq thun ka tlotli lang ronglaq. Apaiq ka lungwii ronglaq. Lanta apaiq kli nam tsan nam mong wiita kuq lanta shiili ronglaq.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 13:4

Tatiwe jai phan laüta silaq. Laüta apaiq ka shrenglaq. Apaiq aming wokhong na silaq. Laüta apaiq aming thun kra langlaq. Apaiq kli shomnoqlaq. Laüta apaiq rai tiipumtlii silaq.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

TRI CHONGKE 7:13

Apaiq raq namshiq ka milungwii kiimaq namshiq ma mishman kuq. Krai mren namshiq ka maiq pahea mipuchi wan han. Kiimaq namsetiim ka pahea miraq. Apaiq raq namshiq wak ram thun kra mishman kuq. Krai mren namshiq raq bunwong, spiqtai, kiimaq olip tsai thun chamtraq rongboq milap han. Kiimaq apaiq raq namshiq nyamse kong ka pahea mitiipu kuq. Kiimaq skukong ka pahea mitiipu kuq wan, Apaiq raq namtitiim ma mikuqha nguta kiqkham kuqtaq kra phan Kanan mung na namshiq ma arthun achu shiiman ara mikuq.

TRI CHONGKE 7:15

Tatiwe raq namshiq ka phanrap atsi asi wiita wa mikhup wongkuq. Kiimaq apaiq raq Ejip mung maq chhitai wan lan thabi tsi thun ka namshiq khuthaq na phanshi ra thabi tsi min tiisaümak miraq. Shatmaq apaiq raq kriithun thabi tsi ka namshiq jaqtinok khuthaq na mitiisaü kuq wan.

JOSHUA 22:5

Mosheq raq namshiq ma aming tri raütu kuqtaq kra tsapkapkap maq lang ronglaq: Tatiwe nam Shiikeawe ka lungwii ronglaq, apaiq raq thimitlaq kra sham ronglaq, apaiq aming thun kra lang ronglaq, apaiq wokhong na phaqchii nichii maq sironglaq, kiimaq tsan nai mongjii wiita kuq lanta apaiq ka shiili lii ronglaq.”

JOSHUA 24:21

Kiijiishe mungmaiqse raq Joshua ma nguto, “Riimak! Naishiq riika Tatiwe kli mishli hai.”

JOSHUA 24:24

Kiijiishe mungmaiqse raq Joshua ma nguto, “Naishiq raq nashiq Tati Shiikeawe kli mishli hai. Naishiq raq apaiq aming thun kra milang hai.”

1 SAMUEL 12:20

Kiijiishe, “Naqhai rongkiq,” nguta Samuel raq treto. “Namshiq raq ara ngarai jonghea li tang lan jiimin, Tatiwe wokhong wiika ahin na naq juho rongkiq. Shatmaq tsan nai mongjii wiita kiinong kuq lanta, apaiq kli shomnoq rong laq.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”