Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang,
DUNGWVNC 6:8 - ASII LAKDAP Bible (BSI) Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’” Hawa Naga Bible 2001 Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq. |
Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang,
Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.
Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.
Kiimaq Tatiwe ka apaiq tho na achap raü chhito. Kiimaq apaiq raq nguto, “Ngi ka Tatiwe, Abraham Shiikeawe kiimaq Isak Shiikeawe. Ngi raq ara ümnaq kon rai tlaü mung arka ümniima kiimaq ümsaü ümsetiim ma mikuqha.
Ngi raq Abraham ma kiimaq Isak ma kuqkang mung kra ümniima mikuqha. Kiimaq kra mung ka ümnaq tsaijai ümsaü ümsetiim ma mikuqha.”
“Tsangshiq ramtsi na tsangshiq ma, ramungtan wa manna dung, tiidea kuq laü. Kiimaq tsangshiq khamnyang tsi na, longkaü wa kham, tiiphok kuq wan laü. Ümniiraq mikuq kang nguta kiq akham kuq haü, mungtan ashi kiimin, tsangshiq ma, ‘Siq wan rong liishe,’ nguta, chongkuq wan laü.
Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo.
Ümjaq shisetiim Abraham, Isak, kiimaq Jakob ka tsan na tiitsanglaq. Kiimaq ümniiraq tsangshiq ma tsangsaü tsangsetiim ka ra na raiqsaiq diimtlaq kiikha mitiipaha nguta ramram kongphiq kiqkham kuqlaü kra tiimalaq. Kiimaq tsangshiq saüsetiim ma mung ashi ka wiita pattup pat-sa miitu tsangshiq tachong hupsam ma mikuqha nguta kiqkham kuq laü kra tsan na tiitsanglaq.”
Kiimaq Ngi raq tsangshiq rai itong min shong kang. Kra tongshong raükha kiqkham ka Ngi raq tsangshiq ma Kanan mung, tsangshiq wanshawe ma ja raüta shong wantaq kra tsangshiq ma mikuqha nguta kiqkham kuq kang.
Kra ningkhan Israilnok ma Ngi raq tsangshiq ma akha chongtiikang nguta chongkuqlaq, ‘Ngi ka Tatiwe; Ngi raq namshiq ka midok dawanha. Lata namshiq ka Ejipnok dikong sitlan kiiwa wasetiim miishe mitiija wanha. Ngi raq ijaq phum aheng honghea pinthum ara tsangshiq khuthaq niishe midoha. Lata phiiptsi chang chamchao mo ka tsangshiq ma mitiihoha. Lata Ngi raq namshiq ka mitiichhii kuqha.
Kra ningkhan, Ngi raq kumtsaiphii rumnyangkhi mung maq, tsangshiq ka Ngi raq tsangshiq siwan miitu mung ashi kuq kang, hiqpo hiqwin mung kiimaq arong awin mung, mangjong tlot li na ahea pinthum krii mung na tiisaüli ka shea wan mang she nguta ikiq kham wankang.
Kriikha niishe, Ngi raq kumtsaiphii rumnyangkhi mung maq ikiq kham raütu ashi hali khakuq wan nongkang. Kriika Ngi raq tsangshiq ka mangjong tlotli na wiita miwan baiqha nguta sinkham wan kang.
Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.
Ümtiikiiwa Ngi raq namshiq ka Israil mung na hali tsuq wan nong tiikang, Ngi raq namtitiim pat na tsangshiq ma mikuqha nguta kiqkham raüpot khakuq wan kang kra mung niishe namshiq ka mitsuq wanha, kiijiishetiq namshiq raq Ngi ardea Tatiwe nguta misap wan han.
Ngi, Tati Rakaü Hiqwe raq, atiitum lata ngutiikang atro na siti maiq mung thun raq jea ka mingaü dongdii.
Ngi raq atiitum lata namtitiim ma ara mungtan ara mikuq kang kiimaq armung ka namshiq raq milap han nguta kiq khamkuq kang she. Riita ümchaü sanha ara mung ara namshiq liipan na riingea riingea chhaq maq riichum lanta riiphea ronglaq.
Kiimaq Mosheq raq anangwe Midian phan Jethro se Hobab ma akha nguto, “Naishiq ka Tatiwe raq naishiq ma mikuq kang nguta kiqkham kuqta mung kiina laü wan she. Apaiq raq Israilnok ka pinthum aphe arongnok ma mitiijaha nguta kiqkham kuqto. Kra ningkhan, ümniimin naishiq rai li wa i. Kiimaq naishiq ümkhiiwa chiithe jawan tiikai kra ümniirai riiphea, riinyin laita misi rong i.”
Ngi raq tsangshiq ka phansang mang dea. Riimakla ngi raq tsangshiq ka chii mang dea! Riita ümniiraq ngi ka noboqti nyung ma jalata tsangshiq ka ijaq na do lata noshiisetiim kong ikha, ümniiraq mung ashi mikuqha nguta tsangtitiim ma kiqkham kuqlaü kra mung na saüli boq wan laq nguta jaram wa thaü tlaü?
Ngi raq namshiq ka kra mung na tiishong nga wan miitu kiq kham kuqkang. Shatmsq Kaleb nai Joshua kra tlea raüta, namshiq phong wa maiq ahinti ka jumin kiina shong wan lu man mirhan.
Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.
Ngi arli tengteng atra Shiikeawe, Ngi raq ijaq ka ra na dotiikang kiimaq ikiq sinkham bom chongtiikang
Apaiq ka tiihang mangchan jonghea riimti Shiikeawe. Apaiq raq namshiq ka tiishaübaiq mak miraq. Riimakla namshiq ka chongthum miika tiijabaiq mak miraq. Kiimaq apaiq raq namtitiim ma tongshong jaq khaq raü tiipa kuqtaq kriika laq baiq mak miraq.
Ngi raq namshiq ma hiq namshiq raq ümtiikiimin shamsiq man kra kuqkang. Kiimaq chela thun namshiq jaq maq atei wan han riimak thun kra kuqkang. Ümchaü namshiq ka kiijiishe sitlan, lanta spiqtsi namshiq raq chhijang man kriiwa pansiq tlan, kiimaq olip tsi ka achong wa, namshiq raq achhi han riimak kiiwa pansiq tlan.’”
Raütiishe, apaiq raq pattup pat-sa atra sitiwe, ra nai hiq phansangti we, kiimaq sammoktra jü phansangti we, kiimaq ta na nai jü mong na sitlaq wiitsitsü phan thun kra tiiqti we, Shiikeawe sitlaq mang na atiitum riito. Raütiishe, rase raq, “Shiikeawe raq jaqsham wan chang nguta jamlai phan wa süriitaq, kriika ümchaü jai na tiijai hitthü mak she!
Israilnok rümti khushü ajong Shiikeawe raq arot chongmak. Kiimaq apaiq tiima tsantsii kiimin klaimak. Apaiq ka maiqse riimak. Apaiq hon atsii ka klai mak.”