WEAWEA 10:29 - ASII LAKDAP Bible (BSI)

²⁹ Kiimaq Mosheq raq anangwe Midian phan Jethro se Hobab ma akha nguto, “Naishiq ka Tatiwe raq naishiq ma mikuq kang nguta kiqkham kuqta mung kiina laü wan she. Apaiq raq Israilnok ka pinthum aphe arongnok ma mitiijaha nguta kiqkham kuqto. Kra ningkhan, ümniimin naishiq rai li wa i. Kiimaq naishiq ümkhiiwa chiithe jawan tiikai kra ümniirai riiphea, riinyin laita misi rong i.”

Hawa Naga Bible 2001

²⁹ Moshe rueq Midian phvnx Jethro saz vguz Hobab muex ngoc, “Yehowa rueq nuiyshiq muex kuq phaungx ngoz tueq mungx nuex nuiyshiq majuiuc kaz vtix. Piq rueq Israel miqsaz muex tvrungx wanx kuq phaungx ngoz tueq bomkhvmc httax yaq ningkhvnc nuex nuiyshiq rulc vdvmz kaz naungx loq, mnoz rueq muinz nuiyshiq rulc rv-ngvlc lvp luz shuiux,” ngoz tueq jungx tueq.

WEAWEA 10:29 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 13:15

Ümniiraq ümmak maq aham ham hiq ara ümchuwa chhitlaü thun kra, Ngi raq ümniima nai ümsaü ümsetiim ma wiita mikuqha. Kiimaq armung ka pattup pat-sa miitu ümniiriishe miraq.

RAPHA HIQWA LAK 15:18

Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

RAPHA HIQWA LAK 17:8

Ngi raq ümniima kiimaq ümlai ümla thun ma, arhiq ara ümchaü ümniika wanwe sitlaü ara mikuqha. Kanan mung kunli ka pattup pat-sa miitu ümlai ümla phan rii she miraq. Kiimaq Ngi ka tsangshiq Shiikeawe she mirha.”

RAPHA HIQWA LAK 32:12

Tsan na tiitsang laq, ümniiraq ngi ma phanrap lamlu ka ahea miraq kiimaq ngi ma isaü isetiim ka maiq jurmin wealot mak, kham jong chum kii na kumtsai riiphongtlaq ikha mitiipuha nguta kiqkham kuq laü ira.”

Tvtsvmc 100:1

Tatiwe ma shikuq ronglaq, mangjong tlotli raq!

Tvtsvmc 34:8

Tatiwe thuktsom ka ümtinkhan heawa wa ka ümnaq maiqmii raq rit liina. Peohea miraq apaiq wokhong na tiiwongshat siti ma.

Tvtsvmc 95:1

Warong ra, nashiq raq Tatiwe tiitsam rong i! Nashiq chojong chise maq Shiikeawe ma shi rong i nashiq tiiwongketiwe ma!

DUNGWVNC 18:1

Midia mungti ramwe Mosheq huchhi Jethro raq Mosheq raq Israilnok ka Ejip mung wa tsuq wantaq akhing na Shiikeawe raq apaiq miitu nai Israilnok miitu jaqsham kuqtaq thun kra tsütsa ka kunli tai wanto.

DUNGWVNC 18:12

Kiijiishe Jethro raq Shiikeawe ma wiipumtam- chaqtlii kechang thun kra nai laihin honglu kechang thun kriishe lan wanto. Kiimaq Aron nai Israilnok welabi kiimin tlotli apaiq raishe asii honglu ngam kra phaqsea wadam, kiimaq noqku lomdam apaiq rai wawan damto.

DUNGWVNC 18:27

Kra lot jai she Mosheq raq ahuchhiwe Jethro ma “waliijo” nguta kiimriiphea bomto. Kiimaq Jethro ka ajam na jang wanto.

DUNGWVNC 2:18

Ümtiikiiwa tsangshiq ka awe pha niishe jang wantaq, apaiq raq tsangshiq ma waito, “Namshiq ka ümchaü ranaiq jam nguto jaqlose li jang wan lan?”

DUNGWVNC 2:21

Krai mren Mosheq ka kiijaq sidam miitu kiq rito. Kiimaq Jethro raq apaiq ma ase Jippora ka tiiwato.

DUNGWVNC 3:1

Ranaiqshi Mosheq ka ahuchhiwe Jethro, Midian mungti ramwe skukong nai chhechhi kong kra riimrea riito. Apaiq raq nyamse kong ka rumnyangkhi kumtsaiphii wang kiina tsuqhoto. Raüta asii Sinai pumji kiina saükito.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

DUNGWVNC 6:4

Kiimaq Ngi raq tsangshiq rai itong min shong kang. Kra tongshong raükha kiqkham ka Ngi raq tsangshiq ma Kanan mung, tsangshiq wanshawe ma ja raüta shong wantaq kra tsangshiq ma mikuqha nguta kiqkham kuq kang.

ISAIA 2:3

kiimaq tsang mungti raq mingu, “Nashiq ka Tati kin kiina warongpha, Israilnok Shiikeawe Shomjam na warongpha. Apaiq raq nashiq ma atsanroro jaqsham kra mishrinkuq, nashiq ka apaiq raq tsea wantaq kra lam phan phan khumlaita mishong nga wan rong i. Jamkhano ngukla Tati tsiichong bomtsi ka Jerusalem maq chongkuqtlo; apaiq raq Jajon maq asengi ma tsü chongkuqtlo.”

JEREMIA 50:5

Tsangshiq raq Jajon na walam kra mirit. Raüta kra lam phan phan miwa wan. Raüta tsangshiq raq Ngi rai pattup pat-sa miitu tong mishong. Raüta kra tongshong tri ka ümtiikiimin jin mak she miraq.

WEAWEA 10:28

Riita Israilnok raq tsangshiq piitiip ka siiq raüta laü wantlaq akhingtek na, tsangshiq mang laü wan akhum ka ara chongtlaq ara phan phan laü wan lili riitlo.

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Acts 7:5

Shatmaq, kra akhing na, Shiikeawe raq nati Abraham ma, ara mung arwa hiq ka phushi min, apaiq rii kuq mak dea. Shatmaq, Shiikeawe raq ara hiq arka, Abraham nai apaiq saü asetiim ma mikuqha nguta kiqkham kuqto. Shiikeawe raq apaiq ma, ara kiqkham kuqtaq akhing niika, apaiq ka laihü lahü shaqli riito.

TRI CHONGKE 30:5

Krai mren, namshiq raq namtitiim sichang hiqchü rachü thun kiina hali mishong wan nong han. Kiimaq apaiq raq namshiq ka man na namtitiim pat na siwantaq kriithaq na pinthum chiithejong she mitiijong kuq wan, kiimaq namshiq ka maiq pahea awealot mai raham hiq ham she mitiipu kuq wan.

TRI CHONGKE 4:40

Ümchaü ranaiq ngi raq namshiq ma kuqtiikang tri raütu thun ka kunli lang ronglaq. Kra riihanla namshiq ma phanrap na khusang ahea miraq. Kiimaq namsaü namsetiim miimin ahea miraq. Namshiq ka Tatiwe namshiq Shiikeawe raq namshiq ma pattup pat-sa miitu hiqshong rahai kuqtlaq kiijaq hansang maq siwan ruq misi wan han.”

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

PHOWEBI 1:16

Mosheq huchhi ka Kenaiq phan. Tsangshiq ka Juda phan rai kongshi maq Jeriko maq, kriika Sirichong ro chela ngutlo, kriimaq Juda mung na Arad chela maq shemai nü wang kiina shinram shinriiq binjü kiina kihoto. Raüta kra binjü kiijaq Amalakaiqnok rai adam na shong wanto.

PHOWEBI 4:11

Kiimaq kra akhing na Kenaiq phan wa Hebar raq, apaiq tombutiip ka Kedesh chela tho na ok pechong ji na Jananim binjü na atei wan wishe riito. Apaiq ka Kenaiq phan nanok ahin, Mosheq ma anangwe Hobab saüse phan phong wa pong niishe trai wanto.

1 SAMUEL 15:6

Apaiq raq Kenaiqnok miika tsasoqti maiq tiiki raüta, honkam bom akha tiichongkito. Kenaiqnok phan riika Israilnok ka Ejip mung maq manglaü wawan tlaq akhing na Israilnok ma lungwii tsantsii tiichhikuqto: Saul raq tsangshiq ma tsütsa ka akha tiichongkito: “Namshiq ka Amalakaiqnok hiqshong wa ahin na, namchiim jin juho ronglaq. Lanta tsangshiq ka baiqthü ronglaq. Jamkhano ngukla Amalakaiqnok rai jawi piqwi raq namshiqnok khuthaq na nyam wan damjiiq.” Krai mren, Kenaiqnok ka tsangchiim jin ahin na pin wanto.